Беларускі Моладзевы Хаб у Варшаве

✅ Эксперты Еўрапейскага гуманітарнага ўніверсітэта , Школы эканомікі і бізнесу BISEB і Школы лічбавых кампетэнцый SDC запрашаюць вас на прэзентацыю «Кампетэнцыі заўтрашняга дня: як абраць адукацыю для паспяховай кар'еры»

Мерапрыемства для тых, хто стаіць перад выбарам вышэйшай навучальнай установы і хоча зразумець, як прыняць правільнае рашэнне.

У праграме:
🔺Свет IT і бізнесу: якія навыкі патрэбны ўжо зараз, каб не згубіцца ў будучыні?
🔺Еўрапейскі гуманітарны ўніверсітэт: новыя падыходы да адукацыі.
🔺Адукацыя, якая мяняе ўсё: бізнес-эканоміка, інфармацыйныя тэхналогіі, гуманітарныя і сацыяльныя навукі.

📅 Дата і час: 23 лістапада ў 14.00 па Вільні.
📍 Месца правядзення: Вільня, пр. Саванору, 28 , 5 паверх, Школа эканомікі і бізнесу BISEB / онлайн - ZOOM, YouTube
Падрабязнасці і рэгістрацыя па спасылцы

Беларускі Моладзевы Хаб

🧚 Цёплыя казкі ў халодныя дні

Запрашаем пагрузіцца ў атмасферу, у якой можна адключыцца ад побытавых праблем і расслабіцца.

Ці хацелі б вы пацешыць сваё ўнутранае дзіця? 🙃

Пяшчотнае, кранальнае, адчувальнае — часам яно загнана “дарослым” жыццём у самы глыб і пакінутае без увагі. А што, калі праз цёплыя казкі і карціны можна знайсці з ім кантакт, даць любоў сабе “маленькаму"? ❤️

Запрашаем на творчую сустрэчу з беларускай пісьменніцай і мастачкай Эльгай Паповай.

Эльга аўтарка чатырох кніг. Яна ілюстравала кнігі Маляваныча і іншых беларускіх аўтараў. Негледзячы на тое, што Эльга лічацца дзіцячай пісьменніцай, шматлікія яе творы адрасаваныя і дарослым. Яна раскрывае звыклы побыт з новага — казачнага — боку, вяртае слухача ў краіну лёгкасці, святла і пяшчоты. Не дарма псіхолагі прызнаюць як казкі тэрапеўтычнымі, а карціны выкарыстоўваюць у працы з людзьмі, якім не стае рэсурсу.

Творчасць Эльгі напоўнена цеплынёй☀️, дабрынёй🌟 і любоўю да жыцця🌼

На сустрэчы пісьменніца пачытае свае казкі, распавядзе цікавыя гісторыі звязаныя з іх стварэннем, прыадкрые сакрэцікі з майстэрні ілюстратара 🎨

🗓 Дата: 29 лістапада (пятніца)
⏰ Час: 19:00
🏚 Месца: Dożynkowa 6a, Варшава

Беларускі Моладзевы Хаб 🔥

🧠 У аўторак 19 лістапада прайшла беларускамоўная гульня варшаўскага клуба "Што? Дзе? Калі?"

Сабралася 11 каманд.

✅ Тройка выглядае так:

🏆Ежу понятно
🥈Szopy
🥉1067/Самая большая лягушка

⁉️Калі хочаце далучыцца - запрашаем на гульні па аўторках. Можна знайсці сабе каманду і сяброў!

🔔Сачыце за 👉навінамі клуба!

Беларускі Моладзевы Хаб 🔥

Віталь Рыжкоў у Беларускім Моладзевым Хабе

28 лістапада (чацвер) літаратар Віталь Рыжкоў зладзіць творчы вечар у Беларускім Моладзевым Хабе. Праграма выступу складзеная паводле прынцыпу "Лепшае, старое і/ці ненадрукаванае", таму запрашаем не толькі аматараў творчасці Рыжкова, але і тых, хто не ведае аўтара.

Пачатак — 19:00, уваход — вольны ўнёсак.

✍️ Віталь Рыжкоў — лаўрэат некалькіх беларускіх літаратурных прэмій, ягоныя вершы і пераклады гучаць у выкананні многіх музыкаў, зрэшты, і сам ён удзельнічае ў праектах Belaroots, а таксама Angst.
Падрабязней пра сябе і сваю творчасць аўтар пры патрэбе распавядзе сам.

Запрашаем!

🗓 Дата: 28 лістапада (чацвер)
⏰ Час: 19:00
🏚 Месца: Dożynkowa 6a, Варшава

Беларускі Моладзевы Хаб 🔥

📢 Вітаем, сябры!

Запрашаем на штотыднёвую сустрэчу ініцыятывы
"Напішы ліст палітвязню"! 💌

Кожны ліст — гэта салідарнасць і надзея.
Лісты падтрымліваюць людзей за кратамі і нагадваюць ім, што мы памятаем пра ўсіх і чакаем на волі.

💬 Далучайцеся, каб разам рабіць добрую справуІ
І не забудзьцеся запампаваць лісты ў Банк лістоў на dissidentby.com, каб яны дасягнулі адрасатаў і пасля вызвалення.

🗓 Дата: 20 лістапада (серада)
⏰ Час: 18:00 – 20:00
🏚 Месца: Dożynkowa 6a, Варшава

Ваш удзел сапраўды мае значэнне! ❤️

Беларускі Моладзевы Хаб 🔥

🫶 Прывітанне, сябры!
Для вас Афіша Беларускага Моладзевага Хаба на тыдзень 18-25.11.2024!
Запрашаем на нашыя мерапрыемствы!

🗓 Панядзелак, 18.11
10:00 - 18:00 Каворкінг 👉 рэгістрацыя
16:00 - 18:00 Беларуская музычная школа

🗓 Аўторак, 19.11
10:00 - 18:00 Каворкінг 👉 рэгістрацыя
16:00 - Вывучэнне польскай мовы праз чытанкі Czytam z Tobą
16:00 - 18:00 Беларуская музычная школа
18:40 - Гульня клуба "Што? Дзе? Калі?" у Варшаве

🗓 Серада, 20.11
10:00 - 18:00 Каворкінг 👉 рэгістрацыя
16:00 - 18:00 Беларуская музычная школа
18:00 - Напішы ліст палітвязню
18:45 - Клуб беларускага кіно "Кінакола" - прагляд фільма "Крышталь" 👉 рэгістрацыя

🗓 Чацвер, 21.11
10:00 - 18:00 Каворкінг 👉 рэгістрацыя
14:00 - 18:00 Беларуская музычная школа
18:00 - Падлеткавы клуб Wyspa

🗓 Пятніца, 22.11
10:00 - 18:00 Каворкінг 👉 рэгістрацыя
14:00 - 18:00 Беларуская музычная школа
18:30 - 21:00 Клубень - Беларускі нэтворкінг

🗓 Субота, 23.11
16:00 - 19:00 Варшаўскі Клубень Літаратурны

💻 Каворкінг працуе з панядзелка па пятніцу (10:00 - 18:00)
🛒 Крама з беларускім мерчам працуе з панядзелка па пятніцу (15:00 - 19:00)
🎻 Запісацца ў Беларускую музычную школу можна праз старонку.
Да сустрэчы! Стаўце 👍 і рабіце рэпосты, дзякуй!

🔗 Падтрымаць Беларускі Моладзевы Хаб данатам:
https://buy.stripe.com/6oE8xcfFL5GHgEM8wW

📍 Dożynkowa 6a, Варшава

Беларускі Моладзевы Хаб 🔥

🌐Еўрапейскі саюз у межах праграмы «EU4Belarus – SALT (Support for Advanced Learning and Training)» аб'яўляе конкурс на атрыманне акадэмічных стыпендый для беларускіх даследчыкаў(-ц), выкладчыкаў(-ц) і дактарантаў(-к), якія пацярпелі з-за сваёй актыўнай грамадзянскай пазіцыі.

Калі: Праходжанне стажыроўкі або правядзенне даследавання з 28 красавіка 2025 года па 31 жніўня 2026 года. Агульная працягласць можа быць ад 100 да 300 каляндарных дзён.  

Дзе: Універсітэты і даследчыя інстытуты ЕС. 

Для чаго: Стыпендыя пакрывае выдаткі на арганізацыю навуковай стажыроўкі або правядзенне даследаванняў ва ўніверсітэтах або даследчых цэнтрах краін Еўрапейскага саюза, у тым ліку збіранне неабходнай інфармацыі для даследаванняў, чытанне гасцявых лекцый, супрацоўніцтва для падрыхтоўкі прац, якія рэцэнзуюцца, удзел у семінарах або іншыя актыўнасці, накіраваныя на павышэнне кваліфікацыі. 

Дэдлайн: 15 студзеня 2025 года.
 
Больш пра магчымасці і ўмовы стажыроўкі па спасылцы: CPVA.LT

Беларускі Моладзевы Хаб

Запрашаем на паказ фільма “Крышталь” Дар’і Жук у клубе беларускага кіно “Кінакола” ў сераду 20 лістапада 

90-я гады. Дыджэйка Веля з Менску марыць з'ехаць у Амерыку. З-за памылкі ў падробленай даведцы на візу яна трапляе ў незнаёмую сям'ю ў невялікім мястэчку. Пакуль людзі, што яе прытулілі, занятыя падрыхтоўкай да вяселля, яна збіраецца любой цаной дамагчыся здзяйснення сваёй «крыштальнай мары».

Фільм “Крышталь” стаў сапраўднай падзеяй у беларускім кіно, атрымаў шэраг узнагарод на міжнародых фестывалях і быў вылучаны на прэмію “Оскар” у 2018 годзе. 
Пасля прагляду адбудзецца анлайн-сустрэча з рэжысёркай фільма Дар’яй Жук.

🎈Уваход вольны. Данаты ў падтрымку Беларускага моладзевага хаба вітаюцца.

Рэгістрацыя па спасылцы – https://forms.gle/Qdn2zKYtS6Tg1Zur7

Праект “Кінакола” ладзіцца ў межах праграмы ArtPower Belarus Беларускай Рады культуры і Дацкага інстытута культуры пры фінансавай падтрымцы Еўразвязу.

🗓 20 лістапада, серада
⏰ 18:45
📍 Dożynkowa 6a, Варшава

Беларускі Моладзевы Хаб 🔥

Запрашаем падлеткаў 13+ на чарговую сустрэчу інтэграцыйна-адукацыйнага клуба WYSPA.

Звяртаем увагу, што сустрэча замест чацвярга ў гэты раз адбудзецца ў пятніцу!

Міжнародныя абмены Erasmus толькі для дарослых?

Як падарожнічаць бясплатна, навучацца новаму і развіваць партфоліа да ўніверсітэта.

"Вітанкі. Я Мар'я і мне 20. У сваім жыцці я больш за ўсё люблю дзве рэчы: падарожнічаць і нефармальна вучыцца. А ідэальная камбінацыя гэтых захапленняў-гэта праграма Erasmus+, пра якую і будзе наша сустрэча.

Разам мы адкажам на пытанні:
🔞Erasmus-гэта толькі 18+?

🤓Як падлетак можа папоўніць сваё прафесійнае партфоліа?

💸Падарожнічаць бясплатна немагчыма? "

Прыходзь і даведайся, як зрабіць першы крок да міжнароднага абмену!

Таксама будуць настолкі, размовы і гульні! Можна прынесці што-небудзь да гарбаты, каб вечар быў больш утульным і смачным😊


⏰ 15 лістапада (пятніца), пачатак а 18:40
📍 Dożynkowa 6a, Варшава

Беларускі Моладзевы Хаб 🔥

Варкшопы на Pradmova у Беларускім Моладзевым Хабе (частка 2):

16.45-18.15 Майстар-клас трафарэтнага друку ад Святланы Дземідовіч
Трафарэтны друк - гэта тэхніка, у якой выкананыя ўсе 45 ілюстрацый да зборніка вершаў Насты Кудасавай “Побач". Тэхніка не вымагае мастацкага досведу, пасуе для любога ўзросту. Кожны ўдзельнік выйдзе з майстар-класа са сваёй уласнай працай, па-дзіцячы здзіўлены і шчаслівы.

18.30-20.00 Калаж як вопыт: эксперымент і разнявольванне
На майстар-класе Ірыны Арахоўскай вы даведаецеся пра тое, што такое калаж, як ён уплывае на масавую культуру, палітыку і выкарыстоўваецца ў містыфікацыях, інтэр’еры ды медыя, а таксама зробіце свой калаж у змяшаных тэхніках. Ірына распавядзе, як дзякуючы калажу можна працаваць з хатнім архівам і аздобіць свой інтэр'ер напамінкамі з адпачынкаў. Сустрэча будзе цікавая і для творчых людзей, і для тых, хто ніколі не займаўся мастацтвам. Творчая атмасфера дапаможа вам натхніцца на новыя ідэі. Запаўняйце заяўку цяпер, бо колькасць месцаў абмежаваная.

📍 Dożynkowa 6a, Варшава
Беларускі Моладзевы Хаб 🔥

Запрашаем 16 лістапада (субота) ў Беларускі Моладзевы Хаб на фестываль інтэлектуальнай кнігі Pradmova!

У нас пройдуць наступныя варкшопы і сустрэчы (частка 1):

12.00-13.15 "Я - ілюстратар". Малюем ілюстрацыі разам з мастачкай Эльгай Паповай. Майстар-клас для дзетак 6+
Майстар-клас для дзетак па маляванні ад мастачкі, ілюстратаркі і пісьменніцы Эльгі Паповай. На яе рахунку мноства персанальных і супольных выстаў, 11 праілюстраваных кніг, чатыры ўласныя кнігі. Эльга стварае казачны свет, напоўнены дабрынёй і любоўю. На імпрэзе Эльга раскрые сакрэты сваёй працы, пакажа ўласныя малюнкі і працэс іх стварэння. Пры падтрымцы мастачкі ўдзельнікі самі паспрабуюць стварыць ілюстрацыю да адной з яе казак

13.30-14.30 Шрыфтавы архіў: размова аб праекце Алы Пігальскай
Даследчыца, дызайнерка Ала Пігальская засяродзіцца на гістарычных шрыфтах у дызайне вокладак (на падставе гістарычных прататыпаў кірыліцы: скорапісу ВКЛ, паўустава, буквіцы і лацінскага алфавіта: готыкі і гуманістычнага курсіву).

15.10-16.20 OUT. Як аналагавыя тэхналогіі пісьма могуць зрабіць вашу дзейнасць болей цікавай, творчай і выніковай. Вядучы - Антось Сівых
"Мы звыкліся да штодзённага ўжывання смартфонаў і камп'ютараў, але ці можна вырашаць штодзённыя задачы з дапамогай простага пісьма? На гэтым варкшопе вы адкрыеце для сябе аналагавыя тэхналогіі і метады пісьма, якія дапамогуць вам стаць больш творчымі, засяроджанымі і эфектыўнымі без лічбавых інструментаў.
Што вас чакае?
-Агляд сучасных і новых тэхнік рукапісу: даведаецеся пра цікавыя і новыя спосабы выкарыстання пісьма, а таксама розныя традыцыі ўжывання пісьма ад рукі для вырашэння штодзённых і творчых заданняў.
-Практычны воркшоп: паспрабуеце розныя інструменты і тэхнікі, якія дапамогуць эфектыўна вырашаць паўсядзённыя і творчыя задачы.
-Прэзентацыя фізічнай аперацыйнай сістэмы OUT-1 і яе практычных застасаванняў.

📍 Dożynkowa 6a, Варшава
Беларускі Моладзевы Хаб 🔥

Запрашаем 14 лістапада на сустрэчу з Маляванычам у Беларускім Моладзевым Хабе

дзе пагаворым пра беларускую батлейку!

❓Ці ведаеце вы, што такое батлейка?
❓Чаму на Беларусі гэты старажытны лялечны тэатр называлі так, а ва Украіне і Расіі "вярцеп", а ў Польшчы "шопка"?
❓Адкуль сумесь сакральных і жартоўна-бытавых матываў батлеечнай дзеі?

❗️Пра гэта і пра шмат іншае даведаемся на сустрэчы 14 лістапада з артыстам, мастацкім кіраўніком міжнароднага фестываля "Нябёсы" Аляксандрам Ждановічам (Маляванычам).
Ды не толькі паслухаем і паглядзім, але і самі возьмем удзел у спектакле "Цар Ірад", у якім пазнаем у вобразах кананічнага старажытнага расказа персанажаў сучаснай беларускай гісторыі.

Акрамя таго: у другой палове вечарыны Маляваныч прэзентуе свае кніжкі і чытае казкі.

Сустрэча разлічана на дарослую аўдыторыю.

🎟 Квіткі - 40зл, аплата гатоўкай на ўваходзе.

Рэгістрацыя па спасылцы - https://www.eventbrite.com/e/1075673591669

📅 14 лістапада (чацвер), пачатак а 19:00
📍 Dożynkowa 6a, Варшава

Беларускі Моладзевы Хаб 🔥

📢 Вітаем, сябры!

Запрашаем на сённяшнюю сустрэчу ініцыятывы
"Напішы ліст палітвязню"! 💌

Кожны ліст — гэта салідарнасць і надзея.
Лісты падтрымліваюць людзей за кратамі і нагадваюць ім, што мы памятаем пра ўсіх і чакаем на волі.

💬 Далучайцеся, каб разам рабіць добрую справуІ
І не забудзьцеся запампаваць лісты ў Банк лістоў на dissidentby.com, каб яны дасягнулі адрасатаў і пасля вызвалення.

🗓 Дата: 13 лістапада
⏰ Час: 18:00 – 20:00
🏚 Месца: Dożynkowa 6a, Варшава

Ваш удзел сапраўды мае значэнне! ❤️

Беларускі Моладзевы Хаб