Палявая пошта

#Расоны, сядзіба Гласка
пач ХХ ст. / 2024

Была пабудавана на мяжы ХІХ-ХХ стагоддзяў на грошы Станіслава Гласка, тутэйшага землеўласьніка. Атрымаўся прыгожы, велічны сядзібны дом, незвычайнай для нашых краёў архітэктуры, з цікавай унутранай планіроўкай. Пэўна, самы пазнавальны будынак у Расонах, ужо даўно галоўная візітоўка горада.

За савецкім часам тут працавалі розныя грамадскія ўстановы, апошняй з іх быў цэнтр дзіцячай творчасьці, які дзейнічаў да нашых дзён. Пакуль палацык на рэмонце, таму зачынены для наведвальнікаў.

(фота: inst natatki_vandroynikay)

#Наваельня
"Воз ля мясцовай камендатуры, 24.01.1916"

Пачнем з сюжэта, які быў намаляваны ў гэты ж дзень 109 год таму! Аўтар — Эрнст Вальтэр, на той момант унтэр-афіцэр кайзераўскай арміі.

❄️ Узімку 1915-1916 гг. ён служыў у ваколіцах мястэчка Наваельня, што ў Дзятлаўскім раёне. Маляваў тутэйшыя краявіды, побыт мясцовых жыхароў і сваіх аднапалчан.

💸 Яшчэ да Першай сусьветнай ён меў тыпаграфію ў Ліссе (цяпер г.Лешна, недалёк ад Познані, Польшча), таму лёгка мог друкаваць свае працы на паштоўках. Думаецца, спадар Вальтэр пасьпеў няблага на гэтым зарабіць, бо карткі і па сёньня адносна часта сустракаюцца на замежных аукцыёнах, значыць, друкаваліся немалым тыражом.

Большасьць малюнкаў падпісаны дакладнай датай і месцам, што сапраўдная раскоша для дасьледчыкаў і калекцыянераў, бо здымае шмат пытанняў па атрыбуцыі :)

⛄️Працягнем знаёмства з мастаком у наступных зімовых допісах :)

#Беларусьмаляваная, #Вальтэр, #этнаграфія, #забытаявайна

(Паштоўка з калекцыі Гальяша Чарняўскага, вайсковага гісторыка)

#Менск
Няміга, Халодная сінагога
канец 1940-ых / 2025

"...Прадчуваючы немінучы скон Нямігі, я і хадзіў на яе бадай штодня.Тут нават у паветры як бы цурчыць старадаўнасць, нават гаворка нейкая іншая, раздумна-павольная, як бы прыглушаная вякамі.

І я, прымірыўшы сэрца, стараўся як бы спакойна глядзець, калі наехала на Нямігу поўна тэхнікі, і яна, равучы і скрыгочучы, падымаючы пыл і гаркава-салодкі пах цвілі, пачала пляжыць і мясіць раптам апусцелыя і такія сіратліва-сцішаныя і спалохана-прыземленыя дамкі.

І аднаго разу, прыйшоўшы сюды, за таўсматым будынкам колішняй сінагогі, пераробленым у сховішча архіва, бадай што на самым пачатку вуліцы я ўбачыў як бы сапраўдную чалавечую рану: палавіна дома, нягледзячы на сцяжы і падпоркі, адкалолася і аб’ехала ўніз кучаю мяккае, сапрэлае гліны, а сцены з краёў, дзе прайшоў разрыў, чырванелі як бы свежым, парваным мясам і абцякалі крывёю..."

З успамінаў Янкі Скрыгана, беларускага пісьменніка. (1960-ыя)

(фота: fb Минск: было-стало)

#Горадня, від на Фарны касьцёл
1932 / 2025

(фота ад падпісчыка @poshtabel)
#Паддэнбскі

#Мір, від на замак
1925 / 2025

(фота: inst dar_tysh)
#Булгак

Напрыканцы года тэлеграм дасылае паштовачкі сваім адмінам, дзялюся з вамі :)
(трохі падправіў тэкст, не лічбы😁)

Дзякуй за падтрымку, шаноўнае спадарства❤️
Віншую ўсіх з надыходнымі сьвятамі, зычу шчасьлівага Новага Году🌟

Пакуль што сыходжу ў невялічкі адпачынак, таму які тыдзень (ці два) новых допісаў ня будзе. Каму захочацца перагледзець старыя карткі і здымкі, нагадаю пра наш рубрыкатар. 💌

PS: Запрашаю таксама і ў інстаграм "Палявой пошты" — у гэтым сезоне былі прыгожыя калабы, першыя спробы reels, купа паштовак ды цікавінак, якія ў тг не трапілі :)

Да сустрэчы ў 2025! 🌝

#Паставы, краявід горада
1930 / 2024

(фота: inst xskrimx)

Беларуская паштоўка да зімовых сьвятаў, 1950-ыя, Кліўлэнд, ЗША

Віншую, спадарства🌝❤️

(крыніца: калекцыя БІНіМ)
#друкнаэміграцыі

#Дуды
пач. ХХ ст. / 2024

Касьцёл у вёсцы Дуды (Іўеўскі раён) быў пабудаваны ў 1772 годзе на месцы больш старажытнага папярэдніка. Помнік сакральнага дойлідства, якому нядаўна споўнілася 250 год, адносна добра захаваўся — рэдкасьць для нашых драўляных храмаў тае эпохі.

Цікавая кропка, калі нехта плануе турыстычны маршрут па Гарадзеншчыне 😉

Калі параўнаць стары і сучасны здымкі, можна заўважыць, што будынак "падрос" на адзін ярус — вынік перабудовы ў першай палове мінулага стагоддзя.

(фота: inst Irina Varkulevich)

#этнаграфія, #Костка

❄️ Трошкі зімовых сюжэтаў ад беларускага этнографа Вячаслава Косткі.

Падчас экспедыцыі 1903-1904 гг. ён наведаў родную Магілёўшчыну, на здымках тутэйшыя вёскі ды іх жыхары.❤️

(крыніца: калекцыя РЭМ)

#Віцебск, від Ратушнай плошчы
1952 / 2024

Цікавы стары здымак, на якім ужо няма Васкрасенскай царквы (зруйнавана ў 1936 г.), але па правы бок яшчэ стаяць рэшткі касьцёла св.Антонія Падуанскага (разбураны ў 1961 г.)

Праваслаўны храм адбудавалі на гістарычным месцы ў наш час. Чарга за каталіцкім, як бачым, пляцоўка для яго таксама ёсьць.
Калісь быў распрацаваны план аднаўленьня касьцёла, які, на жаль, пакуль што застаецца на паперы...

(крыніца: fb Viktor Borisenkov)

#Іўе
вул. Касьцельная, 1917 г. /
вул. Карла Маркса, 2023 г.

(фота: inst Nieviadomaja Biełaruś)

#Крэва, краявід мястэчка
1941 / 2024
(фота: inst guide_in_kreva)

#Лінава
Чыгуначная станцыя "Аранчыцы"
1930-ыя / 2024
(фота: fb Беларуская архітэктура)