Type to search
Advanced channel search

Подписчик почти даром

Запусти рекламу с ценой подписчика от 3 руб
img
ad

Делай от 1к подписчиков ежедневно

Подключайся к рекламной платформе и расти свой канал
img
ad

Тонна живых подписчиков по 15р

Подключайся к рекламной платформе и расти свой канал
img
ad

Віцебская Вясна

@vicspring
Channel's geo and language: Belarus, Belarusian
Category: Politics

Падзеі, працэсы, здарэнні ў Віцебску, якія могуць закрануць і цябе. Правы чалавека і праявы свабоды - толькі па-беларуску.

Related channels  |  Similar channels
Channel's geo and language
Belarus, Belarusian
Category
Politics
Statistics
Is this your channel? Confirm Канал в реестре блогеров РКН? Confirm Channel history
Posts filter

Віцебская Вясна

9 Jan, 14:05

Open in Telegram Share Report
Гарадскія актывісты прапануюць ушанаваць у Віцебску памяць землякоў – удзельнікаў ліквідацыі наступстваў Чарнобыльскай трагедыі. ➡️ https://tinyurl.com/3msekfyh

На цяперашні момант у Віцебску няма ніводнага памятнага знака, які нагадваў бы пра герояў- «ліквідатараў», накіраваных у Чарнобыльскую зону. Хаця з такой ініцыятывай актывісты выступалі яшчэ 10 год таму.

Ушанаванне памяці тых, хто страціў здароўе і жыццё, ратуючы будучыню, улады ператварылі ў афіцыёз, забараняючы «ліквідатарам» згадваць сваіх колішніх калег і сяброў прыватным чынам: жалобную акцыю «Вянок памяці» улады залічылі ў «несанкцыянаваныя мерыпрыемствы»...

Калектыўны зварот можна падпісаць да 10 стедзеня. Ен змешчаны на сайце Petitions.by, які нядаўна быў прызнаны "экстрэмісцкім". Але сэрвіс для падачы публічных калектыўных зваротаў да органаў улады працое і цяпер.
41 0 0
Віцебская Вясна

9 Jan, 12:11

Open in Telegram Share Report
9 студзеня на сайце Міністэрства інфармацыі абнавілі Рэспублікансі спіс экстрэмісцкіх матэрыялаў. Паводле рашэння суда Цэнтральнага раёна Мінска ад 30 снежня мінулага года, экстрэмісцкім прызнаны сайт «Petitions.by удобный город» — сэрвіс для падачы публічных калектыўных зваротаў да органаў улады.

Сайт з 2021 года быў заблакаваны ў Беларусі, бо, паводле Мінінфарму, на ім збіралі подпісы пад петыцыямі «пратэставага характару» і петыцыямі, якія нібыта дыскрэдытуюць дзеянні ўладаў. Між тым, на сайце публікаваліся афіцыйныя адказы органаў улады ўсіх узроўняў на калектыўныя звароты беларускіх грамадзян.
Ці пакараюць чыноўнікаў за спрыянне экстрэмістцкай дзейнасці? 🙃
51 0 0
Віцебская Вясна

8 Jan, 16:36

Open in Telegram Share Report
Вельмі схуднелы, у новай турэмнай робе з жоўтай біркай. На ёй - дзве лічбы. ➡️https://tinyurl.com/4mc79fss
Упершыню амаль за два гады грамадскасць убачыла здымкі Віктара Бабарыкі з Наваполацкай калоніі
66 0 1
Віцебская Вясна

8 Jan, 14:19

Open in Telegram Share Report
Forward from: Вясна / Правы чалавека ў Беларусі
🔗Як змяніўся Віктар Бабарыка са свайго суда ў ліпені 2021-га году

Нагадаем, Бабарыку прызналі вінаватым паводле двух крымінальных артыкулаў і асудзілі да 14 гадоў калоніі. У ноч з 24 на 25 красавіка 2023 года Бабарыку ў стане сярэдняй цяжкасці даставілі ў аддзяленне хірургіі наваполацкага шпіталю: у яго была вадкасць у лёгкіх.
39 0 1
Віцебская Вясна

8 Jan, 13:56

Open in Telegram Share Report
Forward from: Вясна / Правы чалавека ў Беларусі
⚡️З'явіліся фотаздымкі палітзняволенага Віктара Бабарыкі

Раман Пратасевіч перадаў яму лісты ад родных, а Бабарыка праз яго перадаў лісты сваім сваякам.
45 0 1 4
Віцебская Вясна

5 Jan, 07:03

Open in Telegram Share Report
На сайце гарадской газеце «Віцьбічы» існуе рубрыка «Есть проблема? Обращайтесь!» За 2024 г. у ёй - усяго 9 публікацый па слядах зваротаў чытачоў.

Да слова, у 2023 годзе такіх публікацый было 19. Пра што гэта можа сведчыць? ➡️ https://tinyurl.com/4uv7866r
117 0 1
Віцебская Вясна

5 Jan, 01:46

Open in Telegram Share Report
Жыхара Лепеля двойчы асудзілі за «распаўсюд экстрэмізму» у інтэрнэце. Новы год лепельскі прадпрымальнік Андрэй Каротчык-Ласкі суcтрэў за кратамі. ➡️https://tinyurl.com/5d5j9z3a
112 0 0 1
Віцебская Вясна

2 Jan, 10:18

Open in Telegram Share Report
3 студзеня ў Мёрскам райсудзе за "распаўсюд экстрэмізму ў інтэрнэце" будуць судзіць бібліятэкарку з Дзісны Святлану Яроменак і яшчэ дзвюх жанчын.

Адміністрацыйную справу, распачатую супраць Святланы Яроменак паводле ч.2 арт.19.11 КаАП, прызначана разбіраць суддзя Вераніка Кісляк. Яна ж будзет судзіць і яшчэ адну жыхарку Мёраў - Святлану Шаўлюгу.

Суддзя Ірына Яскевіч будзе судзіць па тым самым артыкуле Ірыну Нарэйку. Гэтая жыхарка райцэнтра ў 2017 годзе актыўна выступала супраць "аптымізацыі" школ у раёне, калі адну з навучальных установаў расфарміроўвалі, а дзяцей паводле распараджэння ўладаў пераводзілі ў іншыя школы.
144 0 1
Віцебская Вясна

2 Jan, 09:57

Open in Telegram Share Report
3 студзеня ў Вярхоўным судзе - разгляд скаргі палітвязня Валерыя Мефодзіенкі.

У кастрычніку 2024г. жыхара Сянно асудзілі за данаты - за "фінансаванне экстрэмісцкай дзейнасці" і «фінансванне тэрыстычнай дзейнасці" паводле арт. 361-2 і арт. 290-1 КК. Судовы працэс у Віцебскім абласным судзе праходзіў у закрытым рэжыме. Валерый Мефодзіенка зарэгістраваны індывідуальным прадпрымальнікам, яго спецыялізацыя - тэхнічнае абслугоўванне і рамонт вылічальнай тэхнікі.
118 0 0
Віцебская Вясна

31 Dec 2024, 21:13

Open in Telegram Share Report
Віншуем усіх нашых сяброў і дзякуем за тое, што вы былі з намі ў гэтым годзе! Жадаем у новым 2025-м кожнаму - асабістага шчасця, здароўя, кахання, а ўсім нам разам - спаўнення мараў і надзей на лепшае!
З надыходзячым ! І - застаемся разам!
122 0 0 6
Віцебская Вясна

30 Dec 2024, 14:55

Open in Telegram Share Report
Ёсць вядомыя на ўсю Беларусь «тэатралы», а ў Віцебску завяліся «літаратуразнаўцы». Працуюць яны ў гарадской газеце «Віцьбічы» - там пераблыталі прозвішчы і творы лаўрэатаў абласной прэміі імя Петруся Броўкі. 🤷‍♀️

Паводле газеты «Віцьбічы», «у намінацыі «Паэзія» пераможцам стала віцебская паэтка, літаратуразнаўца, педагог-метадыст Вольга Русілка. Хаця на фотаздымку відаць, што яна трымае ў руках дыплом за перамогу ў намінацыі «Проза".

"Яна прадставіла кнігу «Палескі дзівасіл: нарыс жыцця і творчасці Уладзіміра Гніламёдава», пішуць "Віцьбічы", не згадваючы, што яна напісана ў суаўтарстве з даследчыцай Валянцінай Локун.

У намінацыі "Проза", паводле "літаратуразнаўцаў", перамагла полацкая паэтка і мастачка Галіна Загурская з кнігай «Санеты». Ніхто з аўтараў нататкі не падумаў, што санет – гэта жанр паэзіі, а не прозы...🙃

«Намеснік старышні абвыканкама Вячаслаў Дурноў пажадаў ім крэпкага здароўя», - пішуць «Віцьбічы». Відаць, там працуюць яшчэ і вялікія мовазнаўцы...

UPD: Выправілі 😊 Значыць, нас чытаюць)
121 0 0 2
Віцебская Вясна

30 Dec 2024, 14:05

Open in Telegram Share Report
Стала вядома, што палітвязня Аляксандры Камлёнка накіравалі адбываць пакаранне ў ПК 22 у Івацэвічах

Сёлета ў жніўні жыхар Оршы быў асуджаны Віцебскім абласным судом да трох гадоў зняволення паводле ч.1 арт. 368 КК (Абраза прэзідэнта Рэспублікі Беларусь) і ч.1 арт. 361-2 КК( Фінансаванне дзейнасці экстрэмісцкага фармавання).

29 кастрычніка адбыўся разгляд апеляцыйнай скаргі асуджанага ў Вярхоўным судзе.

Першапачаткова мужчыну вінавацілі яшчэ і паводле арт. 369 КК (Абраза прадстаўніка ўлады), але ў канчатковым выраку гэты артыкул ужо не фігуруе.

16 лістапада імя і прозвішча Аляксандра Камлёнка з'явілася ў пераліку асобаў, «датычных да экстрэмісцкай дзейнасці", на сайце МУС. Там было пазначана, што Аляксандр Камлёнак ужо "адбывае пакаранне". У Івацэвіцкую калонію ён прыбыў 13 лістапада. ➡️ https://tinyurl.com/ybvjnu34
109 0 1 1
Віцебская Вясна

30 Dec 2024, 12:09

Open in Telegram Share Report
У Віцебску зноў судзяць былога палітвязня Аляксандра Жалязоўскага

Яго вінавацяць паводле ч.2 арт.19.11 КаАП за “распаўсюд экстрэмізму”. Справу Жалязоўскага ў судзя Кастрычніцкага раёна Віцебска разбірае суддзя Ганна Кот.

Падобна, што гэта працяг разбору, і што справу экс-палітвязня суддзя адпраўляла на дапрацоўку ў міліцыю. Бо 3 снежня імя Адяксандра Жалязоўскага ўжо фігуравала ў раскладзе суда Кастрычніцкага раёна, дзе мусіла разглядацца справа з такім самым нумарам.

7 снежня 2021 г. Аляксандра Жалязоўскага асудзілі за абразу ў інтэрнэце прадстаўніка ўлады (арт. 369 КК) да трох гадоў “хіміі” і выплаты кампенсацыі маральнай шкоды (1000 рублёў) участковаму міліцыянту з Бабруйска Андрэю Комару, якога суд прызнаў пацярпелым. У судзе Жалязоўскі цалкам прызнаў сваю віну. І ў апошнім слове прасіў даць яму "апошні шанец", прыгадваючы, што ён сам калісьці меў дачыненне да сістэмы выканання пакаранняў - ахоўваў зняволеных падчас службы ва ўнутраных войсках.

Сёлета ён выйшаў на волю, адбыўшы тэрмін "хіміі".
111 0 1 2
Віцебская Вясна

30 Dec 2024, 11:09

Open in Telegram Share Report
Ураджэнца Наваполацка Уладзіміра Сітковіча, асуджанага за данаты, прызналі палітычным зняволеным

Сёлета ў кастрычніку 57-гадовага мужчыну асудзілі паводле ч.1 арт. 361-2 КК. У снежні яго імя і прозвішча ўнеслі ў «экстрэмісцкі спіс» на сайце МУС.
У траўні былога работніка віцебскага масла-экстрацыйнага завода на 1 суткі арыштоўвалі за "распаўсюд экстрэмізму" - за падпіску ў TikTok на канал "Страна для жизни".
102 0 1 2
Віцебская Вясна

27 Dec 2024, 14:49

Open in Telegram Share Report
У пералік асобаў, "схільных да экстрэмісцкай дзейнасці", уключылі жыхара Полацка Аляксандра Трацэнку.

Паводле гэтага дакумента на сайце МУС, ён быў асуджаны паводле ч. 1 арт. 361-4 і ч. 2 арт. 361-4 КК (Садзейнічанне экстрэмісцкай дзейнасці). Судовы працэс над мужчынам праходзіў ў закрытым рэжыме ў Віцебскім абласным судзе з 12 па 26 верасня 2024 года, справу разглядаў суддзя Урбан Юрый.

На 10 снежня 2024 года ў Вярхоўным судзе быў празначаны разгляд апелялыйнай скаргі асуджанага ( яе разглядаў таршыня судовай калегіі Руслан Царук.

На сайце МУС пазначана, што 53-гадовы палачанін ужо адбывае пакаранне.
118 0 0
Віцебская Вясна

26 Dec 2024, 15:40

Open in Telegram Share Report
Forward from: Хрысціянская візія: НЕ ВАЙНЕ!
Па адміністрацыйнай справе за «атрыманне замежнай дапамогі» будуць судзіць каталіцкую верніцу з Шуміліна

Заўтра ў судзе Чыгуначнага раёна Віцебска пройдзе суд над Веранікай Кабылковай, педагогам-псіхолагіняй з Шуміліна. Яе абвінавачваюць па Дэкрэце №7 (атрыманне замежнай бязвыплатнай дапамогі).

Яе муж Арцём трапіў пад пераслед год таму — сілавікі тады затрымалі яго за падпіскі, але не змаглі запісаць «пакаяльны» ролік. Вядома, што тады Арцёма аштрафавалі на 555 рублёў.

Вянчанне Арцёма і Веранікі ладзіў кс. Анджэй Юхневіч, які зараз знаходзіцца за кратамі і суд над якім таксама пачнецца заўтра.
95 0 2 4
Віцебская Вясна

26 Dec 2024, 15:15

Open in Telegram Share Report
Палітвязнем прызнаны Арцём Янкін - жыхар Віцебска, які выкзаў прэтэнзіі банку і быў асуджаны за абразу Аляксандра Лукашэнкі

Хлопца асудзілі на 1 год 3 месяцы зняволення ў папраўчай калоніі ва ўмовах агульнага рэжыму. І канфіскавалі мабільны тэлефон - ён быў прызнаны сродкам учынення злачынства.

Сёлета ў чэрвені Янкін хацеў пакласці грошы на рахунак праз інфакіёск, але ў яго не атрымалася ажыццявіць запланаваную аперацыю. Таму ён, вярнуўшыся дадому, «патэлефанаваў супрацоўніку кантакт-цэнтра ААТ «ААБ Беларусбанк» і падчас гутаркі негатыўна выказаўся ў адрас прэзідэнта Рэспублікі Беларусь» - так апісвала ягоны ўчынак пракуратура.

У лістападзе імя і прозвішча асуджанага ўключылі ў пералік асобаў, схільных да экстрэмісцкай дзейнасці, які складае МУС.
122 0 0 4
Віцебская Вясна

26 Dec 2024, 15:04

Open in Telegram Share Report
Forward from: Витебск, я гуляю! | Новости Витебска
За получение помощи судят супругу экс-политзаключенного из Новополоцка

Сегодня в Новополоцке по Декрету-7 (получение иностранной безвозмездной помощи) проходит Нина Хорошкевич. Судит Зинаида Болоболова.

Нина — супруга Евгения Хорошкевича, который был осужден по трем политическим статьям на 4 года. Вышел после отсидки в августе этого года. Пока молодой мужчина сидел в СИЗО, у него родилась дочь Милана.
73 0 1 4
Віцебская Вясна

26 Dec 2024, 14:18

Open in Telegram Share Report
Віцебская гарадская пракуратура постфактум распавяла пра прысуд Паўлу Іванову, асуджанаму за «шэраг злачынстваў супраць парадку кіравання» ➡️https://tinyurl.com/bdhdu3rj

56-гадовага мужчыну затрымалі сёлета ў чэрвені. Тэлеграм-каналы, блізкія да сілавікоў, паказалі, як затрыманага Паўла Іванова вядуць у следчы камітэт проста ў халаце... Бо ён нібыта "мечтал устроить хаос и разруху» ў Беларусі, пісаў каментары ў інтэрнэце і браў удзел "у масавых беспарадках" у 2020 годзе.
100 0 0 2
Віцебская Вясна

24 Dec 2024, 12:20

Open in Telegram Share Report
23 снежня ў Рэспубліканскі спіс экстрэміскіх матэрыялаў на сайце Міністэрства інфармацыі чарговы раз уключылі відэарэсурсы, на якіх распавядаецца пра навіны Віцебскай вобласці.

Гэта TikTok-акаўнт «viteblyanka» і YouTube-канал з назвай «Пра Вiцебск / Витебск Новости». Рашэнне лічыць змест рэсурсаў "экстрэмісцкім" прыняў 20 снежня суд Ленінскага раёна Мінска.

Абодва відэарэсурсы траплялі ў "экстрэмісцкі спіс" Мінінфарма і раней : TikTok-акаўнт прызнаюць "экстрэмісцкім" ужо шосты раз, YouTube-канал - пяты, але тады яны мелі іншыя ідэнтыфікатары.

Да слова, TikTok-акаўнт «viteblyanka» па адрасе, пазначаным на сайце Міністэрства інфармацыі, ужо не адчыняецца . Верагодна, стваральнікі сустрэнуцца са сваімі гледачамі на рэсурсе з іншай назвай.

20 снежня суд Вілейскага раёна Мінскай вобласці прызнаў "экстрэмсцкім TikTok-канал "Народный Депутат". 4 снежня суд Кастрычніцкага раёна Віцебска прызнаў "экстрэмісцкімі" Telegram-канала Vtb.nardep.online і старонка vtb.nardep.online у Instagram.
120 0 0 2
20 last posts shown.