На факультэце журналістыкі БДУ можа ўзнікнуць школа кінааглядальнікаў

Пра гэта на ідэалагічным ток-шоў "ДА!НО" распавяла Паліна Каралёва — галоўная рэдактарка часопіса для падлеткаў "Бярозка", які ўваходзіць у выдавецкі дом "Звязда".

Жанчына зазначыла, што беларускаму кіно не хапае "белага" піяра, а таксама кінадаследчыкаў, кінааглядальнікаў, кінааналітыкаў. У наступным годзе яе часопіс сумесна з журфакам запусцяць сумесны праект "Мабільная школа журналістыкі", дзе можа з'явіцца секцыя кінааглядальнікаў.

Па шчырасці, не зайдзрошчу гэтым будучым кінадаследчыкам і кінааглядальнікам, бо распавесці ўсю праўду ім ніхто не дазволіць. Прыйдзецца ўвесь час жыць у сітуацыі самацэнзуры і ўсхвалення ідэалагічных праектаў "Беларусьфільма".