Мы тут пакапаліся ў адной гісторыі, якая зараз ў топе. Андрэй Гнёт, які захрас у сербскай вязьніцы ў чаканні экстрадыцыі ў Беларусь. Мы супраць таго, каб любы грамадзянін Беларусі беспадстаўна трапляў у турму.
Аднак, зьвернем увагу на некалькі
фактаў.
Вось тут напісана, што Андрэй прыляцеў у Сербію для здымак роліка для міжнароднай карпарацыі Tele2. Былі ўзгадкі і аб тым, што ў траўні 2022 года Андрэй
выйграў прэмію Effie Russia. Перамагла таксама Tele2.
Аднак трэба зазначыць, што ў дадзеным выпадку гаворка не пра швэдзкі брэнд, а пра расійскую кампанію, якая з 2020 года належыць на 100 адсоткаў да
Ростэлекаму.
З ліпеня 2023 года кампанія знаходзіцца пад санкцыямі Канады за падтрымку вайны супраць Украіны.
Здымкі роліка, нагадаем павінны былі адбыцца ў кастрычніку 2023.
Выбар краін, дзе здымаць: Грузія, Сербія ці Турцыя, - таксама сьведчыць аб тым, што здымкі павінны былі весьціся чамусьці ў краінах, якія пускаюць без праблем грамадзян расіі і з большага прыхільна ставяцца да бізнесу з расіяй. І дарэчы ў любой з гэтых краін былі б тыя самыя праблемы з экстрадыцыяй.
Нешта ў гэтай гісторыі ня так.