daroha

@daroha_belarus

Гео и язык канала: Беларусь, Белорусский

Категория: Политика

свабода

Связанные каналы

Гео и язык канала

Беларусь, Белорусский

Категория

Политика

Статистика

Избранное

Фильтр публикаций

Скрывать удаленные

Скрывать репосты

daroha

22 Mar, 21:42

ну што ж, пакуль увесь байнэт зьнерухомеў, назіраючы за эпахальным аўкцыёнам з гадзіньнікам Франака Вячоркі, самы час задацца ня менш эпахальным пытаньнем:

Франак ці Грыша?

Адказ - у чарговым ачмурэнным выпуску ачмурэннага праекту "Хрусь і папалам".

==

Прага альбо Масква - дзе лепш? Мудрасьць ад Францыска Скарыны | ХРУСЬ І ПАПАЛАМ

З чаго раптам беларусы лічаць, што Францыск Скарына — менавіта беларускі першадрукар? Ён жа сам пісаў: «Біблія РУСКАЯ»! І наагул, здаецца, езьдзіў у Расею! Пасьля важнага візыту ў сталоўку Нацыянальнай бібліятэкі ў Менску Сяргей Мікалаевіч задаўся безь перабольшаньня геапалітычнымі пытаньнямі. Аднак, відаць, штосьці ня тое зьеў, таму ў галаву пракраліся і крамольныя пытаньнечкі: дык а чаго ж тады той Скарына — ня ісьцінна рускі Грыгорый, а нейкі падазрона лацінскі Францыск? І чаго ён у тую Прагу папёрся? Па інструкцыі НАТА, ці што?! Карацей, самы час тэлефанаваць Валеру Руселіку (блогеру daroha). Безь яго аніяк не разабрацца!

https://www.youtube.com/watch?v=_Dxp-ArSERo

29 0 0

daroha

18 Mar, 22:19

выбачайце, сябры, за спазьненьне. апошні тыдзень жорстка хварэў, цалкам не акрыяў дагэтуль. таму са спазьненьнем, але зь ня меншым гонарам хачу вам прапанаваць чарговы выпуск праекту "хрусь і папалам", які мы робім з сапраўднай камандай мары!

паехалі!

==

Ці быў Наваградак сталіцай ВКЛ? Галоўная загадка места | ХРУСЬ І ПАПАЛАМ

🥊 А вы ведалі, што сталіца Літвы знаходзіцца ў Беларусі? Стоп-стоп-стоп, як гэта?! Вось і Сяргей Мікалаевіч ламае галаву над гэтым - насамрэч вельмі простым - пытаньнем. Ну а калі чагосьці ня ведаеш - тэлефануй Валеру Руселіку! Што-што, а гэты лайфхак наш небарака-чыноўнік ужо вывучыў на выдатна. Ну што ж, паслухаем і мы?

https://www.youtube.com/watch?v=Ov82xl8mEyk

48 0 0

daroha

9 Mar, 13:03

вясна ўпэўнена ўбіраецца ў моц, а таму самы час - на падарожжы!

паехалі!

***
Калыска беларускай дзяржаўнасьці: топ-10 фактаў пра Полацак | ХРУСЬ І ПАПАЛАМ

Глязураваныя сыркі і трубы заводаў — няўжо ж старажытны Полацак больш анічым ня здольны зьдзівіць і ўразіць сёньня? Ці сапраўды першая сталіца беларусаў, куды калісьці людзі імкнуліся літаральна з усяго сьвету — ад вікінгаў да езуітаў — сёньня ператварылася ў шэры постсавецкі мядзьвежы кут? Начная размова Сяргея Мікалаевіча і Валеры Руселіка пралівае сьвятло на гэтыя няпростыя пытаньні й выхоплівае зь цемры невуцтва (хто б мог падумаць!) брэнды ўсясьветнага маштабу!

https://www.youtube.com/watch?v=QwMZYcdMtMg

68 0 0

daroha

3 Mar, 17:16

добра, усе занятыя геапалітыкай, але ў мяне да вас пытаньне ў лоб: вось вы ў курсе, што савецкія партызаны таксама выкарыстоўвалі лёзунг "жыве Беларусь!"?

вось-вось. карацей, хто нейкім цудам яшчэ ня бачыў чарговы выпуск "хрусь і папалам" - самы час выправіць гэтую недарэчнасьць!

***

Сапраўдны бацька беларусаў ці экстрэміст? Хто такі Янка Купала насамрэч | ХРУСЬ І ПАПАЛАМ

Чалавек, які прысьвяціў сваё жыцьцё Беларусі і якога сапраўды можна сьмела назваць сапраўдным бацькам беларусаў - хто гэта? Валера Руселік расстаўляе кропкі ў яскравай, багатай і часам нават супярэчлівай біяграфіі чалавека, якога ведае літаральна кожны беларус! Сяргей Мікалаевіч нэрвова выцірае зь ілба пот...

https://www.youtube.com/watch?v=uphKJRRvvrg

72 0 0

daroha

24 Feb, 16:52

сябры й сяброўкі, хачу падзяліцца з вамі відэа, зь якім я перамог у дэкляматарскім спаборы да дня роднай мовы, арганізаваным фундацыяй "tutaka" (беласток, 2025.ІІ.21) - катэгорыя "мастацкае відэа":

https://www.youtube.com/watch?v=5ipjy20kTvU

другі год удзельнічаю ў спаборы (штораз з уласным вершам) і другі год перамагаю - думаю, я магу крыху пазадзіраць нос?

74 0 0

daroha

23 Feb, 19:01

ну ўсё, я вярнуўся з балтыкі - самы час узяцца за нацыянальныя стэрэатыпы!

***

Ці была б Беларусь, каб не жанчыны? | ХРУСЬ І ПАПАЛАМ

Замшэлыя стэрэатыпы, на жаль, атачаюць нас літаральна паўсюль. Сярод іх багата ну зусім абсурдных. Да прыкладу, нібыта Беларусьсю ня можа кіраваць жанчына! Маўляў, яе месца - на кухні, а таксама ля калыскі зь дзіцём. Цікава, ці паўтарае гэткія бздуры Сяргей Мікалаевіч, скажам, сваёй роднай маме? У чарговым выпуску «Хрусь і папалам» Валера Руселік з пачуцьцём глыбокай удзячнасьці й павагі да жанчын распавядае пра іх неацэнны й вельмі важны ўнёсак жанчын у раьзвіцьцё нашай краіны.

https://www.youtube.com/watch?v=CtdqAxHgJzY&t

70 0 0

daroha

15 Feb, 22:14

ну што, шаноўныя, дадамо крыху нотаў у нашае беларускае жыцьцё?

***

Музычная спадчына беларусаў - які музычны інструмэнт самы беларускі? | ХРУСЬ І ПАПАЛАМ

Бадай, кожны народ можа пахваліцца ўласным народным інструмэнтам. А беларусы - дык і наагул адразу некалькімі! Штосьці ў іншых народаў запазычылі, а штосьці - і самыя сьвету падарылі. Пакуль Сяргей Мікалаевіч трынькае на гітары «Подмосковные вечера», Валера Руселік распавядае пра сапраўдныя беларускія музычныя інструмэнты.

https://www.youtube.com/watch?v=TBJNykgSvAE&t

75 0 0

daroha

8 Feb, 17:17

ну што, самы час сустрэцца зь Сяргеем Мікалаевічам, праўда?

ну дык паехалі!

***

Чаму беларусы не "бульбашы"? І ці можа беларус выжыць бяз бульбы? | ХРУСЬ І ПАПАЛАМ

Ці мае права на існаваньне мянушка, якая прычапілася да беларусаў за савецкім часам — бульбашы? Няўжо мы больш ня маем чаго паставіць на стол, акрамя бульбы? Перад праглядам чарговага выпуску «Хрусь і папалам» раім добра пад’есьці, бо ад багацьця беларускіх прысмакаў можна папросту зьнепрытомнець!

https://www.youtube.com/watch?v=RrU8X0LaUOE

151 0 2

daroha

2 Feb, 13:44

ну што, сябры, чарговы цудоўны дзень. і на дварэ гэтак хораша, што папросту цягне ў... балота!

праўда? (8

а тут і чарговы выпуск "хрусь і папалам" падасьпеў - як раз прысьвечаны нашаму цудоўнаму Палесьсю!

Палескія балоты - нацыянальны скарб ці бруд? | ХРУСЬ І ПАПАЛАМ

https://www.youtube.com/watch?v=V7xjlUQDqWI

Як так здарылася, што Палесьсе, якое ўвесь сьвет ведае як край першабытных і бязьмежных балот, усё больш нагадвае… пустэльню? Можа таму, што некаторыя цалкам сур’ёзна лічаць, што балота - гэта ня нейкі там нацыянальны скарб і ўнікальная фішка Беларусі, а папросту бруд і яшчэ адна нагода нацягнуць на ногі гумовыя боты? Разьбіраемся ў нашым відэа.

97 0 1

daroha

27 Jan, 13:08

ну што, сябры, вітаю вас! цудоўны сёньня дзень, праўда?

а ў мяне для вас - падаруначак! найперш для тых, хто з абсалютна невытлумачальных прычын яшчэ ня бачыў першы выпуск другога сэзону "хрусь і папалам"🥳️️

https://www.youtube.com/watch?v=jiF9R3ql43o&t

91 0 0 1

daroha

18 Jan, 02:44

Як перажыць Апакаліпсыс? Самы надзейны лайфхак

вось калі мы на покліч «Жыве Беларусь!» адказваем «жыве вечна!», ці задумваемся мы над пытаньнем: а што, калі заўтра надыдзе канец сьвету - якое ж тады «вечна»?

ну што ж, давайце паразважаем разам!

(ч/б №166)
https://www.youtube.com/watch?v=H5O7zYKiwXI

***

падтрымаць канал:

кавай
buymeacoffee.com/daroha

стаць патронам
patreon.com/daroha

105 0 0 1

daroha

16 Jan, 04:28

дачакаўся апоўначы, каб спакойна пайсьці ў падвал і запісаць новы "ч/б". усё сабраў, адзеўся-абуўся - выйшаў. а ў падвале - нейкія праблемы са сьвятлом: то гарыць, то не гарыць.

ну блін.

76 0 0 1

daroha

11 Jan, 20:50

Няхай памрэ Белоруссия! | неспадзяваны пазытыў - з вікіпэдыі

усе мы людзі, усе мы не жалезныя. вядома ж, часам кожнага і кожную з нас захлынае роспач: маўляў, нейкі праклён на нас, беларусах, ляжыць! уся нашая гісторыя - нейкае суцэльнае змаганьне за тое, каб нас хаця б папросту не чапалі, не вучылі жыць, не загадвалі, не абвінавачвалі. урэшце, каб не адмаўлялі нашае існаваньне.

мне таксама бывае цяжка на душы, сябры. і тады я сядаю і пачынаю размаўляць сам з сабою: маўляў, ну пачакай, ёсьць жа ня толькі дрэннае, мусіць быць і нейкі пазытыў, нейкая надзея, нейкі сэнс ува ўсім гэтым - можа мы яго папросту не заўважаем?

(ч/б №165)
https://www.youtube.com/watch?v=B5mzjEaUQYs

***

падтрымаць канал:
кавай
buymeacoffee.com/daroha

стаць патронам
patreon.com/daroha

80 0 0 8

daroha

1 Jan, 00:46

Репост из: Mikola Dziadok

🎄Нашая каманда віншуе Міколу і ўсіх-усіх-усіх з Новым годам, Калядамі і Раством!

Мы спадзяемся, што ў гэтыя дні кожны з вас мае цёплы агменьчык любові і надзеі. Хоць і нашае штодзённае жыццё часта далёкае ад казкі, мы ўсе падабаем чароўнае імгненне дзіцячай бесклапотнасці і аптымізму, што прыносіць нам Новы год. Дзякуй тым людзям, рэчам і падзеям вакол нас, якія ствараюць для нас гэтае цёплае імгненне.

Мы трымаем у думках нашых блізкіх і сяброў за кратамі, узгадваем іх і чакаем іх на волі. За гэтым навагоднім сталом вас будзе не хапаць.
______________
Адрас для лістоў:
Мікалай Аляксандравіч Дзядок
турма № 1. 230023, г. Гродна, вул. Кірава, 1

92 0 0

daroha

1 Jan, 00:39

ну што ж, я зрабіў гэта: пасьпеў апублікаваць выпуск за колькі хвілінаў да беларускага новага году!

https://www.youtube.com/watch?v=WtIU-6pRu6o

з новым годам, сябры! дарэчы, а які ён будзе, 2025-ы год?

71 0 0 4

daroha

22 Nov 2024, 18:28

Репост из: Будзьма беларусамі!

❓ Ці ёсьць у нас хаўрусьнікі па той бок барыкадаў? Пазытыўны жабагадзюкінг

Калі змрок нэгатыву і дэпрэсіі ўсё гусьцейшы й цяжэйшы, чаму б не пашукаць пазытыў і надзею на лепшае ў нечаканым і, здавалася б, самым непрыдатным для гэтага месцы — уласна ў гэтым змроку?

🗣У сваёй рубрыцы «Прыдарожны пыл» Валера Руселік ускараскваецца на беларускую барыкаду і з пазытывам назірае за жабагадзюкінгам, які адбываецца па той бок ад нас.

Падрабязьней. 📌 Па гэтай спасылцы адкрыецца без VPN.

80 0 1

daroha

11 Nov 2024, 21:47

Репост из: Mikola Dziadok

Роўна 4 гады таму быў затрыманы наш дарагі сябар, Мікола Дзядок.

11 лістапада 2020 года Мікола быў затрыманы і збіты супрацоўнікамі ГУБАЗіК і МУС, а пасля пераведзены ў СІЗА. Праз год суддзя Анастасія Папко прызнала яго вінаватым па трох артыкулах Крымінальнага кодэкса: арт. 342,арт. 361,арт. 295-3. Яна прызначыла пакаранне ў выглядзе пяці гадоў пазбаўлення волі ва ўмовах агульнага рэжыму, адпаведна запыту пракурора Антона Цюменцава.

Цяпер Мікола знаходзіцца ў Гродзенскай турме №1. Ён мусіў выйсці з турмы 25 красавіка 2025 года, але супраць яго ўзбудзілі новую крымінальную справу паводле ч. 1 арт. 411 Крымінальнага кодэкса (злоснае непадпарадкаванне адміністрацыі турмы). Апошнія чатыры месяцы Мікола правёў у ШІЗА.

______________
Адрас для лістоў:
Мікалай Аляксандравіч Дзядок
турма № 1. 230023, г. Гродна, вул. Кірава, 1

109 0 0

daroha

29 Oct 2024, 17:28

04:39

Видео недоступно для предпросмотра

Смотреть в Telegram

зло мае сваё вымярэньне

#ночпаэтаў
#ночрасстраляныхпаэтаў
#ночнерасстраляныхпаэтаў

236 1 2 1

daroha

22 Oct 2024, 10:23

10 содняў ШІЗА напярэдадні дадалі палітвязьню Міколу Дзядку. я нагадаю, што Мікола знаходзіцца ў ШІЗА зь 17 чэрвеня, то бок ужо пяты месяц запар.

з улікам дададзеных напярэдадні агулам атрымаецца ўжо 137 содняў у ШІЗА.

гэта анішто іншае як сьведамае катаваньне абсалютна невінаватага чалавека. я нават уявіць не магу, што адбываецца ў галовах тых, хто сьведама дадае пакутаў ужо закатаванаму й невінаватаму чалавеку. гадамі незаконна трымаць у турме, пры гэтым жыць новую крымінальную справу - і пры ўсім гэтым яшчэ і гнаіць чалавека ў ШІЗА!

гэта ж якімі маральнымі вырадкамі трэба быць, каб гэтак рабіць!

вы хочаце ведаць розьніцу паміж намі і імі? вось яна, гэта розьніца.

==

актуальны адрас для лістоў і паштовак:

Мікалай Аляксандравіч Дзядок
турма № 1. 230023, г. Гродна, вул. Кірава, 1

***

свабоду Міколе Дзядку і ўсім астатнім палітвязьням!

#свабодуміколедзядку
#міколадзядок
#пакульусенябудуцьвольныя
#свабодупалітвязьням

133 0 0 1

daroha

14 Sep 2024, 03:36

мабыць, вы ўжо чулі. палітвязьню Міколу Дзядку, якому заставалася сядзець паўгода (ён меўся выйсьці 25 красавіка 2025 г.), завялі яшчэ адну крымінальную справу, паводле якой яму пагражаюць дадатковыя ад аднаго да трох гадоў зьняволеньня.

12 верасьня стала вядома, што Міколу абвінавацілі ў злосным непадпарадкаваньні адміністрацыі турмы (ч. 1 арт. 411 кк рб). і гэта пры тым, што з чэрвеня Мікола знаходзіўся ў шіза, адкуль выйшаў толькі ў верасьні.

але калі гэта спыняла нелюдзяў, праўда? яны працягваюць зьдзеквацца з абсалютна невінаватых людзей - і з палітвязьняў, і зь іх сваякоў і блізкіх, якія чакаюць па другі бок кратаў.

гэта сыстэматычнае зьнішчэньне свабодных людзей. па абодва бакі кратаў. і яно спыніцца толькі тады, калі ўся гэтая злачынна сыстэма будзе зьнішчаная. ане перамовы, ані лібэралізацыя, ані эвалюцыя рэжыму - толькі яго татальнае зьнішчэньне.

і як бы гэта ні гучала, я вельмі спадзяюся на тое, што мы, беларусы, выявімся дастаткова злапамятныя, каб кожнаму аддаць паводле ягоных злачынстваў.

124 0 0

Показано 20 последних публикаций.

70

подписчиков

Статистика канала

Язык сайта

вдохновляющие истории

Inside Ads

Делай от 1к подписчиков ежедневно

daroha

Гео и язык канала

Категория

70

Популярное в канале