Naračanščyna | Нарачанскі край


Гео и язык канала: Беларусь, Белорусский
Категория: Познавательное


Вітаю! Naračanščyna — гэта краязнаўчы канал пра Мядзельскі раён, дзе вас чакаюць цікавыя гістарычныя факты, сустрэчы з велічнай прыродай і вандроўкі па знакамітаму Нарачанскаму краю. Падпісвайцеся!
Сувязь з адмінам/рэклама: @Narachanski_bot
NO POLITICS

Связанные каналы  |  Похожие каналы

Гео и язык канала
Беларусь, Белорусский
Статистика
Фильтр публикаций


У вёсцы Абрамы, што ў самым сэрцы Нарачанскіх лясоў, існаваў цікавы рытуал, запісаны ў 1960-м годзе.

🌠 Калі падала знічка, жыхары не жаданне загадвалі, а "хрысцілі" зорку знакам крыжа і давалі ёй чалавечае імя (Мацей, Міхал, Рыгор, Ян і інш.), каб яна не папала ў пекла. Мелася думка, што кожная зорка, якая падае – дзіця, каторае памерла да хросту.


1904 год... Часы Расійскай Імперыі, на другім краі свету ідзе Руска-японская вайна. Тым часам у Старых Габах цяперашняга Мядзельскага раёна пачалося будаўніцтва новага каменнага храма на месцы былога, драўлянага.

Будоўля ішла хуткімі тэмпамі, і ў 1905 годзе рэтраспектыўная-руская царква ў гонар святога Мікалая была асвечана. Новы храм збіраў шмат народа з вакольных весак: на Пакроў ў ёй ужо бралі шлюб першыя пары.

Пачатак Першай сусветнай вайны, 1915 год... святаром Габскай царквы стаў Калін. Свіціч. Хутка прыехаў і палкоўнік царскай арміі Дзмітрый Мікалаевіч Лагафет, апісаўшы сваё знаходжанне ў ваколіцах Старых Габаў напярэдадні Нарачанскай аперацыі.

Войны ішлі адна за другой: першая Сусветная, Савецка-польская, другая Сусветная... І толькі ў 1964 годзе, падчас хрушчоўскіх ганенняў на рэлігію, святыня зачыніла свае дзверы.

Але раптам, у 1984 годзе, храм быў адчынены для вернікаў, пачынаюцца грунтоўныя рэстаўрацыйныя працы цягам 5 гадоў. Саюз пачынае развалівацца, рэстаўрацыя скончваецца і ў старадаўнюю вёску прыязджае святар Мікалай.


#сучаснасцьvsмінуласць

Царква ў Старых Габах у 1941 годзе пад нямецкай акупацыяй і яе выгляд на сённяшні дзень.


Усіх вітаю!

Наш краязнаўчы канал жыве дзякуючы вашым рэпостам, рэакцыям, а таксама энтузіязму дзвюх адмінаў дадзенага праекта!

🟡 Беларусбанк: 9112 3800 5247 9120
Дата карткі: 06/25


Наша адміністрацыя патрабуе і фінансавай падтрымкі, бо стваральнікамі пастоў з’яўляюцца звычайны школьнік і студэнт. будзем вам вельмі ўдзячны, калі вы яшчэ падтрымаеце гэты канал фінансава 💸!

Большасць грошаў будзе ісці на развіццё канала. За кожны данат будзем шчыра ўдзячны!


Троіцкая царква ў Княгініне з розніцай у 120 гадоў (1904 і 2024)

Паводле архіўных звестак, уніяцкая царква ў Княгініне вядомая з 1713 года. У храме нават захаваўся звон, адліты ў 1744 годзе. У 1772 царква была пабудаваная зноў на тым жа месцы і з'яўлялася ўніяцкай да 1860-х гадоў. Інфармацыі пра далейшыя значныя перабудовы няма, таму можам лічыць, што драўляны храм захаваўся да нашых дзён яшчэ з 18 стагоддзя. Праўда, у 2010-я храм пацярпеў ад няякаснай рэстаўрацыі, якая спрасціла яго архітэктуру.

Храм знаходзіцца ў цэнтры вёскі ля могілак і першапачаткова быў невялікай могілкавая царквой, але пазней стаў цэнтрам прыходу. Акружаны бутавай агароджай з арачнай брамай пад кілепадобным франтонам. Як бачна па фота, сучасную браму царква займела не адразу.


16 ліпеня мядзельскія католікі адзначаюць урачыстасць Маці Божай Шкаплернай, тытул якой носіць касцёл у Старым Мядзеле.

У касцёле з часу яго пабудовы апякаюцца кармеліты босыя – манахі жабрацкага каталіцкага ордэну, патронам якіх з'яўляецца Маці Божая Шкаплерная. У Беларусі ордэн быў найбольш актыўным на Мядзельшчыне.

Кармэлітаў босых запрасіў у Мядзел Антоні Кошчыц, тагачасны ўладальнік Старога Мядзела. Для іх ён пабудаваў кляштар і касцёл. Прыбыццё законнікаў у новы дом адбылося 24 красавіка 1754 г. З прычыны недастатковых звестак цяжка вызначыць дату прыбыцця кармэлітаў у мястэчка. Доказам факту, што кармэліты прыбылі ў Стары Мядзел раней, з’яўляецца дазвол Апостальскай Сталіцы ад 4 верасня 1752 г. аб заснаванні Брацтва Маці Божай Шкаплернай і Брацтва Беззаганнага Зачацця Найсвяцейшай Панны Марыі.

Фотаздымкі з архіву касцёла.


Васіль Быкаў сярод вучняў Сваткаўскай сярэдняй школы, 1970 год

Можа падацца незразумелым, чаму ў 1960-я ў гэтай школе пабываў увесь цвет тагачаснай літаратуры: Быкаў, Караткевіч, Мележ, Шамякін, Бураўкін, Гілевіч, Навуменка, Вярцінскі, Барадулін… Чым жа такім вылучалася гэтая школа, акрамя таго што ў ёй адзін год вучыўся Максім Танк?

Справа ў тым, што ў 60-ых тут працаваў настаўнік-энтузіязст Мікола Пашкевіч (апошні здымак), які быў апантаны беларушчынай. Яго вялікая любоў да мовы і літаратуры перадалася і вучням. Як успамінаў Быкаў, Пашкевіч часта пісаў яму, прычым гнеўна і без піетэту. Ён дакараў, што літаратары засядзеліся ў Мінску, зазналіся і не хочуць сустракацца з чытачамі. Па выніку такога ліставання з пісьменнікамі, яму і ўдалося запрасіць у госці столькі зорак літаратуры.

Нажаль, цудоўны настаўнік рана пайшоў з жыцця. Яго памяці Васіль Быкаў прысвяціў сваю аповесць «Абеліск».

543 1 10 4 39

Коркаўскія могільнікі

Курганныя могільнікі за 500 м на паўднёвы захад ад вёскі Коркі ў мясцовым лесе. Тутэйшая назва курганоў – Горкі.

Прыкладна 30 насыпаў, якія цягнуцца паласой з паўночнага захаду на паўднёвы ўсход. Многія насыпы, на жаль, пашкоджаныя. Некаторыя прыклады могільнікаў у коркаўскім лесе можаце пабачыць на нашых фотаздымках.




Жабракі і просты люд на будслаўскім фэсце ў 1930-я

З успамінаў Паўліны Мядзёлкі:
"На фэст зляталіся са ўсяго свету жабракі. Яны гарланілі, спявалі быліны на старадаўняй беларускай мове, малітвы на польскай мове, недарэчна перакручваючы польскія словы, енчылі, стагналі... Здаралася, што ў паломнікаў прападалі дзеці. Казалі, што жабракі крадуць дзяцей паломнікаў, а пасля прывозяць іх на фэсты, зарабляючы на іх ад літасцівых паломнікаў. Таму аднойчы народ учыніў страшэнны пагром жабракоў."

Фота вядомага польскага журналіста Мельхіёра Ваньковіча, якія той зрабіў у Будславе 1-2 ліпеня 1937 года. Былі непадпісанымі ў зборах AGAD.

Фотаздымкамі падзяліўся Кастусь Шыталь

812 2 17 4 30

Naračanščyna ёсць у Instagram!

Каб перайсці, сканіруйне QR-код, альбо націсніце на блакітны тэкст. Калі спасылка не працуе, знайсці нас на ніку: naraczanszczyna


Видео недоступно для предпросмотра
Смотреть в Telegram
У Будславе цяпер


Усіх вітаю!

Наш краязнаўчы канал жыве дзякуючы вашым рэпостам, рэакцыям, а таксама энтузіязму дзвюх адмінаў дадзенага праекта!

🟡 Беларусбанк: 9112 3800 5247 9120
Дата карткі: 06/25


Наша адміністрацыя патрабуе і фінансавай падтрымкі, бо стваральнікамі пастоў з’яўляюцца звычайны школьнік і студэнт. будзем вам вельмі ўдзячны, калі вы яшчэ падтрымаеце гэты канал фінансава 💸!

Большасць грошаў будзе ісці на развіццё канала. За кожны данат будзем шчыра ўдзячны!


Кірмаш у Будславе у час фэсту
(фатограф: Пётр Слядзеўскі, 1930-я)

Успаіны Паўліны Мядзёлкі:
"Падчас фэсту ўвесь рынак перад касцёлам, усе вуліцы былі ашчэраны ўзнятымі ўгору аглоблямі, будкі гандляроў абразкамі, ружанцамі, медалікамі, цукеркамі, рознымі самаробнымі цацкамі, глінянымі свісцюлькамі, жалейкамі, пацеркамі, паркалямі, хусткамі, адлітымі з воску чалавечымі рукамі, нагамі, немаўлятамі. Гэтыя васковыя адліўкі куплялі і клалі на аўтар людзі — у каго рука, нага баліць, у каго дзіця хворае, ці мо зусім бяздзетныя, каб упрасіць Матку Боскую аб дапамозе.

Пасля раз'езду фэставікоў мы, малыя дзеці, беглі на пляц перад касцёлам, капаліся, як парасяты, у пыле, паслякірмашовым брудзе і знаходзілі грошы, крыжыкі, медалікі, цукеркі, нават сякія-такія цацкі, пацеркі. Замурзаныя, запыленыя з ног да галавы, але шчаслівыя, няслі ў прыполках сваё багацце дахаты"


Korpus Ochrony Pogranicza : w siódmą rocznicę objęcia służby na granicach Rzeczypospolitej, 1930-1931

Сканам падзяліўся Кастусь Шыталь

Показано 14 последних публикаций.