Вясна / Правы чалавека ў Беларусі


Гео и язык канала: Беларусь, Белорусский
Категория: Новости и СМИ


Тэлеграм-канал Праваабарончага цэнтру «Вясна». Актуальныя навіны ў галіне правоў чалавека ў Беларусі.
Пры затрыманнях і для юрыдычнай кансультацыі пішыце @ViasnaSOS, @SOSViasna,
@viasna_bot
Сувязь з інфармацыйнай службай: @Spring96info


Гео и язык канала
Беларусь, Белорусский
Категория
Новости и СМИ
Статистика
Фильтр публикаций


💔Журналістка Марыя Грыц зрабіла сцяг з імёнамі жанчын, якія сутыкнуліся з пераследам па палітычных прычынах

Стварэнне сцяга Марыя прымеркавала да двухгадовай гадавіны першай жаночай акцыі

«Сёння пра беларускіх жанчын гавораць непамерна меней, але хіба яны самі змяніліся? На сёння з крымінальным пераследам сутыкнуліся не меней за 588 жанчын - і гэта толькі тыя, пра каго вядома праваабаронцам. Іх жыццё часова складзенае 'судовымі' выракамі, але іх імёны не забытыя. Вось яны, так шмат, што хапіла на яшчэ адзін сцяг.

Я называю іх імёны, славутыя і невядомыя, каб пра іх памятаў кожны з вас. Каб яны ведалі, што не адныя, не кінутыя, не забытыя, што іх ахвяра не марная. У першым каментары будзе спасылка, каму і як дапамагчы.

Тады мы выйшлі з кветкамі, але нас не пачулі. Больш кветак у мяне няма», — піша яна.


Репост из: Вясна: Палітвязні Беларусі
💔Паглядзіце, якія міні-мультфільмы здымаюць па вершах палітвязня Андрэя Скурко

Ютуб-канал BAYBUS здымае мультфільмы па вершах палітзняволенага паэта і кіраўніка аддзела маркетынгу і рэкламы «Нашай Нівы» Андрэя Скурко, якія ён піша за кратамі для свайго маленькага сына Тамашыка. Усяго аўдыёкніга ўмесціць у сабе 55 твораў для маленькіх і сівенькіх.

Укладайце Андрэю ў канверты маркі, каляровыя і звычайныя лісты, паштоўкі-размалёўкі, налепкі, малюнкі, каб ён мог ілюстраваць свае вершы.

Нагадаем, 15 сакавіка суд Заводскага раёна Мінска прысудзіў Скурко і Ягору Марціновічу па два з паловай гады калоніі. Іх абвінавацілі ў «нанясенні маёмаснай шкоды без прыкмет крадзяжу, учыненае групай асоб па папярэдняй змове, у буйным памеры» (ч. 2 арт. 216 КК).

💌Адрас для падтрымкі: ПК №15, 213105, г. Магілёў, п/а Вейна, Андрэй Генадзьевіч Скурко
💻 Напісаць анлайн 👉 bit.ly/3PIOcjz


У Гродне быў затрыманы Дзяніс Янцэвіч

Пра гэта паведамляюць праўладныя тэлеграм-каналы. На «пакаяльным відэа» ён «прызнаецца» ва ўдзеле ў паслявыбарчых пратэстах, абразах супрацоўнікаў міліцыі ў Telegram-каналах і рэгістрацыі ў плане «Перамога».

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведам
іць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna


Репост из: Вясна: Палітвязні Беларусі
Падтрымайце палітзняволеных журналістаў Алеся Любянчука і Канстанціна Залатых

Алесь Любянчук — журналіст, быў затрыманы 26 траўня ў вёсцы Крывічы Іўеўскага раёна. На дадзены момант яму выставілі абвінавачванні, але дакладны крымінальны артыкул невядомы, бо адвакат знаходзіцца пад падпіскай аб неразгалошванні. Алесь шмат займаўся дабрачыннасцю, дапамагаў дзецям-сіротам, арганізоўваў турыстычныя паходы і аднаўляў гісторыка-культурную спадчыну Наваградчыны.

Канстанцін Залатых — дырэктар газеты «Беларусы і рынак», быў затрыманы 18 траўня, пасля ператрусу дома і ў рэдакцыі выдання. Яму выставілі абвінавачанне па ч. 2 арт. 130 Крымінальнага кодэкса Беларусi – распальванне варажнечы, спалучанае з гвалтам альбо здзейсненае службовай асобай.

💌Падтрымайце іх грашовымі пераводамі, пасылкамі або бандэролькамі, лістамі салідарнасці і тэлеграмамі: СІЗА-1, 220030, г. Мінск, вул. Валадарскага, 2 (Аляксандр Мікалаевіч Любянчук, Канстанцін Уладзіміравіч Залатых)


Нам з вамі важна адсачыць лёс кожнага затрыманага чалавека, каб ніхто не быў пакінуты сам-насам з рэпрэсіямі!

Заклікаем паведамляць апошнія навіны пра вашых блізкіх, якія пераследуюцца па палітычных матывах: затрыманні, пераводы, ціск у месцах зняволення, даты судоў і аўдыё з пасяджэнняў 👉 @ViasnaSOS, @SosViasna

Таксама заклікаем распавядаць гісторыі вашых блізкіх палітзняволеных, каб вязні за кратамі атрымлівалі яшчэ большую падтрымку ад грамадства 👉 @spring96info

Тэксты «Вясны» пра палітвязняў:

🔹«На полі іх білі, на вопратцы малявалі крыжы, мне тапталі руку нагой» — экс-палітзняволеная Алена Дзядзюля распавяла пра «справу цюкоў»
🔹Як і за што цяпер пераследуюць святароў у Беларусі?
🔹Дзесяць месяцаў за кратамі ўтрымліваецца супрацоўнік EPAM і калега загінулага Андрэя Зельцэра
🔹«Калі ліст урэшце прыходзіць на "Валадарку", то бяжыш хутчэй чытаць і перачытваць яго», — экс-палітвязень Канстанцін Шульга
🔹Маці палітзняволенага Івана Паршына: «Намагаюся думаць толькі пра той момант, калі яго адпусцяць»


За друкаванне налепак з арнаментам і Пагоняй затрымалі дырэктара студыі дызайну Аляксандра Васільева

Сілавікі закідаюць яму «друкаванне пратэснай сімволікі» — на відэа і фота, якія яны публікуюць, магніты, налепкі і іншая прадукцыя з нацыянальным арнаментам і Пагоняй.

Мужчыну аднойчы ўжо затрымлівалі падчас пратэсту 8 лістапада 2020 году і прысудзілі дзесяць сутак арышту. Адбываў пакаранне ён у Жодзіне.

Каналы сілавікоў паведамляюць, што ў мужчыны канфіскавалі частку тавараў. Па іх словах, разглядаецца пытанне пра завядзенне супраць яго крымінальнай справы.

Крыніца: Наша Ніва


❗️ГУБАЗіК затрымаў маці спявачкі Рыты Дакоты

Праўладныя тэлеграм-каналы пішуць, што яна была «ўдзельніцай масавых беспарадкаў, падтрымлівала нацысцкі ўкраінскі рэжым, займалася кібербулінгам».

Рыта Дакота — вядомая расійска-беларуская спявачка. У 2020 годзе падтрымала пратэсты і выпусціла песню «Уходи», якую адрасавала Лукашэнку.

Хроніка палітычнага пераследу 👉 bit.ly/3SMZ9Cw

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведам
іць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna


МУС забараніў уезд у Беларусь карэспандэнтцы тэлеканала «Дождж» Марыі Барзуновай

«Беларусь люблю, заўсёды ў маім сэрцы, а ўсё гэтае дзярмо не вечна», — цытуе яе словы @euroradio.

Марыя ў 2020 асвятляла беларускія пратэсты, а таксама выпусціла фільм «Страна в изгнании» пра тых беларусаў, якія з'ехалі з-за палітычнага пераследу.


Два гады «хатняй хіміі» — за рэпост фотаздымка Кім Чэн Ына з вусамі, у якім пракурорка ўбачыла Лукашэнку

Сёння ў Баранавіцкім РАУС адбыўся выязны суд над 30-гадовым Аляксандрам Марушкевічам. Яго прызналі вінаватым паводле ч. 1 арт. 368 КК («Абраза Лукашэнкі») і асудзілі да двух гадоў «хатняй хіміі». Справу разглядаў суддзя Мікалай Кміта.

Абвінавачанне палягала ў тым, што ў 2020 годзе Марушкевіч размясціў у сябе ў сторыз у Instagram выяву лідара КНДР Кім Чэн Ына з вусамі і подпісам «Кон Чен Ый». Намесніца Баранавіцкага міжраённага пракурора, раднік юстыцыі Іна Данільчык вырашыла, што Кім Чэн Ын з вусамі — гэта Аляксандр Лукашэнка. Марушкевіча выклікалі ў міліцыю ўжо ў 2022 годзе, дзе ў архіве сторыз знайшлі гэты фотаздымак.

Марушкевіч прызнаў віну цалкам. Вядома, што ў яго трое малалетніх дзяцей (6 і 4 гадоў, а таксама 8-месячнае малое). Таксама вядома, што на суд прывезлі «хатніх хімікаў» Баранавічаў, каб зладзіць «публічнае пакаранне» і такім чынам, верагодна, прадухіліць далейшыя абразы Лукашэнкі.


Былога камандзіра МНС асудзілі да 1,5 гадоў калоніі за лайк пад каментаром

12 жніўня палітзняволенаму Аляксандру Курганскаму прысудзілі 1,5 года пазбаўлення волі ў калоніі агульнага рэжыму. Згодна з рашэннем суддзі Гродзенскага абласнога суда Аляксандра Козела, ён таксама мусіць выплаціць 50 базавых велічынь штрафа (1600 рублёў).

Вядома, што дзяржабвінаваўца прасіў пакараць палітзняволенага чатырма гадамі пазбаўлення волі ў калоніі агульнага рэжыму.

Падставай для затрымання Аляксандра стаў лайк, які мужчына паставіў на каментар іншага чалавека ў запісе пра абмеркаванне перастрэлкі паміж айцішнікам Зельцарам і супрацоўнікам КДБ Федасюком. Вядома, што Курганскі больш за 15 гадоў прапрацаваў у МНС. Перад затрыманнем быў камандзірам аддзялення ў частцы № 7 у Гродне. Пасля затрымання яго звольнілі і абавязалі выплаціць сем тысяч рублёў па кантракце.

Чытаць па спасылцы


Праваабаронцам стала вядома пра затрыманне 27-гадовага Вячаслава Мішуры

Хлопца затрымалі 20 ліпеня супрацоўнікі ГУБАЗіК. Праз некалькі дзён яму прызначылі 13 сутак арышту за дробнае хуліганства (арт. 19.1 КаАП).

Пазней супраць Вячаслава распачалі крымінальную справу паводле арт. 342 КК («актыўны удзел у групавых дзеяннях, якія груба парушаюць грамадскі парадак»). Ён знаходзіцца за кратамі.


😔«Непражытае жыццё»: Марфа Рабкова страціла тату і не змагла нават з ім развітацца

Большая частка жыцця Марфы прайшла ў бацькоўскай хаце ў Добрушы. Праваабаронца часта прыязджала да бацькоў з Мінску і кожны раз старалась дапамагчы ім. Марфа з трапятаннем успамінае моманты, якія яна праводзіла з татам, дзяўчына марыла пасадзіць ябланевы сад разам з ім. Бацька Марфы памер, пакуль праваабаронца ўтрымліваецца за кратамі. На развітанне з ім Марфу не адпусцілі

Гэта толькі адзін са скрадзеных ў зняволенні момантаў, пра якія будзе распавядаць праект «Непражытае жыццё». Запрашаем родных і сяброў палітвязняў прыняць удзел у ім.

💌 Падтрымаць Марфу:
- СІЗА-1. 220030, Мінск, Валадарскага, 2, Марыі Аляксандраўне Рабковай
📮Напісаць анлайн 👉 bit.ly/3PIOcjz
⁉️Як падтрымаць зняволеных праваабаронцаў «Вясны»
💳Падтрымаць «Вясну» на Patreon


Репост из: Вясна: Палітвязні Беларусі
📍Палітвязню Анатолю Латушку дадалі новы артыкул. Справа ўжо ў пракуратуры

Па інфармацыі праваабаронцаў, Анатолю Латушку канчаткова прад’явілі абвінавачванне па ч. 2 арт. 339 КК (Хуліганства), арт. 370 КК (Абраза дзяржаўных сімвалаў) і ч. 1 арт. 342 КК (Удзел у дзеяннях, якія груба парушаюць грамадскі парадак).

З Алены Маліноўскай, якая праходзіць па гэтай справе, знялі абвінавачванне паводле арт. 203-1 (Распаўсюд асабістай інфармацыі ва ўлётках). Цяпер ёй ставяць у віну ч. 2 арт. 339 КК і арт. 370 КК. Лілію Ананян вінавацяць па ч. 2 арт. 339 КК.

Крымінальную справу ўжо перадалі ў пракуратуру. Хутка над імі адбудзецца суд.

Нагадаем, ноччу 31 студзеня сілавікі затрымалі палітязняў за тое, што яны малявалі па трафарэце на паштовых скрынях у пад'ездах жылога дома герб «Пагоня».

💌Падтрымайце палітзняволеных:
- Следчая турма №8, 222163, г. Жодзіна, вул. Савецкая, 22А (Лілія Лернікаўна Ананян)
- СІЗА-1, 220030, г. Мінск, вул. Валадарскага, 2, (Алена Віктараўна Маліноўская, Анатоль Віктаравіч Латушка)


Пракуратура распачала крымінальныя справы за распаўсюд персанальных дадзеных турэмшчыкаў, пракурора і суддзі па «справе Аўтуховіча»

Зліў дадзеных знайшлі супрацоўнікі ўласнай бяспекі пракуратуры падчас «маніторынгу інфармацыі ў Інтэрнэце».

Па інфармацыі ведамства, карыстальнікі «дэструктыўных» тэлеграм-каналаў распаўсюдзілі звесткі аб прыватным жыцці і персанальныя дадзеныя намесніка начальніка аддзела пракуратуры Гродзенскай вобласці, памочніка пракурора Савецкага раёна Мінска, супрацоўнікаў праваахоўных органаў і папраўчай установы «Турма № 1», суддзі Гродзенскага абласнога суда і іх блізкіх сваякоў у сувязі з разглядам крымінальнай справы Мікалая Аўтуховіча.

Паведамляецца, што «пад названымі інфармацыямі іншыя карыстальнікі пакінулі каментарыі абразлівага характару».

Пракуратура распачала крымінальныя справы па артыкуле за абразу службовай асобы, а таксама за незаконныя дзеянні ў адносінах да інфармацыі аб прыватным жыцці.


Репост из: Вясна: Палітвязні Беларусі
«Iм мяне больш няма чым палохаць, бо турмы я ўжо не баюся», — праваабаронца Валянцін Стэфановіч з-за кратаў

Палітзняволены намеснік старшыні "Вясны" Валянцін Стэфановіч даслаў ліст на волю, у якім падзяліўся сваімі думкамі наконт турмы і праваабрончай дзейнасці:

"Турма зацягвае, чалавек да ўсяго прызвычайваецца, яна ўжо не палохае цябе. Вось і я ўжо не баюсь, бо я ўжо ў турме. Менавіта таму я нікуды не паеду адсюль. Я застануся тут, бо калі з'еду ўжо ніколі сюды не вярнуся. А ім мяне больш няма чым палохаць, бо турмы я ўжо не баюся. Такое вось маё рашэнне.

Хто казаў, што праваабарона гэта прыемная праца, паездкі, сустрэчы з цікавымі людьмі і г.д.? Не, яна бывае і вось такой - бясконцае сядзенне ў турме, без надзеяў і без вызваленняў".

💌Вы можаце падтрымаць Валянціна лістамі салідарнасці, грашовымі пераводамі, пасылкамі ці бандэролькамі: СІЗА-1, 220030, Мінск, вул. Валадарскага, 2
Валянціну Канстанцінавічу Стэфановічу,
💻 Напісаць анлайн 👉 bit.ly/3jwJMLn

💳 Падтрымаць «Вясну» на Patreon


Палітвязню з Віцебска запрасілі 4,5 гады калоніі за актыўнасць у інтэрнэце

У Віцебскім абласным судзе тры дні адбываецца суд над 28-гадовым Мікітам Палеонкам. Яго судзяць адразу па чатырох артыкулах Крымінальнага кодэкса: арт. 368 (абраза Лукашэнкі), арт. 369 (прадстаўнікоў улады), ч. 3 арт. 361-1 (стварэнне экстрэмісцкага фарміравання альбо ўдзел у іх), арт. 130 (распальванне іншай сацыяльнай варожасці).

Вядома, што да затрымання Мікіта працаваў кіроўцам, жанаты, выхоўвае двух непаўналетніх дзяцей. У чэрвені родныя палітвязня паведамлялі, што Мікіту ў віцебскім СІЗА блакуюць ліставанне і перадаюць лісты толькі ад сваякоў.

12 жніўня пракурор запрасіў яму чатыры з паловай гады калоніі. Прысуд будзе вынесены ў панядзелак.

Падрабязнасці (з Беларусі — праз VPN) 👉 bit.ly/3bRPUQQ

💌Падтрымайце палітвязня: СІЗА-2, 210026, Віцебск, Гагарына, 2, Мікіта Юр'евіч Палеонак
📮Напісаць анлайн 👉 bit.ly/3PIOcjz


Працягваюцца затрыманні родных «каліноўцаў»

Праўладныя тэлеграм-каналы паведамляюць пра затрыманне жыхара Бабруйска Сяргея Франчука. На «пакаяльным відэа» ён «прызнаецца» ва ўдзеле ў акцыях пратэсту пасля выбараў, а таксама ў тым, што пісаў негатыўныя каментары пра супрацоўнікаў міліцыі.

На відэа ён кажа, што з'яўляецца стрыечным братам намесніка камандзіра ў Палку Каліноўскага Вадзіма Кабанчука.

Папярэдне, Франчуку прызначылі 15 сутак арышту за «непадпарадкаванне».

Ёсць інфармацыя, што падчас затрымання Сяргея моцна збілі — на «пакаяльным відэа» ён стаіць з залепленым ілбом.

Раней паведамлялася, што былі затрыманыя родныя загінулага байца Палка імя Кастуся Каліноўскага Васіля Парфянкова.

🔹«Мама Васіля казала, што гатовая адседзець, але за справу, а не за гэта…». Як судзілі сваячак нядаўна загінулага ва Украіне «каліноўца» Васіля Парфянкова


Репост из: Вясна: Палітвязні Беларусі
❗️Палітзняволеная Старшыня АГП Аксана Аляксеева за кратамі хварэе на кавід

Старшыня Мінскай гарадской арганізацыі АГП Аксана Аляксеева была затрыманая разам з іншымі лідарамі партыі 27 ліпеня 2022 года. Вядома, што падчас ператрусу сілавікі выбілі дзверы ў яе кватэру. Жанчыне пакуль не прад’явілі абвінавачванні, але яна праходзіць падазраванай па ч. 1 арт. 342 КК (Удзел у дзеяннях, якія груба парушаюць грамадскі парадак).

Вядома, што на Акрэсціна Аксана захварэла на каранавірус і цяпер яе ўтрымліваюць у «кавідным аддзяленні» ІЧУ. Праз гэта яе не пераводзяць на «Валадарку». Пры гэтым перадачы для яе не прымаюць.

💌Падтрымайце Аксану лістамі салідарнасці: Ізалятар часовага ўтрымання ГУУС Мінгарвыканкама. 220089, г. Мінск, зав 1-й Акрэсціна, 36, Аксана Аляксеева


❗️Краязнаўцу і журналіста Ігара Хмару затрымалі за размову на беларускай мове на вуліцы

Пра гэта стала вядома ад чалавека, які знаходзіўся з Ігарам на Акрэсціна. Адзначым, што гэта не адзінкавы выпадак — акрамя Ігара, на Акрэсціна таксама былі людзі, якіх затрымлівалі з-за размоваў па-беларуску на вуліцы.

Нагадаем, Хмара быў затрыманы ўвечары 2 жніўня пасля шпацыру па Мінску. Паводле папярэдняй інфармацыі, Ігара пасадзілі ў сіні бус двое супрацоўнікаў міліцыі.


Экс-палітвязня Ігара Банцэра арыштавалі на 15 сутак

Пра гэта паведамляе «Радыё Свабода» са спасылкай на музыку Фёдара Жывалеўскага, які сядзеў на Акрэсціна разам з Банцэрам.

Ці выпусцяць рок-музыканта праз 15 дзён, пакуль няясна.

«Ведаю, што яму 18 адміністрацыйных артыкулаў павесілі і прывезлі з Горадні», — расказвае Жывалеўскі.

Што стала прычынай для гэтага, таксама невядома.

«Ён мне расказаў, што хоча жыць тут і жыць нармальна, але яму ясна даюць зразумець, каб ён з'ехаў. Ён не жадае нікуды ехаць... Мне падалося, што ён ужо без надзеі на тое, што нешта зменіцца... Расказаў, што ягоная мара — займацца музыкай», — успамінае размовы з Банцэрам сукамернік.

Показано 20 последних публикаций.