"Тадэвуш Падкасцюшка" — @tadevush Telegram-kanali

Тадэвуш Падкасцюшка

5 Nov, 13:41

Умоўныя

Адкрыў для сябе новы круты падкаст пра беларускую літаратуру і літаратараў.

Класна, цікава, з гумарам. Пра класікаў і сучаснікаў. Зацаніце!

Калі не ведаеце з чаго пачаць, прапаноўваю наступныя выпускі:

1. IELTS па-беларуску | Людміла Рублеўская
2. Смерць і далей | Уладзімір Караткевіч
3. Паспяховы поспех | Зоська Верас

А яшчэ прапаноўваю зацаніць іх інстаграм і тыкток, там таксама цікава

🎧 Падкаст і сацсеткі

266 0 8 29

Тадэвуш Падкасцюшка

25 Sep, 11:05

Сябры, Вожыку 🦔 заблакавалі тэлеграм-канал.

Вось спасылка на новы, не губляйцеся:

@vozhyk_voice

647 0 1 17

Тадэвуш Падкасцюшка

29 Aug, 11:03

Зроблена ў Польшчы

Новы відэа-падкаст пра польскую палітыку па-беларуску.

Учора выйшаў першы выпуск пра парламенцкія выбары ў Польшчы, якія адбыліся ў кастрычніку 2023 года.

Чаму гэта важная падзея? Адкуль такая вялікая яўка? Чаму PiS заняў першае месца, але не працягвае кіраваць Польшчай?
Пра гэта і шмат іншага даведаецеся па спасылцы вышэй.

Я паглядзеў, і мне спадабалася. Клёвая якасць відэа і аўдыя, цікавая тэма. Тым, хто жыве ў Польшчы і/ці цікавіцца польскай палітыкай, абавязкова зойдзе.

Вядоўцы падкаста: Максім, якога вы можаце ведаць з падкастаў "Полчаса кардио" и "Максимально", і Кірыл, які жыве ў Польшчы ўжо 18 год і з адукацыі спецыяліст па палітычнаму маркетынгу.

🎥 Падкаст на Youtube

914 0 7 23

Тадэвуш Падкасцюшка

26 Aug, 14:42

Праца-Ваца

Падкаст пра феномен працы і кар'еры ў нашым жыцці.

Вядучая падкаста - Таццяна Дзямчук, кар'ерны коўч, гештальт тэрапеўтка ў навучанні, HR бізнес-партнёрка.

У падкаста ёсць 2 тыпы выпускаў:
1) Праца-роздумы - кароткія выпускі, у якіх вядучая распавядае свае думкі на нейкую тэму, звязаную з кар'ерай.
2) Кар'ерны шлях - размовы з цікавымі і незвычайнымі гасцямі пра іх працу і кар'еру.

Я паслухаў, і мне спадабалася. Вельмі жвава і цікава. Прапаноўваю вам паслухаць:

1. Як становяцца таксічнымі супрацоўнікамі
2. Пра кар'ерны шлях Фатографкі і былой рэпарцёркі tut.by Вольгі Шукайла
3. Чаму аўтарку навучыла праца ў ЗША
4. Пра кар'ерны шлях і каштоўнасці Зміцера Макарчука, які за 10 год змяніў больш за 10 прафесій

🎧 Спасылкі на падкаст і іншыя сацсеткі аўтаркі.

695 0 8 22

Тадэвуш Падкасцюшка

24 Aug, 19:32

ЕЖА

Падкаст пра беларускую гастранамію ад онлайн-часопіса пра вандроўкі 34travel і МТС.

Ужо выйшла 8 выпускаў на розныя смачныя тэмы, прапаноўваю паслухаць пра:
1. Кароткую гісторыю дранікаў
2. Беларускія супы
3. Экзотыку ў беларускім меню

Цікава, што да кожнага выпуска таксама ёсць кароткі тэкставы канспект на сайце. Таму калі вас нешта зацікавіла, заўжды можна знайсці гэта ў тэкставай версіі замест пераслухоўвання другі раз.

🌐 Сайт са спасылкамі на падкасты

703 0 15 25

Тадэвуш Падкасцюшка

23 Aug, 20:03

BelKantent | Lepus81

Тэлеграм-канал пра камп'ютарнае жалеза і гульні, створаны гульнявым стрымерам і камп'ютарным спецыялістам Lepus81.

Там вы пачытаеце пра новыя відэакарты і працэсары, даведаецеся, як сабраць уласны ПК, і пачуеце пра навінкі гульнявой індустрыі.

Напрыклад, вось ёсць файны артыкул пра перавагі і недахопы самасабранага камп'ютара ў параўнанні з гатовым рашэннем з крамы.

А літаральна толькі што на Patreon з'явілася другая частка пра тое, што патрэбна, каб сабраць камп'ютар мары.

За адно запрашаю на twitch спадара Лепуса. Ён рэгулярна праводзіць гульнявыя стрымы, на якія я і сам па магчымасці завітваю.

🖥 Тэлеграм-канал

🎮 Twitch з гульнявымі стрымамі

547 0 1 15

Тадэвуш Падкасцюшка

23 Aug, 12:51

Спіс на лета

Новы літаратурны падкаст, у якім кандыдатка філалагічных навук Марына Казлоўская і паэтка Дар’я Бялькевіч размаўляюць пра класічныя школьныя творы беларускай літаратуры.

Ці трэба перачытваць класіку ў дарослым узросце? І як гэта рабіць? Наколькі адрозніваецца ўспрыняцце твораў у залежнасці ад узросту? На гэтыя пытанні Марына і Дар’я спрабуюць знайсці адказ, перачытваючы і пераасэнсоўваючы знаёмыя са школы тэксты.

Марына — выкладчыца, якая шмат гадоў выкладала ў Ліцэі БДУ, а таксама перакладае творы мастацкай літаратуры з польскай мовы. Даша — паэтка і арт-менеджарка, у 2021 годзе выдала кнігу вершаў «Слёзы на вецер».

Выйшла ўжо 7 выпускаў, прысвячаных Купалу, Багушэвічу, Гарэцкаму, Дуніну-Марцінкевічу, Багдановічу, Коласу і Чорнаму.

Я паслухаў выпуск пра Янку Купалу, і мне спадабалася! Зацаніце і вы.

🎧 Сайт са спасылкамі на падкаст

523 0 7 29

Тадэвуш Падкасцюшка

17 Aug, 17:12

Gronka

Краўдфаўндынгавая платформа для беларускіх праектаў. Наш kickstarter :)

Там вы можаце "скінуцца" на выданне кніг, музычных альбомаў, падкастаў і шмат чаго іншага.

У адрозненні ад данатаў, у выпадку краўдфаўндынга вы атрымліваеце нешта ў адказ. Напрыклад, падтрымаўшы выданне кнігі, пасля яе выдання вы можаце разлічваць атрымаць асобнік, магчыма нават з аўтографам аўтара. Вядома, дакладныя бенэфіты залежаць ад праекта, чытайце апісанне.

Калі ж вы самі аўтар і патрабуеце фінансавай падтрымкі вашых ідэй, то таксама можаце апублікаваць там свой праэкт.

На сайце ўжо 11 розных праектаў, і за месяц існавання ён дапамог сабраць амаль €14,000.

Клёвая ідэя, і мне спадабалася, што аўтары падрабязна распісваюць, чаму ім патрэбная менавіта такая сума, і на што пойдуць грошы.

🌐 Сайт

715 0 11 36

Тадэвуш Падкасцюшка

17 Aug, 14:11

MOVA 2.0

З'явіўся дадатак для вывучэння беларускай мовы. Як Duolingo, толькі свой!

Там вы можаце вывучыць лексіку і граматыку, праверыць свае веды з дапамогай тэстаў і пачытаць моўныя цікавінкі.

Дадатак ёсць пад Android і iOS. Пампуем!

🍎 AppStore (iOS)
🤖 Google Play (Android)

896 1 27 41

Тадэвуш Падкасцюшка

5 Apr, 09:29

Для тых, хто чакае дзяцей ці плануе іх неўзабаве заводзіць, з'явіўся цудоўны тэлеграм-канал.

Твая Клапатлівая Доўла

Калі вы не ведалі, доўла - гэта чалавек, які падтрымлівае жанчыну ў цяжарнасці і родах.

На гэтым канале вы, паміж іншым, даведаецеся:

1. Ці можна наведваць саўну/лазню падчас цяжарнасці
2. Як фітбол дапаможа ў родах
3. Як змагацца з расцяжкамі падчас цяжарнасці
4. Як правільна дыхаць падчас патугаў

Упэўнены, што некаторым з вас гэты кантэнт будзе дужа і дужа патрэбным.

Акрамя таго, аўтарка займаецца асабістымі кансультацыямі.

📩 Telegram

1.3k 0 18 40

Тадэвуш Падкасцюшка

27 Mar, 12:52

Калі вы, як і я, прапусцілі, то вось цудоўная навіна.

У дзяўчат і хлопцаў з Youtube-канала ОВОЩЕВОЗ з'явіўся беларускамоўны канал:

Падабайка

Гэта шоу-віктарына, у якім сябры адгадваюць беларускую музыку, фільмы, тэлеперадачы і наогул усё, што звязана з беларускай поп-культурай.

На сённяшні дзень выйшла 4 выпускі:
1. Беларускія дзіцячыя і маладзёжныя тэлеперадачы 90х і 2000х

2. Фільмы i серыялы, у якіх прыгадваецца Беларусь

3. Беларускія хіты 2000х

4. Вярніце мне мой 2007 / падзеі Беларусі 2007 года

Дужа раю зацаніць, вам дакладна спадабаецца

🎥 Youtube

1.7k 0 10 48

Тадэвуш Падкасцюшка

14 Feb, 14:09

Даўно не чуліся, сябры!

Беларуская мова пакрысе

Хачу распавесці вам пра цудоўныя курсы па беларускай мове ад аўтаркі адукацыйнага instagram-блога "Пакрысе", пра які я вам ужо распавядаў вось тут.

Гэта не рэклама, а шчырая рэкамендацыя па водгуках чалавека, які нядаўна скончыў адзін з курсаў.

Ёсць 2 курсы: базавы (для тых, хто хоча пачаць размаўляць па-беларуску) і паглыблены (для тых, хто ўжо размаўляе).

Паглыблены курс сапраўды паглыблены. Нават для чалавека, які шмат год размаўляе па-беларуску, там знайшлося шмат цікавай лексікі і граматыкі.

Самі курсы складаюцца з 2 месяцаў онлайн-заняткаў (раз на тыдзень па 2 гадзіны), хатніх заданняў, тэстаў, дужа клёвых і сучасных матэрыялаў.

На якіх курсах вы яшчэ паглядзіце/паслухаеце фрагменты фільмаў, беларускамоўных падкастаў ці гумарыстычных відэа ў агучцы Вожыка?)

Таму шчыра раю. Зараз як раз ідзе набор у вясновыя групы, і да 21 лютага можна атрымаць прыемную зніжку.

🌍 Сайт курсаў

1.5k 0 5 52

Тадэвуш Падкасцюшка

31 Dec 2023, 13:10

Сябры, з надыходзячымі вас Новым годам і Калядамі!

Зычу, каб у 2024 годзе ў вашым жыцці было яшчэ больш беларускай мовы і якаснага беларускамоўнага кантэнту.

А сёння зычу пабольш святочнага настрою. Крышыце салацікі і файна праводзьце час з вашымі блізкімі ☺️

За адно хачу паўдзельнічаць у праекце #пашыраймасваё і падзяліцца з вамі падборкай беларускіх тэлеграм-каналаў:

Палявая пошта — краязнаўчы праект на аснове старых паштовак. Беларусь на паштовых картках 100 год таму і сёньня.

Усё пра ўсё — навіны тэхналогій, навіны гульнявога свету, цікавыя факты пра тэхніку на якаснай беларускай мове вы знойдзеце менавіта тут. Новыя допісы кожны дзень!

Прышпільныя коміксы — самыя цікавыя коміксы па-беларуску! Далучайцеся да свету сучасных беларускамоўных коміксаў на штодзённыя тэмы ❤️

BelAI — карысныя і цікавыя навіны, звязаныя са штучным інтэлектам у свеце і ў Беларусі!

1.4k 0 1 51

Тадэвуш Падкасцюшка

11 Dec 2023, 22:15

Шаноўныя аматары настольных гульняў, круты кантэнт для вас!

Згуляем?

Тэлеграм-канал з настольнымі гульнямі па-беларуску 🎲

Вы можаце проста спампаваць файлы, раздрукаваць сабе гульню і гуляць з сябрамі.
А для некаторых з іх ёсць і онлайн-версіі.

Я сам люблю настолкі, і са знаёмых мне гульняў там ёсць "Пандэмія", "Манчкін", "Кодавыя імёны" і "Карткі супраць чалавецтва". І ёсць нават гульні беларускага вырабніцтва.
Таму друкуйце, запрашайце сяброў і кайфуйце!

📩 Telegram

1.7k 0 11 33

Тадэвуш Падкасцюшка

1 Dec 2023, 15:42

Вітанкі, даўно не чуліся!

Прынес вам клёвы падкаст, пра які вы яшчэ не ведаеце.

ЧАРГОВЫ ПАДКАСТ

"Гэта як "Гадзіннічак цікае". Але без Сугак. І Шрайбмана. І Астапені. Але ёсць Лёша Івашкевіч і Міхась Ільін", - так кажуць пра падкаст апісанне юцьюб-канала.

А калі ад мяне, то гэта відэа-падкаст, у якім комік Міхась Ільін і журналіст Лёша Івашкевіч абмяркоўваюць цікавыя падзеі, якія адбыліся ў беларускай прасторы за апошні час.

Я люблю такі фармат, таму прапаноўваю і вам зацаніць. Пакуль што выйшла 3 выпускі, раю пачынаць з апошняга ж:

1. ЧАРГОВЫ ПАДКАСТ #3: "Працэсы", амапавец Камісаранка, мой родны KUT
2. ЧАРГОВЫ ПАДКАСТ #2: раніца з Чалым, дзень з Чалым, вечар з Чалым
3. ЧАРГОВЫ ПАДКАСТ #1: Web-Камісаранка, Какалад, Рымская імперыя

🎥 Youtube

1.6k 0 5 24

Тадэвуш Падкасцюшка

28 Oct 2023, 09:02

Археалогія: пакапайма!

Блог пра археалогію і жыццё археолага.

Там вы даведаецеся, што ж такое археалогія і чаму там не вывучаюць дыназаўраў, чаму людзі ідуць у археалогію і чым займаюцца на працы, пачытаеце пра розныя віды археалогіі, чым харчаваліся старажытныя людзі і ці існуе сэксізм у археалогіі.

Напісана дужа цікава, з гумарком, таму падыйдзе не толькі на археолагам ці гісторыкам, а і шырокай аўдыторыі. Паспрабуйце!

Я адабраў вам некалькі артыкулаў, можаце пачаць з іх:

1. З чаго пачынаецца цывілізацыя - вядома ж, з піва і хлеба!
2. Падводная археалогія: трылер з акуламі, скарбамі і марціні
3. Ваяры-вікінгі і гендэрныя стэрыятыпы, і ці абавязкова пахаваны вікінг з мячом - гэта мужчына

У тэлеграм-канале паведамляецца пра новыя пасты, за адно і экстра-кантэнт з жыцця археолага пабачыце 🙃

🦴 Усе пасты
📩 Тэлеграм-канал

1.6k 0 3 26

Тадэвуш Падкасцюшка

15 Oct 2023, 10:44

Алесь Чахоўскі | Беларускі вайб

Трэвэл-лайфстайл youtube-блог, у якім аўтар вандруе па свеце (пакуль што ЗША), паказвае мясціны, звязаныя з Беларуссю, сустракаецца з нашымі суайчыннікамі, распытвае пра іх ініцыятывы і проста жыццё, запісвае рэакцыю замежнікаў на беларускае мастацтва і музыку, - карацей кажучы, шукае беларускі вайб за мяжой.

Глядзець дужа цікава, і сам Алесь вельмі харызматычны. Выйшла ўжо 3 выпускі:
1. Беларусы сэксі? А Касцюшка і Шагал? Што пра гэта кажуць украінкі і ў кангрэсе | Саша ў Вашынгтоне
2. Што кажуць амерыканцы пра беларускі рок і чаму мы любім горы і мора | Саша ў Фларыдзе і Нью-Хэмпшыры
3. Якая рэпутацыя беларусаў у Новай Англіі і што кажуць пра наш хіп-хоп амерыканцы | Саша ў Бостане

Акрамя таго, Алесь вядзе інстаграм-блог, таксама запрашаю падпісацца.

🎥 Youtube
📸 Instagram

1.5k 0 4 35

Тадэвуш Падкасцюшка

16 Sep 2023, 17:33

Сёння хачу распавесці вам пра сваіх калег па раўспаўсюджванні беларускамоўных праектаў.

Мала кантэнту

Гэта тэлеграм-канал, аўтар якога кожны дзень дзеліцца цікавым кантэнтам на беларускай мове, у асноўным новымі відэа, фільмамі, падкастамі і музыкай.

Хоць ідэя нашых праектаў і падобная, рэалізая зусім іншая, таму там вы дакладна знойдзеце нешта, пра што я не пісаў і што вас зацікавіць.

📩 Telegram

1.7k 0 0 46

Тадэвуш Падкасцюшка

13 Sep 2023, 19:34

Новы гістарычны праэкт ад Мікіты Мелказёрава!

ЗАГЛЯНЕ СОНЦА

Мікіта Мелказёраў, якога мы ведаем па праэкце жыццё-маліна, стварыў гістарычны youtube-канал.

Там Мікіта выдае базу пра гісторыю Беларусі, і робіць гэта каротка, жвава і дужа энергічна.

Выйшла ўжо 2 відэа:
1. Чаму беларусы крутыя, а рускія ідуць лесам

2. Як Альгерд даваў прасрацца маскалям і ледзь не знішчыў Крэмль

Дужа раю да прагляду, асабліва тым, хто кепска ведае гісторыю Беларусі.

P.S., вы маглі ўжо бачыць гэты канал пад іншай назвай, але адбыўся рэбрэндынг, і цяпер гэта Загляне сонца

🎥 Youtube

1.4k 0 5 40

Тадэвуш Падкасцюшка

8 Sep 2023, 20:18

Другі падкаст запар!

Formuła Pieramohi

З'явіўся першы падкаст пра Формулу 1 па-беларуску.

І абодва вядучыя вам ужо знаёмыя: гэта Ян з тэлеграм-каналу пра Формулу-1 "Формула Перамогі" і Арцём з тэлеграм-каналу пра воблачныя тэхналогіі Azure "Абажуры".

Я паслухаў, і мне спадабалася! Падкаст дакладна зойдзе ўсім аматарам аўтаспорту. Ці раптам як раз пасля праслухоўвання вы станеце фанатам? Паспрабуйце!

Хлопцы абмяркоўваюць вынікі праходзячых Гран-пры, аналізуюць актуальную форму ўдзельнікаў і расклад камандаў, і ў прынцыпе ўсе навіны, звязаныя з Каралеўскім аўтаспортам.

🎧 Падкаст

1.5k 0 7 31

Postal

Продам твой канал за сутки.

Барахолка РБ

Тадэвуш Падкасцюшка

Kanal geosi va tili

Toifa

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

Тадэвуш Падкасцюшка

716

Kanalda mashhur

Sayt tili

Postal

Продам твой канал за сутки.

Барахолка РБ

Тадэвуш Падкасцюшка

Kanal geosi va tili

Toifa

716

Kanalda mashhur