Сёньня ў Вашынгтоне амэрыканскія ўкраінцы зьбіралі подпісы і грошы на помнік Рональду Рэйгану ў Кіеве. У іх гэта справа амаль вырашаная. А як вы лічыце, ці патрэбны такі помнік у Беларусі?

Рэйган вядомы як непахісны барацьбіт з камуністычнай імпэрыяй, які закончыў халодную вайну. Але акрамя таго, ён быў і сябрам Беларусі. І 30 год таму павіншаваў беларусаў зь 70-годзьдзем БНР. Сярод іншага, вось што ён, Прэзыдэнт ЗША, напісаў:

“Адважныя і красамоўныя галасы ўсё яшчэ сьведчаць пра нязломны дух Беларусі. Я спадзяюся разам з вамі, што прыйдзе дзень, калі народ Беларусі зноў будзе свабодны, каб ажыцьцявіць свае нацыянальныя памкненьні.

Блаславі вас Бог, і блаславі, Божа, Беларусь”

Рональд Рэйган
——