Сьцёпу выставілі абвінавачваньне, і суд заўтра можа працягнуць арышт да трох месяцаў. Сьледчыя мяркуюць, што магла быць спроба замаху на забойства, а гэта можа пагражаць доўгім зьняволеньнем ці пажыцьцёвым. Так, справа дрэнь. Сам Сьцёпа не прызнаўся ў злачынстве і прадставіў сваю вэрсію.

Супрацоўнікі кампаніі, якія былі сьведкамі, кажуць, што не было наўмыснай страляніны, Сьцёпа прыйшоў на працу са сваёй зброяй, як і раней гэта рабіў. Паводле сьледчых, адбылася сутычка паміж Сьцёпам і несупрацоўнікам, які знаходзіўся ў офісе, адбыліся два стрэлы, ад якіх хоць ніхто і не пацярпеў, але Сьцёпа мог цэліцца ў чалавека.
Цяпер сябры размаўляюць з адвакатам, да Сьцёпы ў Гданьск едзе маці з Горадні, яго наведаў беларускі консул. Консул кажа, што Сьцёпа пакуль ня скардзіцца.

Пакуль усё досыць цьмяна, і вэрсія сьледчых вельмі невыразная. Паводле адваката, Сьцёпа трымаецца ўпэўнена, у паказаньнях не блытаецца.

Тут больш: https://www.svaboda.org/a/28858141.html