Паважаныя бацькі!
Хутка верасень, і
Беларуская Школка ў Вільні зноў адчыняе дзверы для вучняў. Ужо ў чацвёрты раз!
Мы працягваем развіваць наш праект, каб у беларускіх дзяцей у Вільні была магчымасць атрымаць
дадатковую адукацыю на беларускай мове. А таксама каб уся нашая беларуская супольнасць Вільні магла сустракацца, стасавацца і мець сувязь адзін з адным. Для гэтага мы працягнем традыцыю не толькі нядзельнай школкі для дзяцей, але і супольных святаў і імпрэзаў для ўсіх-усіх-усіх.
У гэтым навучальным годзе мы плануем праводзіць наступныя гурткі:Бясплатныя:♦️Беларуская мова (4-5 гадоў)
♦️Беларуская мова (6-9 гадоў)
♦️Беларуская мова (10+ год)
♦️Беларусазнаўства (10+ год)
♦️Гісторыя Беларусі (10+ год)
♦️Літоўская мова (6-9 гадоў)
♦️Вакальна-інструментальны гурт (7+ год)
♦️Хор (6+)
♦️Тэатральная майстэрня (6-9 гадоў)
♦️Тэатральная майстэрня (10+ год)
♦️Выяўленчае мастацтва (6-9 гадоў)
♦️Выяўленчае мастацтва (10+ год)
Акрамя іх пры Школцы будуць працаваць
платныя гурткі: ♦️Ангельская мова (6-9 гадоў) - 25 еўра/месяц
♦️Творчая майстэрня (7-10 гадоў) - 30 еўра/месяц
♦️Робататэхніка (6+ і 10+) - 55 еўра/месяц
♦️Шахматы (6+) - 40 еўра/месяц
♦️Нясумная гісторыя беларусскага мастацтва (10+) - 30 еўра/месяц
♦️Нейра-атыповая група (6+) - 40 еўра/месяц
Калі ласка, запоўніце
форму рэгістрацыі, каб пазначыць, якія гурткі будзе наведваць ваша дзіця (запаўненне формы займае 5-7 хвілін).
Для зручнасці публікуем расклад заняткаў:
СУБОТА
9:30 -11:00 - Беларуская мова (4-5)
10:00-11:00 - Творчая майстэрня (7-10)
11:00-12:00 - Ангельская мова (6-9)
11:00-12:00 - Беларусазнаўства (10+)
12:00-13:00 - Робататэхніка (6+)
13:00-14:00 - Робататэхніка (10+)
12:00-13:00 - Гісторыя Беларусі (10+)
13:00-14:30 - Вакальны гурт (7+)
14:00-15:00 - Хор (6+)
14:30-15:30 - Тэатральная майстэрня (6-9)
15:30-16:30 - Тэатральная майстэрня (10+)
НЯДЗЕЛЯ
10:00-12:00- Нейра-атыповая група
10:00-11:00 - Літоўская мова (6-9)
11:00-12:00 - Беларуская мова (6-9)
12:00-13:00 - Беларуская мова (10+)
12:00-13:30 - Выяўленчае мастацтва (6-9)
13:30-15:00 - Выяўленчае мастацтва (10-13)
15:00-16:00 - Нясумная гісторыя беларускага мастацтва (10+)
15:00-16:00- Шахматы (6+)
Больш падрабязную інфармацыю пра кожны з гурткоў мы будзем пакрысе публікаваць у бліжэйшыя дні.
Таксама мы хочам звярнуць вашую ўвагу на тое, што
Беларуская Школка ў Вільні – гэта
некамерцыйны праект. Яна жыве дзякуючы грантам, спонсарскай падтрымцы, валанцёрам і, вядома, вашай падтрымцы ў выглядзе данатаў, за якія мы вам будзем вельмі ўдзячныя.
Кожны год, і гэты не выключэнне, мы пішам лісты ў беларускія кампаніі, якія рэлякаваліся, з просьбай аб фінансавай падтрымцы. Таму, калі вы ведаеце кантакт чалавека ў вашай фірме, які мог бы пагутарыць наконт такой падтрымкі, ці калі вы маеце кантакт іншага спонсара, мы ўсе будзем шчыра ўдзячныя! У такім выпадку абавязкова напішыце ў тэлеграм у асабоўкі нашай адміністратарцы
@Mrnnzk.
Заняткі пачнуцца з 21 верасня. Яны, як заўжды, будуць праходзіць у Цэнтры Беларускай супольнасьці і культуры ў Вільні па адрасе: Віленская/Vilniaus, 20.
Будзем радыя бачыць вас у Беларускай Школцы!