Ҳәр байрамда бириншилерден болып қутлықлаў СМСин жоллайтуғын жорам, медицина илимлериниң докторы Ещанов Аман Турсынбаевич бүгин таңның алдыңда түсиме енди.
Ол короновирус пандемиясының биринши қурбанларының қатарында бул дүнья тәшўишин тәрк етип еди. Жорамның жатқан жери жайлы, топырағы торқа болсын.

-"- АРХИВТЕН -"-

ТАҢЫН

(Пандемия қурбанларының естелигине)

Кешеги самалдан айнаға қатқан,
Қарадым далаға тазалап шаңын.
Миллионға шамалас бийгүна қурбан,
Көрмедаў бул гүздиң биринши таңын.

Әй тажлы жалмаўыз, дәстиңнен сениң,
Жоқ кеўил хошлығым, ушып тур аңым.
Достыма ҳәр байрам излеген мени,
Көрсетпедиң гүздиң биринши таңын.

Урыстан қәўипли, әй тажлы апат,
Тоқтат сен алғанды инсанның жанын.
Ҳәр күни мың-мыңлап бийгүна жанлар,
Көре алмай атыр ертеңги таңын.

Кешеги самалдан айнаға қатқан,
Қарадым далаға тазалап шаңын.
Миллионға шамалас бийгүна қурбан,
Көрмедаў бул гүздиң биринши таңын.

Әбдиқадир ҚАЙЫПОВ

1.09.2020