Аб’яднаны Пераходны Кабінет Беларусі


Гео и язык канала: Беларусь, Белорусский
Категория: Политика


Афіцыйны канал Аб’яднанага Пераходнага Кабінета Беларусі – часовага выканаўчага органа, створанага нацыянальнай лідаркай Святланай Ціханоўскай.
"Адно акно" @odnooknobysocial_bot
Пытанні і прапановы @belcabinet_bot
Кантакт для СМІ press@belaruscabinet.org

Связанные каналы

Гео и язык канала
Беларусь, Белорусский
Категория
Политика
Статистика
Фильтр публикаций




Канферэнцыя дыяспар, Дзень Волі і сустрэчы на найвышэйшым узроўні для вырашэння праблем беларусаў

Як прайшоў вялікі візіт кіраўніцы і прадстаўнікоў Кабінета ў Прагу – чытайце ў нашых картках.

@CabinetBelarus


Станіслаў Салавей прызначаны намеснікам прадстаўніцы па сацыяльнай палітыцы Аб’яднанага Пераходнага Кабінета 

У прадстаўніцтве Вольгі Гарбуновай ён будзе адказваць за пытанні ў сферы аховы здароўя. Асноўная задача, якая перад ім стаіць, – распрацоўка праекта рэформ сістэмы аховы здароўя пераходнага перыяду. Таксама Станіслаў Салавей будзе займацца адвакацыяй правоў беларускіх медыкаў у замежжы.

Станіслаў Салавей – урач, прафсаюзны лідар, грамадзянскі актывіст у сферы аховы здароўя.

У 2013 годзе скончыў БДМУ па спецыяльнасці «Лячэбная справа». З 2013 па 2016 год праходзіў інтэрнатуру і працаваў урачом акушэрам-гінеколагам у РНПЦ «Маці і дзіця». З 2016 па 2021 год – урач акушэр-гінеколаг, урач ультрагукавой дыягностыкі ў 3-яй Гарадской клінічнай бальніцы імя Я.У. Клумава. З 2021 па 2024 працаваў урачом акушэрам-гінеколагам ва Украіне.

З 2021 года – прафсаюзны актывіст і старшыня галіновай прафсаюзнай арганізацыі медыкаў «Панацэя».

Удзельнік мірных пратэстаў 2020-2021 гг. Двойчы затрымліваўся па адміністрацыйным артыкуле 23.34, звольнены па палітычных матывах.

Валанцёр ва ўкраінскіх ініцыятывах беларускай дыяспары. Член Каардынацыйнай Рады 2-га склікання.

Даследчык сістэмы беларускай аховы здароўя. Голас і ўдзельнік даследчага фільма пра рэаліі беларускай медыцыны «ГУпоЗ». Займаўся навуковай працай, у 2019 годзе атрымаў прэмію за навуковыя дасягненні.

Сфера інтарэсаў: працоўнае права, захворванне і смяротнасць падчас пандэміі COVID-19, фальсіфікацыя медыцынскай статыстыкі, парушэнне правоў пацыентаў, адвакацыя правоў медыкаў і пацыентаў, гендарная праблематыка ў сферы медыцыны.

@CabinetBelarus


Репост из: Прадстаўніцтва па замежных справах Аб'яднанага Пераходнага Кабінета Беларусі
🇸🇪 «Не толькі крок на шляху вырашэння праблем легалізацыі беларусаў у Швецыі, але і яшчэ адзін важны прэцэдэнт»

Шведскае агенцтва па міграцыі Migrationsverket выпусціла прававое тлумачэнне па (не)магчымасці беларускіх грамадзян атрымаць дзейны пашпарт Рэспублікі Беларусь.

У дакуменце Агенцтва па міграцыі Швецыі абапіраецца не на «афіцыйныя фармуліроўкі» рэжыму, а на заяву спецдакладчыка ААН і інфармацыю ад праваабарончых ініцыятыў Human Constanta і «Вясна», якія падкрэсліваюць, што гэты ўказ – «частка палітыкі помсты беларусам у выгнанні».

Міграцыйнае агенцтва інфармуе сваіх супрацоўнікаў аб тым, што ў бягучых умовах грамадзян Беларусі не варта заклікаць ехаць на Радзіму, каб атрымаць дзейны пашпарт, і тлумачыць, якім чынам варта прымяняць дзейны статут у выпадках беларусаў і беларусак, у тым ліку:

▪️ «У пэўных выпадках замежнік можа атрымаць дазвол на жыхарства, нават калі не мае пашпарту, пры ўмове, што атрымаць пашпарт немагчыма ў разумны тэрмін»

▪️ «Калі ў замежніка няма пашпарта (альбо іншага дакументу, які можа быць прыняты як пашпарт), і ён не можа атрымаць такі дакумент, Агенцтва па міграцыі пакідае за сабою права выдаць яму ці ёй пашпарт замежніка».

Дакумент стаўся вынікам высілкаў беларускіх дэмакратычных сіл у супрацы з шведскімі ўладамі. У першую чаргу, Святланы Ціханоўскай і Народнай амбасады Беларусі ў Швецыі.

«Гэты дакумент – не толькі важны крок на шляху вырашэння пытання легалізацыі беларусаў у Швецыі, але і яшчэ адзін важны прэцэдэнт для іншых краін Еўропы», – зазначае прадстаўнік Народнай амбасады Беларусі ў Швецыі Зміцер Васэрман.

@BelarusiSvet


«Зараз мы мусім уратаваць за мяжой тое, што пад пагрозай у краіне»

Прадстаўніца па нацыянальным адраджэнні Кабінета Аліна Коўшык і яе намеснік Павел Баркоўскі па запрашэнні амбасады Канады ў Польшчы сталі спікерамі на брыфінгу для замежных дыпламатаў з нагоды Дня Волі. Брыфінг адкрыла амбасадарка Канады Катрын Гадзін.

Спікеры надалі ўвагу праблемам у адукацыі, культуры, палітыцы гістарычнай памяці ў Беларусі, абмеркавалі супольныя крокі для падтрымкі нацыянальных каштоўнасцей і грамадзянскай супольнасці.

На сустрэчу таксама былі запрошаныя прадстаўнікі беларускіх культурніцкіх ініцыятыў: Эліна Калнібалоцкая (Беларуская Рада культуры), Ірына Козікава (PEN Belarus), літаратар Алесь Плотка, журналіст і пісьменнік Аляксандр Чарнуха, дзіджэй, арт-менеджар Аляксандр Багданаў і інш.

Аліна Коўшык: «Не стамляемся распавядаць аб тым, чаму Беларусь важная для ўсёй Еўропы і свету. 25 сакавіка – выдатная нагода, каб распавесці замежным дыпламатам пра сітуацыю ў нашай краіне. З майго боку – пра сітуацыю ў адукацыі і культуры. Мы прапанавалі нашым партнёрам больш актыўна падтрымліваць канкрэтныя беларускія культурныя праекты, нашых дзеячаў і дзяячак. Трэба памятаць, што зараз мы мусім уратаваць за мяжой тое, што пад пагрозай у краіне.

Дзякую амбасадзе Канады ў Польшчы за тое, што заўсёды адчыняе для нас дзверы і падтрымлівае нашыя ініцыятывы».

@CabinetBelarus


Сустрэча ў МЗС Польшчы, прыём і канцэрт да Дня Волі

Прадстаўніца па нацыянальным адраджэнні Кабінета Аліна Коўшык правяла сустрэчу з намесніцай міністра замежных спраў Польшчы Хенрыкай Масціцкай-Дэндыс.

Абмеркавалі супольныя дзеянні ў сферы культурнай дыпламатыі; развіццё адукацыйных і навуковых праграм для беларусаў; падтрымку незалежных медыя; выдачу віз для беларусаў.

Таксама Аліна Коўшык узяла ўдзел ва ўрачыстым прыёме і канцэрце з нагоды Дня Волі, арганізаваным МЗС Польшчы, Аб’яднаным Пераходным Кабінетам і Музычным універсітэтам імя Ф. Шапэна.

Перад канцэртам Хенрыка Масціцкая-Дэндыс і Аліна Коўшык наведалі выставу «Галасы Беларусі: так блізка і так далёка», ініцыяваную Прадстаўніцтвам па нацыянальным адраджэнні Кабінета.

Падчас урачыстасцей намесніца міністра Хенрыка Масціцкая-Дэндыс адзначыла:

«Драматычныя падзеі апошніх гадоў прывялі да эміграцыі сотняў тысяч беларусаў. Многія з іх знайшлі другі дом у Польшчы. Палякі салідарныя з грамадствам, прыгнечаным рэжымам у Беларусі».

Аліна Коўшык у прамове распавяла аб вытоках Дня Волі і ўнёску БНР у развіццё ідэнтычнасці, дзяржаўнасці і культуры нашага народа:

«Гэтыя дасягненні цесна звязаны з нашай сучаснай барацьбой. Напрыклад, выдача пашпартоў і адкрыццё дыпламатычных прадстаўніцтваў па ўсім свеце дазволілі Беларусі наладзіць кантакты з іншымі краінамі і папулярызаваць сваю культуру. Я ведаю, што некаторыя людзі нават да 1950-х гадоў падарожнічалі з пашпартамі БНР. І сёння, калі мы рыхтуем пашпарты новай Беларусі, мы просім вашай падтрымкі і прызнання».

@CabinetBelarus


Репост из: Светлана Тихановская
Святлана Ціханоўская: «Мне таксама хацелася б паскардзіцца, а можа нават паплакаць у жылетку»

III Канферэнцыя беларусаў і беларусак свету адкрылася прамовай Святланы Ціханоўскай. Такі ж эмацыйна стрыманы выступ чакаўся ад лідаркі і пад канец мерапрыемства. Аднак заключная размова з удзельнікамі прагучала зусім у іншым тоне.

Паглядзіце відэа – такой беларускую лідарку бачыш нячаста…

Святлана Ціханоўская: «Вы ведалі, што палітыкам таксама патрэбная падтрымка? Мне таксама час ад часу хацелася б паскардзіцца, а можа нават паплакаць у жылетку. Я магла б распавесці, як мяне сёння абразіў выраз «палітыкі любяць прыкрывацца палітзняволенымі». Я магла б распавесці, як часта да мяне звяртаюцца людзі і ініцыятывы – і скардзяцца адзін на аднаго. Просяць дапамагчы вырашыць канфліктныя сітуацыі. Я магла б паскардзіцца, што часам ад стомленасці мяне раздражняюць мае дзеці. Дзеці палітзняволенага, якім я прыкрываюся… Я магла б, але не буду. Бо я павінна быць моцнай, я не магу скардзіцца. Я павінна паказваць нам усім прыклад як не траціць свой рэсурс на публічнае высвятленне адносінаў, а працягваць працаваць. Дзякуй вам усім, што дапамагаеце мне быць моцнай і дапамагаеце быць моцнымі адзін аднаму. Разам мы ўсё здолеем».

https://youtu.be/9T5ksjWIBEE

Показано 7 последних публикаций.