Знайшлі сапраўдныя скарбы на ютуб-канале Віцебскага палаца дзяцей і моладзі і не бачым сэнсу іх ад вас хаваць!

Юныя аніматары з мультыстудыі «ЛялькАnimation» стварылі шмат цудоўных відэа ў тэхніцы пакадравай анімацыі. Кожны кадр — гэта асобны здымак, дзе фігуркі і прадметы крыху зрушаныя. А калі сабраць усе здымкі разам — атрымліваецца плаўная анімацыя, быццам персанажы ажываюць прам на вачах!

Дужа раім паказаць гэтыя відэа дзецям не толькі для добрага баўлення часу (а яго мы можам гарантаваць), але і для натхнення. Магчыма, менавіта прагляд работ юных аніматараў натхніць малых на ўласныя творчыя эксперыменты. Тым больш што для пачатку дастаткова звычайнага смартфона і крыху фантазіі!

Глядзіце падборку ад нашай каманды:

😇 Снежны Анёл
🦊 Ліса-калядоўшчыца
🎄 Жыла была яліначка
🐐 Каза-манюка
👩🏻‍🍼 Матуліна калыбельная

Прыемнага прагляду. Калі ў вас ёсць працы, якімі вы бы хацелі падзяліцца, то напішыце нам.