Як масавы тэрор у Беларусі знішчае новыя сродкі евангелізацыі, ілюструе ў сваім матэрыяле Katolik.life. Выданне адзначае: “актыўнасць і ўвогуле прысутнасць каталіцкіх святароў у сацсетках робіцца ўсё меншай, што адбіваецца на евангелізацыйнай дзейнасці ў інтэрнэце”.

Пры гэтым Katolik.life піша, што з сацсетак знікаюць не толькі тыя, каго затрымлівалі так званыя праваахоўныя органы, але і іншыя святары:

“У такіх умовах – калі невядома, што яшчэ могуць знайсці ў акаўнце з даўно мінулых гадоў і палічыць гэта правапарушэннем – святары па просьбе біскупаў выдаляюць свае ўліковыя запісы”.

У выніку разам з затрыманнем і зняволеннем святароў і вернікаў, выцісканнем іх за мяжу, закрыццём касцёлаў і перарэгістрацыяй парафіяў знішчаюцца і сродкі новай евангелізацыі, уласцівыя для ХХІ стагоддзя ІТ-тэхналогіяў. І ўсё гэта дзеля таго, каб нішто не магло адцягнуць увагу “скованных одной цепью” ад радасных крыкаў “НАДО”.