МЕНСКРАЗАМ!

​​Вольных Купалаўцаў прызналі "фарміраваннем". Ну, здаецца, нязначная падзея: калі экстрэмісцкі музычны гурт ёсць, то чаму б не быць экстрэмісцкаму тэатру?

Але гісторыя з Купалаўскі паказальная. Як усе бандыты, лукашэнкаўскія "сілавікі" любяць і ўмеюць "аджымаць": грошы, маёмасць, бізнэсы. А з аджатага абавязкова трэба  высмактаць усе сокі і разбурыць тое, што засталося. І вось яны паспрабавалі аджаць "аб'ект культуры": забралі будынак, прагналі актораў, панавезлі на іх месцы прыгонных рускамірных цётак, якія арганічна выглядаюць не на сцэне, а на адкрыцці алкамаркета. Ужо рыхтаваліся адрапартаваць, што тэатр апаганены і знішчаны.

Але вось праз чатыры гады Вольныя Купалаўцы ставяць п'есы ў розных гарадах Еўропы. Тэатр і яго дух не знішчаны, ён жыве. У лапах пацукоў застаўся толькі будынак, заняты іншымі пацукамі. Лукашысты, вядома ж, шалеюць, імкнуцца дробна адпомсціць, і не разумеюць, як так сталася: будынак скралі, а тэатр - не.

А ўсё таму, што тэатр - гэта не будынак, гэта людзі. Людзі ніколі не былі каштоўнасцю для злачыннай улады, таму ёй немагчыма гэта ўсвядоміць. І людзі, аб'яднаныя агульнай мэтай і агульнай справай, - нават без будынка, нават без дома - не страцілі сваё месца і захавалі тэатр. І тысячы беларусаў чакаюць яго вяртання на радзіму.

Дзякуй, Вольныя Купалаўцы!
Жыве Купалаўскі!
Жыве Беларусь!

Сем гадоў Адраджэньня.

🥳 Віншуем Сяргея Навумчыка, які нарадзіўся 15 сьнежня 1961 (Паставы), беларускага журналіста і палітыка.

Удзельнічаў у распрацоўцы і прыняцьці Дэклярацыі аб дзяржаўным сувэрэнітэце Беларусі, падрыхтоўцы законапраектаў да нечарговай сэсіі ВС 24-25 жніўня 1991 г., на якой была адноўленая Незалежнасьці Беларусі.

Удзельнічаў у галадоўцы дэпутатаў Апазыцыі БНФ 11-12 красавіка 1995 г. супраць ініцыяванага т. зв. рэфэрэндуму аб ліквідацыі статусу беларускай мовы як адзінай дзяржаўнай, ліквідацыі статусу дзяржаўных сымбаляў гэрбу «Пагоня» і бел-чырвона-белага сьцягу, эканамічнай інтэграцыі з Расеяй і праве прэзыдэнта распускаць парлямэнт.

📕 Сяргей Навумчык сябра Беларускага ПЭН-цэнтру, ляўрэат літаратурнай прэміі імя Алеся Адамовіча за кнігу «Сем гадоў Адраджэньня, альбо Фрагмэнты найноўшай гісторыі (1988-1995)»

@ ”Хто не памятае мінулага, хто забывае мінулае — асуджаны зноў перажыць яго. Безьліч разоў” - Уладзімір Караткевіч

Таму пампуйце на kamunikat і чытайце кнігі пра гістарычныя падзеі:
1️⃣ Дзевяноста першы
2️⃣ Дзевяноста другі
3️⃣ Дзевяноста трэці
4️⃣ Дзевяноста чацьвёрты
5️⃣ Дзевяноста пяты
6️⃣ Дзевяноста шосты

усё на крыві, усё на касьцях,
усё шматзначнае адназначна!..
я маю свой герб, я маю свой сьцяг,
я маю свой край, дзе дыхаць мне смачна!

🎵 Слухайце гурт Сьцяна - Я еду (Viza N.R.M.)

❗️ Наўпрост падпісвайцеся на фэйсбук Сяргея Навумчыка і чытайце дасьведчанага ў палітыцы чалавека, якому ня трэба будаваць кар'еру і дагадзіць захаду ці ўсходу, і таму можна разьлічваць на яго шчырыя думкі. Годныя людзі побач!

@supermova #мова #гонар #годнасьць #навумчык #паставы

​​Сэрца сціскаецца, калі глядзіш навіны з Тбілісі. І гэтыя колеры сцягоў, і маршы ўсіх, каго можна ўявіць: пенсіянераў, студэнтаў, айцішнікаў, вінаробаў і нават дыджэяў... Шмат падабенстваў, шмат успамінаў. Страшна, бо людзі стаміліся, і людзі без масак, а "грузінская мара" таксама ўсе маскі скінула: вось збіваюць і арыштоўваюць апазіцыянераў, вось штампуюцца новыя рэпрэсіўныя законы, вось пацукі праводзяць "выбары" прэзідэнта, дзе толькі 300 спецыяльна навучаных выбарцаў, а кандыдат увогуле адзін.

Але паралельна адбываецца іншае. Вось масава звальняюцца чыноўнікі і дыпламаты, вось пратэстоўцаў падтрымліваюць самыя вялікія банкі краіны, вось кіраўнікі бізнэсаў дасылаюць адвакатаў да сваіх арыштаваных супрацоўнікаў. Вось людзі на вуліцах спяваюць на роднай мове. Вось невялічкі сабака самавіта цягне нумар, адгрызены з паліцэйскага аўто. Глядзіш і разумееш: няма нічога немагчымага.

"Рускі свет" шмат дзе пусціў свае брудныя карані, у розных краінах, на розных кантынентах. Толькі карані тыя гніюць, а людзі хочуць самі абіраць сваю будучыню. Будзе доўга і будзе цяжка, беларусы як ніхто іншы гэта разумеюць. І як ніхто іншы жадаюць хутчэйшай перамогі народу Сакартвэла.

Сакартвэлас гаўмарджос!
Жыве Беларусь!