dissidentby

#dissidentby
💌 8 сакавіка - Дзень салідарнасці жанчын у барацьбе за свае правы

Многія беларускія жанчыны сёння сутыкаюцца з цяжкасцямі: хтосьці яшчэ ў зняволенні, хтосьці ўжо на волі, але мае патрэбу ў падтрымцы.

👉 У знак салідарнасці з беларускамі мы аб'яўляем штогадовы дабрачынны збор на дапамогу пацярпелым жанчынам.

Акцыю арганізоўвае праект «Хуткая гуманітарная дапамога» (фонд BYSOL, грамадская кампанія By_Help, фонд «Краіна для жыцця» і праваабарончая ініцыятыва Dissidentby)

Куды пойдуць сродкі?

🐈 гігіенічныя сродкі;
🐈 лекі;
🐈 базавыя рэчы;
🐈 іншыя неабходныя прадметы.

Як дапамагчы?

🥀 зрабіць ахвяраванне любым зручным спосабам.
Самы мінімальны ўклад — гэта частка велізарнай дапамогі, што мы накіруем туды, дзе ў ёй маюць вострую патрэбу.
Данат можна зрабіць тут: https://www.stranafund.org/kampanii/zbor-na-padtrymku-zhanchyn (калі ласка, не карыстайцеся беларускімі і расійскімі карткамі)

🥀 распаўсюдзіць інфармацыю пра збор ў сацыяльных сетках, калі гэта бяспечна для вас. Калі на вашае паведамленне адгукнецца хаця б адзін чалавек — гэта стане неабходнай часткай вялікай справы.

❤️‍🩹 Толькі аб'яднаўшыся мы зможам падтрымаць беларускіх жанчын і паклапаціцца пра іх. Толькі з вашай дапамогай яны атрымаюць надзею, падтрымку і ўвагу.

Сума збору: € 8 000. На кожную жанчыну плануецца выдаткаваць каля 150 еўра.

Калі атрымаецца сабраць больш — яшчэ больш жанчын атрымаюць дапамогу.

Дабро — не проста слова, гэта — дзеянне. І яно заўсёды вяртаецца назад.

#dissidentby
9 гадоў пазбаўлення волі атрымаў айцішнік Аляксандр Зіязэтдзінаў

➰Аляксандр быў затрыманы летам 2022 года, а ўжо восенню яго асудзілі паводле ч. 1 арт. 361-2 Крымінальнага кодэкса (фінансаванне экстрэмісцкай дзейнасці) да трох гадоў калоніі за перавод крыптавалюты на рахункі BYPOL.

Праз год выйшаў фільм, у якім палітзняволены распавёў пра прашэнне аб памілаванні і спробу вырашыць сітуацыю праз кампенсацыю. Па словах сведкаў, Аляксандру сапраўды прапанавалі кампенсаваць шкоду праз фонд, звязаны з прэзідэнтам. Ён пагадзіўся на такую кампенсацыю ў абмен на вызваленне, але ўсё пайшло не па плане.

🔴Аляксандр атрымаў адмову, а ягоныя грошы (каля 30 біткоінаў) былі канфіскаваны. Арганізацыю BYPOL прызналі "тэрарыстычным фармаваннем", і супраць Аляксандра ўзбудзілі новую крымінальную справу паводле артыкула "Фінансаванне тэрарыстычнай дзейнасці".

15 сакавіка 2024 года ў Мінскім гарадскім судзе суддзя Алена Шылько вынесла новы прысуд – 9 гадоў пазбаўлення волі. Хвалі памілавання, якія прайшлі па краіне, палітзняволенага не закранулі. Зараз ён знаходзіцца ў ПК-17, Шклоў.

#dissidentby
💔 Сення ў Мінскім абласным судзе агучылі прысуд для Наталлі Ладуцька. Суддзя Яўген Пісарэвіч вынес рашэнне - 4 гады пазбаўення волі і штраф 600 б.в.

Наталлю асудзілі па двух артыкулах крымінальнага кодэксу за садзейнічанне "экстрэмісцкай дзейнасці". Жанчына была затрымана падчас рэйду 23-24 студзеня 2024 і знаходзілася ў СІЗА больш за год за дапамогу рэпрэсаваным асобам са сваіх уласных сродкаў.

❤️‍🩹 Падтрымайце Наталлю! Вы можаце даслаць ей ліст з-за мяжы або праз наш сайт: dissidentby.com/letter

✏️ Напішыце пра Наталлю ў сваіх сацыяльных сетках і распавядзіце пра сітуцыю з палітзняволенымі ў Беларусі.

#dissidentby

@viasna96 распавядае падрабязней пра збіццё журналісткі Кацярыны Бахвалавай (Андрэевай) у лютым 2022 года. Пра гэта паведаміла на прэс-канферэнцыі былая палітзняволеная Паліна Шарэнда-Панасюк:

«Я чула [ў ШІЗА], як яна прасіла лекара. Яна казала, што мяне моцна збілі: "Мяне білі па галаве, паклічце лекара, паклічце лекара..." Зразумела, што ніхто ёй лекара не паклікаў. Гэта было 9 лютага. 10 лютага яе вывезлі ў СІЗА на Гомель. У мяне атрымалася пагаварыць з дзяўчынай, якая распавяла сітуацыю, што калі Кацю выклікалі і азнаёмілі з тым, што супраць яе ўзбуджаная чарговая справа [заўв. — за "здраду дзяржаве"], у яе проста здалі нервы. У яе здарылася гістэрыка. Што яна там рабіла — я не ведаю, але гэтая дзяўчына сказала, што яна была збітая. Яе збівалі чатыры чалавекі: оперупаўнаважаны Чорны, Ганчароў, Алёхін і Зюзін. Вось гэтыя чатыры мужычны — "героі" —  накінуліся на адну Кацю. Яе білі па галаве, яе білі па жываце».

#dissidentby

⬜️ Больш за 62 кансультацыі мы правялі ў студзені. Гэта значыць, што да нас звярталіся людзі з самымі рознымі пытаннямі як у Беларусі, так і за яе межамі.
Напрыклад, у снежні за кансультацыяй звярнуліся амаль 90 чалавек!

Dissidentby заўсёды гатовы вам дапамагчы і падказаць па любых пытаннях, звязаных з рэпрэсіямі ў дачыненні да вас або вашых блізкіх. Калі вы звяртаецеся да праваабаронцаў, вы атрымліваеце актуальную і рэальную інфармацыю пра вашу сітуацыю. Вельмі часта такая інфармацыя можа выратаваць жыццё або наўпрост аблегчыць абставіны.

🔴 Вы можаце паведаміць пра рэпрэсіі ананімна праз сайт stayrebel.fun (без VPN) або па кантактах у апісанні каналу. Толькі так мы зможам тэрмінова аказаць вам неабходную юрыдычную і гуманітарную падтрымку.

#dissidentby

💜 Нашы вынікі ў студзені:

👉 17 чалавек атрымалі фінансавую падтрымку на перадачы;
👉 3 чалавекі пакінулі свае заяўкі на праграму рэсацыялізацыі і атрымліваюць персанальныя кансультацыі;
👉 75 лістоў вы пацвердзілі праз наш сайт, 35 лістоў мы атрымалі на сайт і даслалі;
182 ліста мы апрацавалі і захавалі ў Банк Лістоў;
👉 59 запытаў мы атрымалі ў Тэлеграм-бот;
🆘 90 чалавекі мы дадалі на сайт за месяц;
👉 у дачыненні да 102 (мінімум) чалавек адбыліся судовыя паседжанні па крымінальных справах.

Як дапамагчы з перадачамі палітвязням?
▪️ Стаць Вартаўніком/ніцай і падтрымліваць канкрэтнага вязня/вязынку рэгулярна;
▪️ Зрабіць разавы данат ад 15$, 30$ або 50$ і атрымаць унікальны мерч;
▪️ Падпісацца на Patreon (гэта важна! грошы ідуць на перадачкі);
❗️ Дапамагчы сабраць пасылку ў калонію;
▪️ Наш бот: @dissidentby_bot

🛡 Не рабіце данаты з беларускіх картак! Выкарыстоўвайце VPN | Чысціце кэш | Не пакідайце сваіх асабістых дадзеных

🖤 Дзякуй!

#dissidentby
💔 Па сканчэнні тэрміну на волю выйшла Паліна Шарэнда-Панасюк. Яна знаходзілася за кратамі 4 гады і 1 месяц. За гэты час яе судзілі чатыры разы, тры з якіх па артыкулу 411 за "непадпарадкаванне адміністрацыі".

#dissidentby
🎁 Павіншуй вязняў з днём нараджэння!

⏩ Спіс вязняў, хто святкуе народзіны ў лютым.

👇Як можна павіншаваць?
- даслаць ліст або тэлеграму. Даслаць ліст можна праз сайт dissidentby;
- правесці акцыю салідарнасці ў любым фармаце;
- зрабіць данат на карысць палітвязняў (❌не з беларускай карткі).

✔️ Калі ласка, правярайце месцазнаходжанне вязня перад адпраўкай лістоў - яно можа змяніцца.
❗️ Не дасылайце грашовыя пералікі ад свайго імя.

▪️ Наш бот: @dissidentby_bot
❤️ Канструктар перадач ТУТ

#dissidentby

⚡️ Дапамажы былому палітвязню атрымаць міжнародную абарону ў Чэхіі і кампенсаваць выдаткі на юрыстаў

Падчас пратэстаў я ўдзельнічаў у маршах на вуліцах нашага горада і ў дзейнасці дваровага чата, каментаваў беззаконне ў Тэлеграм-каналах, ахвяраваў, колькі мог, розным арганізацыям, якія падтрымліваюць беларусаў. Праз гэтую маю актыўнасць у 2021 годзе я быў арыштаваны.

Як грамадзяніна Украіны, мяне спачатку хацелі дэпартаваць на радзіму. Аднак дзякуючы актыўнасці аднаго з супрацоўнікаў аддзела па грамадзянству і міграцыі мая дэпартацыя была прыпынена. Пачаўся судовы працэс, які мне прысудзіў 3,5 гады калоніі*.

*палітвязень атрымаў згодна з прысудам 3 гады калоніі, але з-за грамадзянства і працэдураў дэпартацыі правёў за кратамі 3,5 гады.

✅ Dissidentby пацвярджае апісаную гісторыю і неабходнасць у падтрымцы. Заклікаем вас дапамагчы былому палітзняволенаму бяспечным вам спосабам (не рабіце данаты с расійскіх і беларускіх картак).
➡️ Дапамагчы: https://bysol.org/be/private/protection_in_cz/

#dissidentby
🌟 Сёння свет адзначае Міжнародны дзень памяці ахвяраў Галакосту. У гэты дзень у 1945 годзе быў вызвалены лагер смерці Аўшвіц-Біркенаў, дзе за гады Другой сусветнай вайны загінулі мільёны людзей. Гэта дата нагадвае нам пра жудасны боль, які перажылі ахвяры нацысцкай палітыкі генацыду.

➿ Разважаючы пра трагічныя ўрокі мінулага, мы не можам забыцца на сучасныя прыклады рэпрэсій і беззаконня. У Беларусі сёння тысячы людзей сутыкаюцца з пераследам за свае перакананні і {як мінімум } 1358 палітычных зняволеных знаходзяцца ў турмах.

Памяць пра Галакост вучыць нас, што мы не павінны быць абыякавымі да бяззаконня і пакутаў іншых. Таму працягваем разам змагацца з нясправядлівасцю, каб ніякія формы дыскрымінацыі і нянавісці больш ніколі не панавала ні ў Беларусі, ні ў свеце. 🕊️

#dissidentby

☕️ Запрашаем сёння пакаштаваць чыфір і пагутарыць з былым палітвязнем!

Тэма палітвязняў — гэта тэма нумар адзін для нас, як і для ўсіх сумленных беларусаў і беларусак. Таму мы далучаемся да кампаніі арганізацыі Free Belarus Center ТЭМА#1, якая накіравана на падтрымку беларускіх палітычных зняволеных.

⏱️ Сёння ў Познані мы ладзім нефармальную сустрэчу з былым палітвязнем, каб у сяброўскай абстаноўцы абмеркаваць побыт і жыццё ў калоніі — даведацца пра смешныя і сумныя моманты, заварыць і пакаштаваць чыфір, задаць усе дурныя пытанні і зразумець, як не паехаць з глузду ў няволі.

Таксама падчас сустрэчы мы зладзім віктарыну з пытаннямі пра палітзняволенных Беларусі і разыграем падарункі.

Прыходзь і кліч сяброў і сябровак на вечарок з чыфірком!

Дзе: Польшча, Познань, Pakoj 202 (Nowowiejskiego 46)
Калі: 24.01, пятніца, 18:00 - 20:00
Як трапіць: вольны ўваход

#dissidentby

💢 Як "спіс тэрарыстаў" карыстаюць супраць беларусаў і беларусак?

➡️ Такія спісы вяліся ад 2011 у межах міжнародных абавязальніцтваў па барацьбе з тэрарызмам, але ў 2020 усё змянілася і спісы сталі яшчэ адным рэпрэсіўным інструментам. Рашэнне аб уключэнні прымае КДБ, знайсці іх таксама можна на іх сайце.

Паводле п. 5 Пастановы Савета Міністраў ад 30 снежня 2014 № 1256, у "спіс тэрарыстаў" уключаюць паводле 25 артыкулаў КК, у тым ліку па артыкулах 130, 293 і 361. Тым не менш, працэс уключэння ў спіс не зусім зразумелы і людзі туды трапляюць або не трапляюць выбарачна.

👇 Якія амбежаванні?
Зняволенаму, якога уключылі ў "спіс тэрарыстаў", забаронены грашовы перавод у следчы ізалятар і калонію. Асобы, якія знаходзяцца на волі і ўключаныя ў гэты "спіс тэрарыстаў", маюць фінансавыя абмежаванні: напрыклад, ім нельга прадаць кватэру.

👇 Ці можна абскардзіць рашэнне пра ўключэнне ў спіс?
Можна абскардзіць праз суд. Звяртайцеся да праваабаронцаў для складання скаргаў: @zvarot96 (ПЦ Вясна) або @stranafundyd_YD_bot (Краіна для Жыцця).

📎 Наступствы для салідарных
23-24 снежня 2024 прайшоў рэйд па сваяках палітзняволеных і людзям, якія дапамагалі вязням. За тое, што дапамога была для асобаў, уключаных у спісы палітвязняў, а суадносна ў спісы "тэрарыстаў" і "экстрэмістаў" больш за 20 чалавек падвергліся пераследу па крымінальных артыкулах. Таму пры дапамозе вязням у 2025 годзе не карыстайцеся сваімі асабістымі дадзенымі (імя і прозвішча, адрас).

🔴 Вы можаце паведаміць пра рэпрэсіі ананімна праз сайт stayrebel.fun (без VPN) або па кантактах у апісанні каналу. Толькі так мы зможам тэрмінова аказаць вам неабходную юрыдычную і гуманітарную падтрымку.

#dissidentby

☕️︎ Запрашаем у гэтую пятніцу пакаштаваць чыфір і пагутарыць з былым палітвязнем!

Тэма палітвязняў — гэта тэма нумар адзін для нас, як і для ўсіх сумленных беларусаў і беларусак. Таму мы далучаемся да кампаніі арганізацыі Free Belarus Center ТЭМА#1, якая накіравана на падтрымку беларускіх палітычных зняволеных.

⏱️ У гэтую пятніцу ў Познані мы ладзім нефармальную сустрэчу з былым палітвязнем, каб у сяброўскай абстаноўцы абмеркаваць побыт і жыццё ў калоніі — даведацца пра смешныя і сумныя моманты, заварыць і пакаштаваць чыфір, задаць усе дурныя пытанні і зразумець, як не паехаць з глузду ў няволі.

Таксама падчас сустрэчы мы зладзім віктарыну з пытаннямі пра палітзняволенных Беларусі і разыграем падарункі.

Прыходзь і кліч сяброў і сябровак на вечарок з чыфірком!

Дзе: Польшча, Познань, Pakoj 202 (Nowowiejskiego 46)
Калі: 24.01, пятніца, 18:00 - 20:00
Як трапіць: вольны ўваход

#dissidentby

🔗 {як мінімум} 35 палітзняволеных са сферы айці застаюцца за кратамі.

З пачатку 2020 года больш за 80 айцішнікаў і айцішніц былі асуджаны па крымінальных справах у Беларусі. Іх судзілі за ўдзел у акцыях пратэсту, перадачу асабістых дадзеных асобаў, датычных да катаванняў, а таксама за данаты ў гуманітарныя арганізацыі. Некаторых нават абвінавачвалі па артыкуле "Здрада дзяржаве".

➡️ Вядома, што айцішнікі і айцішніцы рэгулярна падвяргаюцца рэкету з боку дзяржавы. Гэта значыць, што сілавікі пагражаюць ім крымінальнымі справамі і патрабуюць сплаты так званай "кампенсацыі" ў 10-кратным памеры на рахункі дзяржаўных арганізацый. Аднак нават у такіх выпадках абяцанні спыніць пераслед не заўсёды выконваюцца. Напрыклад, Аляксандр Зіязетдзінаў быў асуджаны на пазбаўленне волі, нягледзячы на тое, што ён сплаціў 31 біткоін на рахункі медыцынскіх устаноў у 2022 годзе. Акрамя гэтага, Аляксандра прымусілі зняцца ў праўладным відэа. Дзе цяпер знаходзіцца мужчына - невядома.

Некаторыя пасля выплаты вымушаны пакідаць краіну, іншыя застаюцца, спадзеючыся, што справу закрыюць. Аднак гэта - нічога іншага, як беларуская рулетка. Таму важна быць уважлівымі, цвяроза ацэньваць сітуацыю і абавязкова паведамляць пра выпадкі вымагання праваабаронцам. Гэта дазволіць атрымаць актуальныя парады адносна вашай асабістай сітуацыі.

🔴 Вы можаце паведаміць пра рэпрэсіі ананімна праз сайт stayrebel.fun (без VPN) або па кантактах у апісанні каналу. Толькі так мы зможам тэрмінова аказаць вам неабходную юрыдычную і гуманітарную падтрымку.

#dissidentby
❗️ Якімі былі першыя два тыдні 2025 у Беларусі? Мы зафіксавалі:
🔵 3 чалавекі, якія выйшлі на волю па сканчэнні тэрміну
🔵 57 чалавек, з якіх {як мінімум} 10 знаходзяцца за кратамі і прызнаны палітзняволенымі
🔵 71 паседжанне па крымінальных справах, звязаных з палітычным пераследам
🔵 85 паседжанняў па адміністрацыйных справах, звязаных з палітычным пераследам

Акрамя гэтага, мы рэгулярна атрымоўваем паведамленні, што перад 26 студзеня людзей актыўна і масава выклікаюць у міліцыю або міліцыянты самі прыходзяць з праверкамі па месцу пражывання. Таксама працягваецца ціск на сваякоў палітзняволеных.

🔴 Калі ласка, паведамляйце праваабаронцам пра рэпрэсіі ў дачыненні да вас або вашых блізкіх і знаёмых. Вы можаце гэта зрабіць ананімна праз сайт stayrebel.fun (без VPN) або па кантактах у апісанні каналу. Толькі так мы зможам тэрмінова аказаць вам неабходную юрыдычную і гуманітарную падтрымку