У нас цікавые навіны - мы сталі партнёрамі новай прэміі беларускай кінапрэсы "Чырвоны верас"!

І яе арганізатары абвяшчаюць прыём заявак для беларускіх аўтараў.

***

Гэтай восенню прадстаўнікі кінапрэсы стварылі спецыялізаваную прэмію “Чырвоны верас”. Яе мэта – вызначыць і ўзнагародзіць найлепшыя стужкі, створаныя беларускімі аўтарамі за апошнія два гады.

Да падачы заявак ў якасці прэтэндэнтаў на прэмію “Чырвоны верас” запрашаюцца аўтары каротка- і поўнаметражных ігравых, дакументальных і анімацыйных фільмаў, прэм’ера якіх адбылася ў перыяд з пачатку 2019 па канец 2020 года.

Спасылкі на фільмы, дасланыя на конкурс, будуць выкарыстаныя выключна для прагляду сябрамі журы прэміі, а не для публічнага паказу.

Для ўдзелу неабходна запоўніць адмысловую форму:

https://docs.google.com/forms/d/e/1FAIpQLScjm6AuYA-jlEehjwoJfn-1PCZfPE2mBPN7QV1RIp056xCowQ/viewform?usp=sf_link

Тэрмін падачы заявак – з 21 кастрычніка да 21 лістапада 2021 года ўключна.

Кантактная інфармацыя
Афіцыйная старонка прэміі:
https://www.facebook.com/redheatheraward
Пошта: redheatheraward@pm.me