~"~ Сыясы кеппеген қосық ~"~

ҚОЙМА МАҒАН ТАЛАПТЫ

Ышқ бағына кирип едик буйырып,
Сезимимди май қазанда қуўырып,
Алып кетип жүрегимди суўырып,
Сен умыт деп қойма маған талапты..

Пал ышқыны ендирипсең кермекке,
Айланыпты сап муҳаббат ермекке,
Бәнелериң келмей атыр гүрмекке,
Сен умыт деп қойма маған талапты.

Урланыпты ес-ақылым, ҳуўшым да,
Айтылыпты сезимлер тил ушында,
Орын қалмай жүрегиңниң мушында,
Сен умыт деп қойма маған талапты.

Қалып еди атың қәлбте мөрленип,
Муҳаббатым жүрегиңе жерленип,
Жулыныппыз ғаўашадай бирленип,
Сен умыт деп қойма маған талапты.

Еле талай салмадан суў ағады,
Бәлким саған сол жүрисиң жағады,
Тәғдир бизге ғәремет сый жабады,
Сен умыт деп қойма маған талапты.

Енди қайтып айланбайман изиме,
Сен де мениң көринбе ҳеш көзиме,
Умытыўым қыйын, исен сөзиме,
Сен умыт деп қойма маған талапты.

МУҢЛЫ ШАЙЫР