3. Шляхам рэпрэсій і выкарыстаньня пенітэнцыярнай сыстэмы адбываецца закамуфляваны генацыд беларускага народа. Палітвязьні у Беларусі асуджаныя шляхам палітычных рэпрэсіяў незаконна, па прыдуманных абвінавачаньнях. Яны зьяўляюцца, фактычна, палітычнымі палоннымі і закладнікамі рэжыму -- ахвярамі расейскай акупацыі і гібрыднай вайны супраць беларускага народа.

Улічваючы асаблівую небясьпеку для жыцьця і здароўя палітвязьняў у турмах Лукашэнкі, мы сцьвярджаем, што чалавек ёсьць найвышэйшай жыцьцёвай каштоўнасьцю і настойваем на неабходнасьці вызваленьня беларускіх палітвязьняў усімі даступнымі спосабамі.

Сцьвярджаючы тэзіз «вызваляць палітвязьняў усімі даступнымі спосабамі», мы чуем і падтрымліваем заклік людзей, якія маюць перадусім маральнае права выказвацца ў пытаньнях вызваленьня палітвязьняў. Гэта беларусы, якія адбылі свае тэрміны і выйшлі на волю (колішнія палітвязьні) і сваякі вязьняў, што якраз цяпер пакутуюць у турмах.