Светлана Тихановская

8 дзён да канферэнцыі «‎Новая Беларусь»‎: знаёмімся са спікерамі

3-4 жніўня ў Вільне адбудзецца Канферэнцыя «Новая Беларусь». На 8 панэлях выступяць эксперты і актывісты, якія падзеляцца меркаваннямі і прапановамі адносна будучыні краіны. Расказваем пра спікераў, якія пацвердзілі ўдзел у івэнце:

📌 Як абараніць незалежнасць Беларусі і супрацьдзейнічаць «Выбарам-2025» адкажуць Франак Вячорка (дарадца Святланы Ціханоўскай) і Павел Латушка (кіраўнік НАУ).

📌 Як не дапусціць жалезнай заслоны абмяркуюць Уладзімір Астапенка (кіраўнік Місіі дэмакратычнай Беларусі ў Бруселі) і Артур Міхальскі (упаўнаважаны Міністра замежных справаў Польшчы па сувязях з дэмакратычнымі сіламі Беларусі).

📌 Эканоміка Беларусі ў 2025 годзе. Вольга Лойка (журналістка, эканамічная аглядальніца) з Львом Львоўскім (акадэмічны дырэктар BEROC) паразмаўляюць пра тое, што хвалюе беларусаў. 

📌 Беларуская ідэнтычнасць у 2025 годзе. Спікеры: Аліна Коўшык (прадстаўніца па справах нацыянальнага адраджэння АПК), Генадзь Коршунаў (старшы даследчык ЦНІ).

📌 Беларускія добраахвотнікі і ветэраны. Ігар Кізім (пасол Украіны па асаблівых даручэннях па Беларусі) вылучыць крокі для вырашэння праблем.

📌 Дзеянні для палітвязняў у 2025 годзе. Падчас панэлі будуць выпрацаваны комплексныя праграмы дапамогі. Спікеры: Вольга Зазулінская (кіраўніца фонду «Краіна для жыцця») і Леанід Судаленка (прадстаўнік Вясны, праваабаронца).

📌 Андрэй Стрыжак (кіраўнік фонду BYSOL) і Сяргей Драздоўскі (кіраўнік «Офіса па правах людзей з інваліднасцю») высвятляць ці могуць дэмакратычныя сілы браць на сябе функцыі падтрымкі неабароненых груп у эміграцыі.

📌 На пытанне «Што можа зрабіць Каардынацыйная Рада III для Беларусі ў 2025 годзе» адкажуць прадстаўнікі фракцыяў, якія раскажуць пра планы па развіцці Каардынацыйнай Рады.

Канферэнцыя – гэта цудоўная нагода далучыцца да нашай сумеснай справы і стаць часткай дыскусіі пра свабодную і дэмакратычную Беларусь!

Як зрабіць Signal бяспечным?

Дарагія беларусы! З-за павелічэння выпадкаў фішынгу ў Signal мы падрыхтавалі рэкамендацыі па бяспечным карыстанні і наладах месэнджара:

📌 Усталюйце PIN-код Signal. Гэта не тое ж самае, што код блакавання. PIN-код Signal патрэбны, каб аднавіць пры змене прылады або пераўсталёўцы ваш профіль, налады, кантакты і спіс заблакаваных нумароў захаваных у месэнджары.

Задаць PIN-код можна пры рэгістрацыі, а змяніць – у наладах. Калі яго няма, выдаліўшы месэнджар, вы выдаліце ​​ўсе дадзеныя, якія ёсць толькі на вашай прыладзе. Таксама хтосьці можа зарэгістравацца ў Signal з вашага нумара, напрыклад, ён быў адключаны і выдадзены іншаму чалавеку.

📌 Ахоўвайце перапіску. Усталюйце ў наладах тайм-аўт блакаванне, тады Signal будзе патрабаваць код, адбітак пальца ці Face ID пасля кожнага згортвання прылады.

📌 Адключыце перадпрагляд спасылак у паведамленнях у наладах чатаў. Signal не будзе адпраўляць сайту, на які вядзе спасылка, вэб-запыт, які даступны інтэрнэт-правайдару.

📌 Прывязка некалькіх прыладаў. Signal дазваляе адначасова перапісвацца з некалькіх прыладаў, трэба толькі прывязаць іх да ўліковага запісу. Перыядычна правярайце спіс на наяўнасць незнаёмых прыладаў і адключайце ад акаўнта гаджэты, якімі не карыстаецеся.

📌 Ахова галасавых званкоў. Можна ўключыць перадачу галасавых званкоў праз уласныя серверы месэнджара замест прамога злучэння з суразмоўцам. Гэта дазволіць трымаць ваш IP-адрас у таямніцы.

Сябры, з сённяшняга дня звязацца з Офісам можна і праз Signal.

📎 Наш адрас askoffice_chat.15 (і ніякі іншы!);
📎 Сёння Signal – самы бяспечны канал сувязі, мы зрабілі ўсе налады акаўнта, каб максімальна абараніць дадзеныя і запыты;
📎 Мы прымаем толькі пісьмовыя запыты (не тэлефонныя званкі);
📎 Нумар у профілі схаваны – мы даём спасылку на профіль, або нік.

Будзем радыя вашым паведамленням! Шануйце лічбавую гігіену і беражыце сябе! Калі гэта для вас бяспечна, падзяліцеся публікацыяй з роднымі.

Прыходзьце на асабістыя размовы са Святланай Ціханоўскай і Валерам Мацкевічам  у гэтую пятніцу, 26 ліпеня 

На гэтым тыдні ў асабістых размовах з беларусамі разам са Святланай Ціханоўскай возьме ўдзел кіраўнік апарата Аб’яднанага Пераходнага Кабінета Валер Мацкевіч. Яму вы зможаце задаць пытанні пра працу Кабінета, Канферэнцыю «Новая Беларусь» і напрамкі, па якіх зараз дзейнічае Каардынацыйная Рада.

Размовы пройдуць у пятніцу, 26 ліпеня, з 13:00 да 15:00 па Мінску. Да гэтых размоваў можна далучыцца анлайн з любой часткі свету. Гэта бяспечны фармат для беларусаў і беларусак унутры краіны.

Каб трапіць на размову са Святланай і Валерам, трэба зарэгістравацца па гэтай спасылцы.

Чем опасен растущий культ личности Лукашенко

Лукашенко у власти уже 30 лет – больше, чем Сталин. Пропаганда стремится показать не синие пальцы, которыми он держится за свое место, а активно прославлять “достижения” Лукашенко, укреплять образ лидера, незаменимого и великого руководителя. Команда Офиса подсветила самые манипулятивные приемы, которыми пользуется пропаганда, обманывая людей.

Абмежаванні супраць аўтамабіляў на беларускіх нумарах: сустрэча з прадстаўнікамі Міністэрстваў замежных справаў Польшчы, Літвы, Латвіі і Эстоніі

У Вільні прайшла сустрэча па новых абмежаваннях супраць аўтамабіляў на беларускіх нумарах, удзел у якой узялі галоўны дарадца Франак Вячорка, дарадца па моладзевай палітыцы і студэнцтву Маргарыта Ворыхава і віцэ-спікерка Каардынацыйнай рады Станіслава Гліннік. Польшчу, Літву, Латвію і Эстонію прадставілі амбасадары, спецпасланнікі і тыя супрацоўнікі міністэрстваў, якія адказваюць за сферу санкцыяў.

Якія важныя пытанні ўзнімаліся падчас сустрэчы?

📌 Абмежаванні на правоз тавараў у сувязі з новымі санкцыямі. Літва і Польшча дазволілі правозіць тавары для асабістага карыстання, без бірак і ўпаковак;

📌 Захаванне і падтрымка пасажырскага руху: аўтобуснае злучэнне застанецца без зменаў;

📌 Працэдура перарэгістрацыі аўтамабіляў на еўрапейскія нумары для беларусаў, якія маюць ВНЖ ці гуманітарныя візы.

Прадстаўнікі Офіса акцэнтавалі ўвагу на тым, што новыя абмежаванні б’юць па беларусах, а не па рэжыме: гэта негатыўна адбіваецца на мабільнасці людзей. Акрамя таго, дарадцы перадалі прапановы па магчымых выключэннях, якія можна зрабіць для аўтамабіляў, за рулём якіх – беларускія грамадзяне.

Вашыя думкі пра дзейнасць дэмакратычных сілаў і пытанні да спікераў: запрашаем запоўніць форму меркаванняў да Канферэнцыі «Новая Беларусь»

Да трэцяй Канферэнцыі «Новая Беларусь», што пройдзе 3-4 жніўня ў Вільні, засталося менш, чым два тыдні. Каманда Офіса Святланы Ціханоўскай запрашае беларусаў падзяліцца думкамі пра вынікі працы дэмакратычнай супольнасці за мінулы год. Што засталося па-за ўвагай? Якія важныя аспекты былі недаацэненыя? Якія крокі, на вашу думку, дэмакратычным сілам неабходна зрабіць у найбліжэйшы час?

Да таго ж, мы заклікаем сфармуляваць пытанні, што турбуюць вас цяпер, і адказы на якія вы хацелі б пачуць падчас мерапрыемства. Мы сістэматызуем пытанні і перададзім іх мадэратарам Канферэнцыі.

Запоўніць форму можна па гэтай спасылцы. Нам вельмі важна пачуць голас кожнага і кожнай!

⚪️ Нагадаем, што калі вы хацелі б прыехаць у Вільню і ўзяць удзел у мерапрыемстве, то неабходна запоўніць форму.

🔴 Журналісты, блогеры, прадстаўнікі беларускіх незалежных медыя могуць зарэгістравацца па гэтай спасылцы.

❗Важна!
Уся афіцыйная камунікацыя па Канферэнцыі Новай Беларусі праходзіць праз пошту confnewbelarus@tsikhanouskaya.org. Усю інфармацыю пра праграму можна знайсці па спасылцы. Калі ласка, дбайце пра сваю кібербяспеку і карыстайцеся толькі афіцыйнымі кантактамі!

«Мы – жывыя сведкі таго, як проста абраць дыктатара, і як складана і дорага ад яго пазбавіцца», – Офіс Святланы Ціханоўскай ладзіць выставу да 30-годдзя панавання аўтарытарнага рэжыму ў Беларусі

24 ліпеня а 17:00 у Вільні пройдзе адкрыццё выставы «30 год дыктатуры ў 30 постарах» з удзелам Святланы Ціханоўскай.

Беларускі дызайнер Артур Вакараў стварыў 30 постараў, якія наглядна дэманструюць катастрафічныя наступствы аўтарытарызму. Гэтыя творы нагадваюць пра небяспеку абыякавасці, даверу да прапаганды і жадання «моцнай рукі».

«Паўгода таму я задумаўся над гэтым сумным юбілеем і яго наступствамі для ўсіх беларусаў. Так з'явілася канцэпцыя праекту, і на працягу шасці месяцаў я ствараў гэтыя 30 постараў, каб паказаць жахлівыя вынікі кіравання дыктатара ў розных сферах жыцця» – кажа аўтар праекту.

Акрамя лідаркі беларускіх дэмакратычных сілаў, удзел у адкрыцці выставы прымуць беларускія і літоўскія палітыкі.

Дата і час: 24 ліпеня а 17:00
Месца: на адкрытай прасторы каля Музею акупацыі і барацьбы за свабоду (Aukų g. 2A, Vilnius)

Выстава будзе даступная для прагляду з 24 ліпеня па 24 жніўня.