Вясна / Правы чалавека ў Беларусі

@viasna96

Гео и язык канала: Беларусь, Белорусский

Категория: Политика

Тэлеграм-канал Праваабарончага цэнтру «Вясна». Актуальныя навіны ў галіне правоў чалавека ў Беларусі.
Пра затрыманні пісаць на @viasna_bot, для кансультацый - @ViasnaSOS.
Сувязь з інфармацыйнай службай: @Viasnainfo
Юрыдычная служба: @zvarot96

Связанные каналы | Похожие каналы

Гео и язык канала

Беларусь, Белорусский

Категория

Политика

Статистика

Избранное

Фильтр публикаций

Скрывать удаленные

Скрывать репосты

Вясна / Правы чалавека ў Беларусі

21 Nov, 12:00

📊178 «выйшлі», 223 «зайшлі». Ці зменшылася колькасць палітвязняў у Беларусі за шэсць хваляў памілавання

З трэцяга ліпеня ў Беларусі адбыліся шэсць хваляў памілавання палітзняволеных — агулам было вызвалена 178 чалавек. Апошняя на сёння частка памілаваных, паводле праўладных крыніц, выйшла на волю 20 лістапада.

За гэты час праваабарончая супольнасць Беларусі прыняла 24 заявы аб наданні новым фігурантам крымінальных палітычных спраў статуса палітвязень — з трэцяга ліпеня па 20 лістапада такі статус атрымалі 223 чалавекі. Гэта людзі з усёй Беларусі, рознага ўросту і сацыяльнага статуса, якія абвінавачваюцца па шэрагу палітычных артыкулаў.

Такім чынам, з ліпеня на волю па памілаванні выйшлі 178 палітвязняў, а 223 іншых чалавекі атрымалі статус палітычнага зняволенага.

663 1 18 10

Вясна / Правы чалавека ў Беларусі

21 Nov, 11:10

«Каліноўца» Верамейчыка даставілі ў Беларусь увечары 14 лістапада пад канвоем з 3-х чалавек

Паводле інфармацыі motolko.help, затрыманага ў В’етнаме экс-байца палка Каліноўскага Васіля Верамейчыка, даставілі ў Беларусь на рэйсе а/к Белавія (B2978) з Масквы ўвечары 14 лістапада. Гэты самалёт прызямліўся ў Нацыянальным аэрапорце «Мінск» у 23:48. У Беларусь Верамейчыка даставілі пад канвоем, які складаўся з 3-х чалавек.

Таксама вядома, што відэа з Верамейчыкам, якое апублікавалі прапагандысты, чакана, з’яўляецца пастановачным — яно знята ў іншым самалёце і ў іншы час.

🔗Хроніка палітычнага пераследу

849 0 5 41

Вясна / Правы чалавека ў Беларусі

21 Nov, 10:42

🤡Прапагандысты сцвярджаюць, што за кандыдата Лукашэнку сабралі ўжо 1,5 мільёна подпісаў

Збор подпісаў будзе працягвацца яшчэ 2 тыдні — да 6 снежня.

1.2k 0 11 62

Вясна / Правы чалавека ў Беларусі

21 Nov, 10:15

Офіс Ціханоўскай пракаментаваў выдачу «каліноўца» Васіля Верамейчыка Беларусі

«Офіс Святланы Ціханоўскай выказвае рашучы пратэст у сувязі з экстрадыцыяй грамадзяніна Беларусі Васіля Веремейчыка з В'етнама. Гэты крок з'яўляецца часткай працяглай рэпрэсіўнай палітыкі рэжыму Лукашэнкі, які не спыняецца перад нічым, каб пераследаваць сваіх апанентаў, у тым ліку тых, хто змагаецца за свабоду і дэмакратыю, а таксама тых, хто абараняе Еўропу ад агрэсіі Расіі

Заклікаем міжнародную супольнасць:

• Змяніць падыходы да разгляду спраў аб прадастаўленні міжнароднай абароны, надаючы асаблівую ўвагу індывідуальнаму аналізу абставінаў кожнага асобнага выпадку.
• Разарваць супрацоўніцтва з сілавымі структурамі Рэспублікі Беларусь, якія ўдзельнічаюць у рэпрэсіях супраць грамадзян.
• Прыпыніць двухбаковую дамову аб экстрадыцыі і прававой дапамозе з Рэспублікай Беларусь, каб перашкодзіць экстрадыцыі палітычных зняволеных і актывістаў, якія пераследуюцца рэжымам Лукашэнкі».

Крыніца: @tsikhanouskaya

1.2k 0 6 40

Вясна / Правы чалавека ў Беларусі

21 Nov, 10:00

Прапагандысты распавялі пра яшчэ аднаго «каліноўца», які знаходзіцца за кратамі ў Беларусі

Гэта Максім Ралько, які да нядаўняга часу пражываў у Польшчы.

Калі і як ён трапіў у Беларусь — невядома.

1.3k 1 24 51

Вясна / Правы чалавека ў Беларусі

21 Nov, 09:45

З'явіўся спіс афіцэраў, якіх Лукашэнка пазбавіў званняў за падтрымку народу ў 2020 годзе

Адпаведны ўказ быў падпісаны ў панядзелак.

• Ёдка Алег Іванавіч, падпалкоўнік юстыцыі запасу;
• Рэкець Андрэй Юр'евіч, маёр запасу;
• Станкевіч Антон Станіслававіч, маёр запасу;
• Уласавец Іна Сяргееўна, маёр запасу;
• Яроменка Раман Віктаравіч, капітан запасу;
• Кавалераў Павел Леанідавіч, капітан запасу;
• Матусевіч Юлія Уладзіміраўна, капітан запасу;
• Мацкевіч Яўген Мікалаевіч, капітан запасу;
• Чарнаброўкін Дзмітрый Канстанцінавіч, капітан запасу;
• Асадулаеў Руслан Магамедхабібавіч, старшы лейтэнант запасу;
• Захараў Ягор Міхайлавіч, старшы лейтэнант запасу;
• Дашчынскі Аляксандр Тадэвушавіч, старшы прапаршчык запасу;
• Страшкевіч Іван Пятровіч, прапаршчык запасу;
• Барадзін Сяргей Аляксандравіч, старшына запасу;
• Сандалюк Сяргей Васільевіч, палкоўнік унутранай службы запасу;
• Майсейчык Генадзь Мікалаевіч, падпалкоўнік міліцыі запасу;
• Залеўскі Міхаіл Леанідавіч, маёр міліцыі запасу;
• Марцінкевіч Уладзімір Мікалаевіч, маёр міліцыі запасу;
• Ільін Аляксандр Аляксандравіч, старшы лейтэнант міліцыі запасу;
• Зінін Павел Валер'евіч, капітан юстыцыі запасу;
• Шыбут Антон Паўлавіч, старшы лейтэнант юстыцыі запасу.

Вясна / Правы чалавека ў Беларусі

Лукашэнка падпісаў указ аб пазбаўленні воінскіх і спецыяльных званняў Пра гэта паведамляе ягоная прэс-служба. «У перыяд абвастрэння грамадска-палітычнага становішча ў 2020 годзе яны здзейснілі супрацьпраўныя дзеянні, якія несумяшчальныя са статусам вайскоўца. У сувязі з гэтым кіраўнікі сілавых вед...

1.4k 0 10 31

Вясна / Правы чалавека ў Беларусі

21 Nov, 09:31

Каардынацыйная рада пракаментавала выдачу Беларусі В'етнамам «каліноўца» Васіля Верамейчыка

Мужчына з'яўляўся сябрам Каардынацыйнай рады.

«Мы заклікаем усіх беларусаў, якія працягваюць барацьбу з рэжымам, быць надзвычай асцярожнымі і ўважліва выбіраць краіны для знаходжання. Некаторыя дзяржавы могуць не забяспечваць належнага ўзроўню бяспекі і быць уразлівымі для аперацый спецслужбаў Лукашэнкі».

1.3k 0 5 52

Вясна / Правы чалавека ў Беларусі

20 Nov, 21:49

В'етнам выдаў Беларусі «каліноўца» Васіля Верамейчыка, затрыманага ў гэтай азіяцкай краіне

Пра гэта паведамляе @nashaniva са спасылкай на прапагандыстаў.

Паведамляецца, што мужчына апынуўся ў Азіі, бо Літва прызнала яго пагрозай нацыянальнай бяспецы і забараніла ўезд у Еўрасаюз.

2.7k 3 99 190

Вясна / Правы чалавека ў Беларусі

20 Nov, 18:31

🎧Выйшла аўдыёкніга «Ад двух да пятнаццаці. Мая мама ў турме»

У кнізе прыведзены сабраныя падчас практыкі ўспаміны дзяцей аб рэпрэсіях, якія закранулі іх сям’ю, а таксама сны, мары і казкі, якія яны напісалі, каб перажыць траўму. Як кажа сама аўтарка Вольга Вялічка, мэтай было «паказаць свет, якім яго бачаць дзеці, прычым дзеці, якія вельмі рана мусілі зразумець, што гэты свет несправядлівы».

Іх досвед параўноўваецца з гісторыямі жанчын і дзяцей, рэпрэсаваных ў савецкі час: у асобным раздзеле змешчаны ўспаміны сведкаў пра жаночы лагер АЛЖЫР. Таксама прыведзены рэкамендацыі аўтаркі, як і з якой мэтай выбудоўваць камунікацыю з дзецьмі на палітычныя тэмы.

Агучыла кнігу Крысціна Дробыш.

🔹Пачытаць падрабязнасці і даведацца, дзе бясплатна паслухаць кнігу, можна па спасылцы

2.6k 2 7 48

Вясна / Правы чалавека ў Беларусі

20 Nov, 18:01

«Экстрэмісцкім» прызнаны Telegram-канал «Мозырь обстановка помощь на дорогах»

Адпаведнае рашэнне прынятае судом Мазырскага раёну 16 лістапада. На гэтым канале публікуюцца звесткі аб сітуацыі на дарогах Мазыра, а таксама аб пастах ДАІ. У мінулым сакавіку ў суполцы віншавалі падпісантаў з Днём міліцыі.

Таксама ў Спіс экстрэмісцкіх матэрыялаў дадалі Telegram-канал «Deutsches Freiwilligen Korps/Нiмецький добровольчий корпус», Instagram-старонку «eyge.go», старонкі ў Facebook i Instagram «Alex Pazniak», а таксама TikTok-старонкі «Усё пра Гродна», «reformbynews», «Myazha_info».

2.5k 0 6 46

Вясна / Правы чалавека ў Беларусі

20 Nov, 17:45

❗️У Беларусі +13 новых палітвязняў

Гэта Станіслаў Таспаеў, Уладзімір Парашкоў, Генадзь Горбач, Іна Пальцава, Сяргей Крывуць, Андрэй Астапенка, Андрэй Савіцкі, Артур Канапацкі, Артур Малчан, Аляксандр Акакіеў, Яўген Катляроў, Дзмітрый Суўханаў, Дзмітрый Альховік.

Хто гэтыя людзі і чаму праваабаронцы лічаць іх справы палітычна матываванымі 👉 spring96.org/be/news/116728

Спіс усіх палітвязняў Беларусі 👉 prisoners.spring96.org

2.6k 4 27 50

Вясна / Правы чалавека ў Беларусі

20 Nov, 17:20

У Мінску адбудзецца другі суд па справе «Кадравага рэзерву для новай Беларусі»

Мінскі гарадскі суд 5 снежня распачне разглядаць справу Аляксандра Куксы. Яго затрымалі ў лютым гэтага года пачдас рэйду па справе «Кадравага рэзерву для новай Беларусі». 26 лютага з ім апублікавалі «пакаяльнае відэа».

Цяпер яго абвінавачваюць паводле ч. 1 арт. 361-4 Крымінальнага кодэкса (садзейнічанне экстрэмісцкай дзейнасці) і ч. 1 арт. 342 КК (актыўны ўдзел у дзеяннях, якія груба парушаюць грамадскі парадак). Справу будзе разглядаць Жанна Брысіна.

Нагадаем, 14 лютага Следчы камітэт распачаў крымінальную справу супраць прадстаўнікоў і ўдзельнікаў ініцыятывы «Кадравы рэзерв для Новай Беларусі», абвешчанай Аб'яднаным пераходным Кабінетам.

У жніўні па гэтай справе асудзілі супрацоўніка райвыканкаму Аляксеея Кісялёва.

2.4k 3 11 46

Вясна / Правы чалавека ў Беларусі

20 Nov, 16:45

За данаты будуць судзіць IT-спецыяліста — яго затрымалі па вяртанні з Літвы

5 снежня Мінскі гарадскі суд пачне разгляд справы ў дачыненні да Чэслава Герасімовіча. Справу прызначана разглядаць суддзя Святлана Макарэвіч. Чэславу інкрымінавана ч. 1 і ч. 2 арт. 361-2 КК (фінансаванне экстрэмісцкай дзейнасці).

«Пакаяльнае відэа» з Чэславым з'явілася 2 жніўня — на ім мужчына «прызнаецца» ў тым, што быў падпісаны на «экстрэмісцкія каналы», чатыры разы фінансаваў «экстрэмісцкія фармаванні», а таксама нібыта прайшоў рэгістрацыю ў чат-боце плана «Перамога».

Паведамлялася, што Герасімовіч працуе ў IT-сферы і перад затрыманнем вярнуўся ў Беларусь з Вільні.

2.5k 3 18 59

Вясна / Правы чалавека ў Беларусі

20 Nov, 16:34

⚡️Памілаваны яшчэ 32 палітвязні

Пра гэта паведамляюць праўладныя тэлеграм-каналы.

Сярод іх 8 жанчын і 24 мужчыны. 17 чалавек маюць хранічныя захворванні, адзін мае інваліднасць, у 17 асуджаных ёсць дзеці, з іх двое — шматдзетныя, 9 памілаваных — старэйшыя за 50 гадоў.

Паведамляйце праваабаронцам пра вызваленых палітвязняў на @Viasnainfo

2.6k 3 34 60

Вясна / Правы чалавека ў Беларусі

20 Nov, 16:15

Суд па справе аб атацы дрона на базу АМАПа ў Мінску пачнецца 9 снежня

Справу ў Мінскім гарадскім судзе будзе разглядаць суддзя Міхаіл Макарэвіч. Абвінавачаныя — Віталь Пацехін і Павел Кулажэнка, якія знаходзяцца за мяжой.

Ім інкрымінаваны шэраг артыкулаў: ч. 1 і ч. 2 арт. 290-4 КК (Стварэнне арганізацыі для ажыццяўлення тэрарыстычнай дзейнасці або ўдзел у ёй), ч. 1 арт. 357 КК (Змова ці іншыя дзеянні, учыненыя з мэтай захопу дзяржаўнай улады), ч. 2 арт. 295-3 КК (Незаконныя дзеянні ў адносінах да прадметаў, паражаючае дзеянне якіх заснавана на выкарыстанні гаручых рэчываў), ч. 3 арт. 289 КК (Акт терарызму), ч. 1 і ч. 2 арт. 290-5 КК (Арганізацыя дзейнасці тэрарыстычнай арганізацыі і ўдзел у дзейнасці такой арганізацыі), ч. 1 і ч. 2 арт. 361-4 КК (Садзейнічанне экстрэмісцкай дзейнасці).

Следствам накладзены арышт на маёмасць фігурантаў справы агульным коштам каля 240 тысяч рублёў.

2.4k 0 3 40

Вясна / Правы чалавека ў Беларусі

20 Nov, 15:45

У Мінску судзяць бацьку чатырох дзяцей

У Мінскім гарадскім судзе 20 лістапада распачаўся суд над 35-гадовым Паўлам Шорахавым. Яго абвінавачваюць паводле ч. 1 арт. 130 Крымінальнага кодэкса (распальванне іншай сацыяльнай варожасці). Верагодна, справа тычыцца каментароў у тэлеграм-чаце.

18 сакавіка гэтага года КДБ яго назваў датычным да тэлеграм-чата «Здравый смысл на Алибегова», калі прызналі яго «экстрэмісцкім фармаваннем». Меркавана, мужчыну затрымалі ў лютым 2024 года.

Вядома, што ў мужчыны чацвёра дзяцей. Павел утрымліваецца ў СІЗА.

Справу разглядае Сяргей Кацар.

2.5k 6 10 57

Вясна / Правы чалавека ў Беларусі

20 Nov, 15:00

💔«Гэты альбом крычыць за тых, хто пакуль (ці ўжо) пазбаўлены права выказацца»

Праваабарончы цэнтр «Вясна» з творчымі дзеячамі прэзентавалі музычны альбом пра палітзняволеных Беларусі — «Пазначаныя жоўтым». Над яго стварэннем працавалі паэты, акторы, музыкі, праваабаронцы і былыя палітзняволеныя. Альбом складаецца з шасці трэкаў, якія адлюстроўваюць шлях палітвязня ад затрымання да вызвалення.

Важнасць гэтага альбома ў кантэксце дакументалістыкі адзначае праваабаронца «Вясны» Дзіяна Пінчук:

«Мы разумеем, як цяжка жыць у парадку рэпрэсій ужо больш за чатыры гады. І цяпер зноўку прапаноўваем — цяпер ужо праз музыку, а не праз інтэрв'ю — перажываць эмоцыі рэпрэсаваных людзей, пачуць знаёмы для многіх грукат у дзверы, бразгат кайданкоў, забытыя крыкі натоўпаў перад сілавікамі, адчуць нямы страх перад агалошваннем прысуду... Казаць і ведаць пра гэта трэба, пакуль у Беларусі пераследуюць людзей паводле палітычных матываў».

🎧Слухаць на YouTube | Soundcloud

2.3k 0 5 37

Показано 20 последних публикаций.

9 848

подписчиков

Статистика канала

Язык сайта

Товары из Китая оптом

ШАГ | поступай в Университет

Есть интересный контент?

Вясна / Правы чалавека ў Беларусі

Гео и язык канала

Категория

9 848

Популярное в канале