💔Скончыла жыццё самагубствам Святлана Круцікава — па меркаванні знаёмых, яна не вытрымала палітычнага пераследу з боку сілавікоў

Жанчына пражывала ў Пінскім раёне і некалькі разоў была асуджана па «экстрэмісцкіх» артыкулах да арышту. Так, апошні суд адбыўся 6 лістапада ў Пінску за «распаўсюд экстрэмісцкіх матэрыялаў».

Па меркаванні знаёмых жанчыны, яна не вытрымала вобшукаў, пазбаўлення волі, праверак і рэгулярнага псіхалагічнага ціску з боку міліцыі. 10 снежня Святлана кінулася пад цягнік. Людзі кажуць, што іншых абставінаў для такога ўчынку ў жанчыны быць не магло — яна была вельмі актыўнай і жыццярадаснай, піша @dissidentby.

🥀Праваабарончы цэнтр «Вясна» выказвае спачуванні родным і блізкім жанчыны