Лагодны Цмок | Гледзіва па-беларуску

🎬 S.T.A.L.K.E.R.: Цень Чарнобылю ПА-БЕЛАРУСКУ | трэйлер перакладу | BELARUSITY

Глядзець:
https://youtu.be/LfZNyuomUig

Спадарства! Нарэшце выйшаў пераклад гульні „Сталкер. Цень Чарнобылю” ❤️‍🔥

Мы з суполкаю BELARUSITY рупіліва й дбайна працавалі, каб пераклад меў найвышэйшую якасьць (за працу нам аніхто не плаціў).

Пашырэньні й водгукі вітаюцца!

Таксама можна падзякаваці кубачкам гарбаты 🥰

💬 Гары Потэр і Філязофскі Камень. Прадмова да перакладу

Мы, каманда зь перакладу сэрыі фільмаў Гары Потэр, прэзэнтуем вам першы фільм з гэтае сэрыі.

Мы дбайна й рупліва працавалі над перакладам некалькі месяцаў, намагаючыся дасягнуць найлепшага выніку.

У нашым варыянце перакладу ўжываюцца пэўныя хормы словаў і зваротаў, якія ў што-дзённай размове дужа рэдка чуваць: замест пайду — пойду, прайсьці — пройсьці, хадзеце/хадзіце — ходзьце, глядзі — гледзь, чырвоная — чырвона, вялікае — вяліка, а таксама ваша, Вашаць, Вашэця, пры звароце да кагось.

Датагож мы пастанавілі перадаваць уласныя ймёны, намагаючыся захаваць іхнае арыгінальнае гучаньне. Таму падчас прагляду вы можаце заўважыць літару “ґ” і літару “ў” пасьля зычных.

Тэкст не дакладны, бо ў некаторых момантах былі зробленыя адыходы ад арыгінальнага тэксту, каб павялічыць пачуцьцё й атмасфэру школы чараў.

Дзякуй вялікі за ўвагу, і прыемнага прагляду!

— Ф. Будаўнічы, Шыпшынавае сочыва, Чарот, SolAriS

🌤️ Вітаем, сябры!

На календары — 1-га сьнежня. На вуліцах многіх местаў ўжо пачынаюць зьяўляцца размаітыя ліхтарыкі й аздобы, што сваім зьзянем ствараюць прыемны калядна-чароўны настрой. ✨

Гэты дзень мы зьмеркавалі прысьвяціць фільму, што багата хто падабае акурат за чараўніцтва, дабро, а таксама цёплыя ўспаміны.

Папраўдзе, ягоны пераклад нам даслалі яшчэ летась, але з пэўных прычынаў публікуем яго толькі цяпер.

Шчыра перапрашаем каманду перакладнікаў/рэдактараў за доўгае чаканьне 💛

Зычым усім добрага вечару й прыемнага прагляду!

📒 Вострыя Брылі. #Слоўнік

Віж — шпіён, даносчык, наглядчык.
З-пад крысá — нелегальна, у падпольлі.
Вы́шмараваныя — нацертыя, вымазаныя.
Клёк — розум, развага.
Хáбар — грошы або рэчы, што даюцца камусьці як подкуп з мэтай атрыманьня пэўнай выгады.
Пахо‌лік — галетнік, бедны селянін.
Блёкату аб'есьціся — з глуду зьехаць, з розуму выбіцца.
Ладзьбіт — сяржант.
Тáечка — даражэнькая, мілая, сяброўка.

— Чарот

📒 Венская Кроў. #Слоўнік

Бэлядонна ― травяністая атрутная расьліна. Народная назва ― воўчыя ягады. Калісьці кабеты капалі сок гэтае расьліны сабе ў вочы, каб зрабіць іх зіхотнымі.
Капэнгагенскі сіні ― далікатны шэра-сіні колер.
Паплін ― „папская тканіна” ― звычайна шаўковая тканіна, названая так таму што першапачаткова выраблялася для Папы рымскага.
Параплаў — Steamship
Плоцевы чын ― тоесамае што й сэкс, сэксуальны кантакт.
Прост ― нямецкі адпаведнік тоста „На здароўе”.
Хіна, хінскі —China, chinese
Шамбрэ ― баваўняная (раней ільняная) тканіна звычайна блакітнага колеру. Выкарыстоўвалася для працоўнага адзеньньня. Цікавы факт ― назва рабочага кляса „блакітныя каўнеры” зьявілася акурат праз гэтую тканіну.

— Ciulenia

Дабрыдзень, шаноўныя чытачы!
Зноўку перапрашаю за доўгую цішыню на гэтым канале. На жаль, займацца гэтым праектам у мяне не было моцаў. І цяперака ня тое каб ё.

Увесну нейкі час я была дужа натхнёная ды імкнулася штось рабіці, ствараці, мела багата плянаў і багата чым хацела падзяліцца, перадаці свае веды а досьвед, але жыцьцёвыя варункі зьнячэўку зацягнулі ў свой карагод і закруцілі. Як і летась. Як і штодня амаль. Але гэта ня знача, што я нічога не раблю ды ўсё кідаю.

Мне й цяперака баліць за Беларусь, нашую культуру й стан мовы. Маёй нутраной пэрфэкцыяністай заўжды карцела, каб усё было як найлепш, бяз хібаў і абмыл. Але гэты шлях летась прывёў мяне да жахлівага выгараньня.

Цяперака я пакрысе чуняю ды працягваю працаваці на ніве адраджэньня Беларушчыны (дзе працую ўжо каторы год. ведама, грошы за тое як не было, так і німа — толькі новы досьвед а новыя веды).

Навіна пра сайт КінаКіпы з бадай самым поўным зборам фільмаў а сэрыялаў па-беларуску мяне запраўды пацешыла, бо разам з тым нібы нейкі цяжар (мо мною ж і прыдуманы) зваліўся зь мяне. Але годзе з гэтым.

Вельмі хочацца быці карыснай, ведаю, што магу й ё, але абяцанак-цацанак усё ж болей не давацьму.

***

Што да Цмока — Цмок жыве й жыціме, покі нам дасылацьмуць свае пераклады й агучваньні беларускія рупліўцы.

За гэты час нам у бот даслалі некалькі фільмаў і сэрыялаў, то ж чакайця навінаў 😉

📃 Як даслаць пераклад: бач тут.


❗️ Важная абвестка

Пасьля зьмены канцэпцы праекту — празь фізычную нязмогу сачыці за якасьцю ўсіх перакладаў — мне хацелася, каб хаця б у допісах на гэтым канале й сайце не было відочных абмылаў, таму ўсе апісаньні да фільмаў праходзілі рэдагаваньне. Але ад цяперака ў допісах з фільмамі будзе толькі тый тэкст, што нам дасылацьмуць аўтары перакладаў, — то бо бяз нашых праўленьняў артаграфіі, пунктуацы, лексыкі, правапісу й г.д. Гэта дасьць вам, шаноўныя чытачы, магчымасьць адразу пазнаёміцца із стылем перакладніка/рэдактара ды адразу нештачка зьмеркаваці наконт перакладу.

Ну, на гэтым покі ўсё.

Дзякую за разуменьне, чаканьне й вашую ўвагу! Бывайце здаровыя й беражэце сябе ❤️‍🩹🫂

З павагаю
кіраўніца праектаў
@la_cmok i @salaviejka

____
p.s. калі вам не адказалі ў боце — калі ласка, напішэце яшчэ раз.☀️