🔥 Чучавіцкі край займеў асобны сайт!

Праект застаецца часткаю VANDRA, а зроблена было ўсё, каб мець крыху большыя магчымасці і гібкасць.

Распрацоўка сайта - гэта ўласныя аматарскія высілкі, але ж з імкненнем да лепшага. Сайт ужо працуе як месяц і паступова напаўняецца новымі старонкамі і дадзенымі :)

👉 https://www.czuczewicze.by/

Што ўжо ёсць?
▫️фотаархіў з мажлівасцю фільтравання здымкаў;
▫️могліцы Вялікіх Чучавіч з мапаю і фільтрамі;
▫️інвентары / рэвізскія казкі / спаведныя ведамасці з праіндэксаванымі спісамі жыхароў; гэта тое, што будзе з часам пашырацца дадзеными, бо інфармацыі шмат, але патрэбен час на індэкасцыю;
▫️рэпрэсаваныя - адпаведная старонка пра рэпрэсіі ў Чучавіцкім краі;
▫️радавод з часова абмежаваным доступам; там сабраны амаль увесь радавод краю, пачынаючы з 18 стагоддзя. Звесткі па кожнай асобе дапаўняюцца месцамі жыхарства / нараджэння / шлюбу / смерці. Тады базу дадзеных можна будзе больш удасканаліць. Пакуль яна змяшчае і нашчадкаў з'ехаўшых жыхароў краю.

Чаго не хапае?
🔸мапы вёсак з краязнаўчымі адметнасцямі; мапы зараз застаюцца на сайце VANDRA;
🔸артыкулы, які былі размешчаны на сайце VANDRA

Над гэтым усім і адной новай старонкай працуецца зараз. Структура сайта таксама ў бліжэйшы час пашырыцца праз этнаграфічны падзел: строй, спевы, казкі, гісторыі, рамёствы!

🖐️ Калі вам адгукаецца праект, то падтрымайце, калі ласка, працу і працуючых :)

Patreon | Boosty | Ko-fi | PayPal | rel='nofollow'>Revolut