Адукацыя Чэрвеньшчыны

❤️ У працах дзеці адлюстравалі сваё стаўленне да памяці ваенных гадоў.

Кожны малюнак нібы пераносіць у тыя далёкія гады ваеннага ліхалецця і прымушае перажыць усе жахі зноў і зноў: слёзы роспачы маці, якая выпраўляе на фронт сыноў, варожыя танкі ў пшанічным полі, галодныя вочы дзяцей, нямецкія самалёты, якія нясуць смерць і разбурэнні…

Дзеці малююць тое, што, на шчасце, ведаюць толькі па аповедах. І ў памяць аб тых, хто аддаў свае жыцці за наша мірнае неба, мы будзем шанаваць іх вялікі подзвіг.

❤️ 22 чэрвеня ў Цэнтры творчасці дзяцей і моладзі імя Хаіма Суціна г.п.Смілавічы адкрылася мастацкая выстава навучэнцаў узорнай студыі выяўленчага мастацтва "Вулей", прымеркаваная да 80-годдзя вызвалення Беларусі ад нямецка-фашысцкіх захопнікаў.

Невыпадкова выбрана і дата адкрыцця – Дзень усенароднай памяці ахвяраў Вялікай Айчыннай вайны і генацыду беларускага народа.

Выстава юных мастакоў – гэта даніна павагі ветэранам Вялікай Айчыннай вайны, іх подзвігу і мужнасці, гэта даніна памяці і падзяка ўсім, хто змагаўся за Вялікую Перамогу.

💥💥💥 Выніковыя атэстацыйныя выпрабаванні на прысваенне чарговага каляровага пояса па таэквандо адбыліся ў аб'яднанні па інтарэсах «Таэквандо» Цэнтра творчасці дзяцей і моладзі імя Хаіма Суціна г.п.Смілавічы.

У ходзе кантрольных выпрабаванняў выхаванцы паказалі свае веды ў тэарэтычнай частцы праграмы, прымянілі ўласныя навыкі пры выкананні практычных заданняў, паказалі ўзровень агульнай фізічнай падрыхтоўкі.

Віншуем нашых спартсменаў і іх трэнера Аўгуста Васільевіча Горскага з паспяховым завяршэннем трэніровачнага працэсу.

🔥 Выставу адкрыла вядучы спецыяліст Нацыянальнага мастацкага музея, мастацтвазнаўца Надзея Міхайлаўна Усава.

Пазнаёміць з творчасцю Аркадзя Астаповіча дапамагла ўнучатая пляменніца мастака, дацэнт Беларускага дзяржаўнага ўніверсітэта, кандыдат гістарычных навук Алена Дзмітрыеўна Смірнова.

Цёплыя словы прывітання адрасаваў гасцям выставы заслужаны дзеяч мастацтваў, кандыдат мастацтвазнаўства Уладзімір Іванавіч Пракапцоў.

На выставе дэманструюцца сапраўдныя працы мастака, а таксама ўнікальныя фотадакументы з сямейнага архіва.
Перад намі гісторыя таленту, які не паспеў раскрыцца ў поўнай меры, гісторыя Чалавека, які падзяліў свой лёс з лёсам Радзімы.

Выстава працягнецца да 1 кастрычніка 2024 года.

❤️ 22 чэрвеня ў выставачнай зале Цэнтра творчасці дзяцей і моладзі імя Хаіма Суціна г.п.Смілавічы адбылося адкрыццё выставы “17 імгненняў Аркадзя Астаповіча”, прысвечанай прызнанаму майстру лірычнага пейзажу ў даваеннай беларускай графіцы Аркадзю Астаповічу (1896-1941).

Яго творы складаюць залаты фонд беларускай графікі 1920-1930-х гадоў.

Сімвалічна, што адкрыццё выставы супала з журботнай датай – Днём усенароднай памяці ахвяраў Вялікай Айчыннай вайны і генацыду беларускага народа.

Яркае творчае жыццё Аркадзя Астаповіча абарвала вайна.

Старэйшы лейтэнант Аркадзь Антонавіч Астаповіч гераічна загінуў у верасні 1941 года ў баі пад Арлом.

🔥Чэрвеньскі раён быў вызвалены войскамі 1-га і 2-га Беларускіх франтоў падчас Мінскай наступальнай аперацыі (29.06.1944-4.07.1944) на другім этапе аперацыі "Баграціён".

Баявыя дзеянні вялі злучэнні 50-й, 49-й армій 2-га Беларускага фронту і войскі 3-й і 28-й армій 1-га Беларускага фронту.

2 ліпеня палкі 348-й Бабруйскай ордэнаў Чырвонага Сцяга і Кутузава ІІ ст. стралковай дывізіі 3-й арміі ўварваліся ў Чэрвень: 1170-ы стралковы полк з усходу, 1174-ы – з паўднёвага захаду, 1172-й – з усходу.

Станкавы кулямёт перагарадзіў дарогу падраздзяленням 1174-га палка. Па загадзе камандзіра старшына Заверцяленка, сяржант Булкін і радавы Шэйн пад агнём пераадолелі 400 м па-пластунску да агнявой пазіцыі і нечакана напалі на варожых кулямётчыкаў.

Знішчыўшы разлік суперніка, смельчакі разгарнулі кулямёт і адкрылі агонь па ворагу.

Полк працягнуў наступленне і першым уварваўся ў Чэрвень. 2 ліпеня1944 г. Чэрвень быў вызвалены.

(Па матэрыялах Мінскага абласнога краязнаўчага музея)