Радыё Свабода — Беларусь


Kanal geosi va tili: Belarus, Beloruscha
Toifa: Siyosat


Дасылайце нам інфармацыю ў наш тэлеграм-бот @SvabodaBelarus_bot
Сувязь з рэдакцыяй — @SvabodaBelarus
Даслаць навіну ў Signal можна па нумары +380502605369


Kanal geosi va tili
Belarus, Beloruscha
Toifa
Siyosat
Statistika
Postlar filtri


🇺🇦 Вайна ва Ўкраіне: 287-ы дзень. Навіны адным радком

🔹 Узброеныя сілы Ўкраіны падчас контрнаступу вызвалілі ад расейскай акупацыі 1888 украінскіх гарадоў і сёлаў, заявіў прэзыдэнт Уладзімір Зяленскі ў вечаровым звароце. Пад акупацыяй, паводле яго, застаецца прыкладна столькі ж.

🔹 ААН: з пачатку вайны па 4 сьнежня афіцыйна зафіксавана ўжо 6702 сьмерці мірных жыхароў (рэальная колькасьць можа быць значна большай). У першыя ж дні ўварваньня ва Украіну войскі РФ зьнішчылі сама меней 441 мірнага жыхара.

🔹 Паводле зьвестак ААН, пасьля пачатку вайны ў краіны Эўропы прыбылі больш за 7,83 млн уцекачоў з Украіны.

🔹Камітэт Сэнату ЗША ўхваліў рэзалюцыю пра прызнаньне дзеяньняў РФ ва Ўкраіне генацыдам.


Мяняюць імёны і перавыхоўваюць. З акупаваных тэрыторый Украіны незаконна вывезьлі ў Расею каля 50 тысяч дзяцей

Паводле зьвестак РФ ад 29 лістапада, 715 934 дзіцяці перасеклі мяжу з пачатку расейскай агрэсіі. Зь іх прымусова вывезеных дзяцей недзе больш за 50 тысяч. Пасьля прымусовага перамяшчэньня ім выдавалі расейскія пашпарты, часта зьмянялі імёны і прозьвішчы:

https://rferl.link/0Ew7


У Пэру дэпутаты прагаласавалі за адхіленьне ад улады прэзыдэнта пасьля яго пагрозы распусьціць Кангрэс

Парлямэнт Пэру прагаласаваў за адхіленьне ад улады прэзыдэнта Пэдра Кастыльлё. Парлямэнтары заклікалі віцэ-прэзыдэнта Дзіну Балуартэ ўступіць на пасаду кіраўніка дзяржавы. У краіне пачаўся канстытуцыйны крызіс. Неўзабаве Пэдра Кастыльлё затрымала паліцыя:

https://rferl.link/A17O

Фота Reuters: пратэсты ў Пэру 7 сьнежня


«11% мужчын паспрабавалі запоўніць анкету за жанчын». Экспэртка аб выніках дасьледаваньня пра хатні гвалт у Беларусі за апошні год

44% апытаных жанчын перажылі гвалт з боку інтымнага партнэра за апошні год. 50% жанчын адчувалі неспакой, што яны могуць зазнаць гвалт з боку любых мужчын, 82,3% баяліся зазнаць фізычны ці сэксуальны гвалт з боку сілавікоў.

Дактарантка фэмінісцкіх і гендэрных дасьледаваньняў Вікторыя Лаўрынюк расказвае, які тып гвалту найбольш зазнаюць беларускі ў Беларусі і за яе межамі і што рабіць ахвярам гвалту:

Гутарка на відэа: https://youtu.be/WLVTkgN8Utw
Тэкст: https://rferl.link/wvRb


Галоўнае за 7 сьнежня

🇪🇺 Эўразьвяз выдзеліў яшчэ 25 млн эўра на падтрымку дэмакратычных інстытутаў і правоў чалавека ў Беларусі

👮🏻‍♂️ На тэрыторыі Беларусі пачалі праверку сыстэмы рэагаваньня на акты тэрарызму

📂 Новы законапраект: чыноўнікаў і вайскоўцаў прапануюць расстрэльваць за «здраду дзяржаве». Праваабаронца: «Гэта сьведчыць пра сур’ёзныя зьмены ў грамадзтве»

✍🏻 Палата прадстаўнікоў зацьвердзіла падатковыя зьмены на 2023 год. Для каго вырастуць падаткі

📲 За першыя дні працы мабільную праграму «Новая Беларусь» спампавалі звыш 10 тысяч чалавек. Адзін са стваральнікаў расказвае пра яе

👬 9 чалавек нелегальна перайшлі беларуска-ўкраінскую мяжу на Ровеншчыне, каб далучыцца да ўкраінскай арміі


Эўракамісія афіцыйна прадставіла праект 9-га пакету санкцый ЭЗ супраць Расеі ў сувязі зь яе ўварваньнем ва Ўкраіну

Па словах старшыні Эўракамісіі, у ім прапануецца забараніць пастаўкі ў Расею любых бесьпілётнікаў + матораў для іх (ня толькі ў РФ, але і ў краіны, якія могуць прадаць іх Расеі); увесьці забарону на новыя інвэстыцыі ў горназдабыўчы сэктар Расеі, узмацніць экспартны кантроль за пастаўкай у Расею тавараў і тэхналёгій, у т.л. падвойнага прызначэньня.

Санкцыі павінны закрануць 4 расейскія тэлеканалы, 3 банкі, каля 200 фізычных і юрыдычных асобаў. 9-ы пакет санкцый можа быць ухвалены ўжо на наступным тыдні.


Алесь Бяляцкі: «Чалавек, які гаворыць па-беларуску, сьпявае па-беларуску, вучыць сваіх дзетак па-беларуску, — гэта адназначна эўрапеец»

Працягваем публікаваць фрагмэнты кнігі «Бяляцкі на Свабодзе» з цытатамі нобэлеўскага ляўрэата.

https://rferl.link/VbEb


У Менску вялікі пажар на стадыёне на вуліцы Ванеева, які будуецца

Паводле папярэдняй інфармацыі, гараць марскія кантэйнэры на тэрыторыі стадыёна, паведаміла МНС Беларусі.

UPD: Пажар у Менску лякалізаваны на папярэдняй плошчы 1000 кв.м. Па стане на 21.00 ратавальнікі працягваюць тушэньне. Пацярпелых на дадзены момант няма, піша МНС.


Навошта ўладам сьмяротнае пакараньне за «здраду дзяржаве», калі рэпрэсіўная машына і так працуе паводле сталінскіх узораў

🗣 «Здрада дзяржаве — цяжкае злачынства. Аднак праблема ў тым, што ў Беларусі здрадай дзяржаве лічыцца ледзь ня кожны выступ супраць Лукашэнкі».

Валер Карбалевіч — аб прычынах узмацненьня барацьбы з палітычнымі апанэнтамі рэжыму:

https://rferl.link/Jeb7


У Горадні невядомыя пашкодзілі Катынскі крыж — помнік польскім і беларускім афіцэрам, расстраляным НКВД у Катыні ў 1940-ым

Пра пашкоджаньне мэмарыялу паведаміў у Фэйсбуку намесьнік старшыні незарэгістраванага Саюзу палякаў Беларусі Марэк Занеўскі. Паводле яго, з пліты помніка вырваныя тры мэмарыяльныя таблічкі на польскай і беларускай мовах.

«На жаль, барацьба з польскасьцю ў Беларусі працягваецца», — адзначыў ён.


Разьбіраем гарачыя маніпуляцыі беларускай тэлевізіі

Апошні тыдзень беларуская прапаганда дзівілася, чаму суседнія краіны будуюць плот на мяжы зь Беларусьсю, ганіла суседзяў за знос савецкіх помнікаў і пераконвала беларусаў у пагрозе для нацыянальнай бясьпекі краіны. Тлумачым, чаму гэта маніпуляцыі:

https://youtu.be/mZOX1fYucXw


«Падчас матчаў звыклае турэмнае жыцьцё нібы спыняецца». Пра беларускі футбол за кратамі

Стадыён, каляровая спартовая форма ў футбалістаў, заўзятары і нават чэмпіянаты. Самы папулярны від спорту ў сьвеце існуе і ў беларускіх калёніях. У матэрыяле Свабоды журналіст і былы палітвязень Алег Грузьдзіловіч расказвае пра футбол за кратамі:

https://rferl.link/91b4


Мінімальная цана 100 рублёў, яшчэ 20 просяць за дадатковую торбу. Вярнуліся шоп-туры зь Беларусі ў Польшчу

Арганізатары шоп-тураў завабліваюць беларусаў танным начным рынкам у Беластоку, найбольшым у Цэнтральнай Эўропе гандлёва-забаўляльным цэнтрам у Лодзі, магчымасьцю вакцынавацца замежнымі прэпаратамі і нават афармленьнем польскай карты ў банку Millennium. Сабралі дэталі тураў:

https://rferl.link/YJaM


«Прынамсі тата змог убачыць, што яна жывая». Сястра Марыі Калесьнікавай распавяла пра яе стан пасьля апэрацыі і спатканьні з бацькам

«Тата адзначыў, што Маша схуднела — гэта відаць. Выглядае яна нядрэнна. Урачы сьцьвярджаюць, што ёй аказваюць усё неабходнае лячэньне зараз. Але яна сапраўды кажа, што зараз ёй не вельмі пасуе гэтая ежа. Лекары паабяцалі скарэктаваць харчаваньне», — распавяла Тацьцяна Хоміч.

Відэа + тэкст гутаркі: https://rferl.link/kJ4o


Пуцін: з 300 тысяч мабілізаваных 150 знаходзяцца ў зоне баявых дзеяньняў

З гэтых 150 тысяч 77 знаходзяцца «непасрэдна ў баявых падразьдзяленьнях», астатнія — «на другіх, трэціх рубяжах або праходзяць дадатковую падрыхтоўку», сказаў Уладзімір Пуцін. Яшчэ 150 тысяч, паводле яго, гэта «так званая баявая рэзэрва».

Таксама Пуцін паўтарыў, што цяпер патрэбаў у дадатковай мабілізацыі няма, заявіў аб «нарастаньні пагрозы ядзернай вайны» і адзначыў, што стратэгія Расеі ў пытаньні ўжываньня ядзернай зброі будуецца вакол «зваротна ўдару ў адказ».


У кіеўскі суд перадалі справу палоннага беларуса, які ваяваў на баку Расеі

Максіма Зязюльчыка, якога ўкраінцы ўзялі ў палон пры вызваленьні ад расейскіх акупантаў Ліманскага раёну, будуць судзіць за ўдзел найміта ва ўзброеным канфлікце (яму пагражае ад 5 да 10 гадоў зьняволеньня).

Беларус ваяваў на баку Расеі ў батальёне «Ветеран» (створаны ПВК «Редут») — служыў кулямётчыкам-рэтрансьлятарам. Паводле кантракту меў атрымліваць 3600 даляраў на месяц:

https://rferl.link/Vbmb


У Нямеччыне маглі рыхтаваць ўзброены напад на канстытуцыйныя органы.

Падчас антытэрарыстычнай апэрацыі затрымалі сама меней 25 чалавек.

Гэта так званыя «рэйхсбюргеры» — гатовыя да гвалту ўдзельнікі праварадыкальнага руху, якія не прызнаюць існаваньне ФРГ і лічаць сябе грамадзянамі «германскага рэйха».

https://rferl.link/R039


55 мільёнаў даляраў

Столькі атрымала Ўкраіна ад выкарыстаньня сканфіскаваных расейскіх і беларускіх чыгуначных вагонаў, кантэйнэраў і прадукцыі.

https://rferl.link/5A5D


Эўракамісія прыняла новую праграму дапамогі беларускаму народу ў памеры 25 мільёнаў эўра

Асноўныя напрамкі дапамогі — падтрымка грамадзянскай супольнасьці, студэнтаў і акадэмічных спэцыялістаў. Новы пакет дапамогі прадугледжвае вылучэньне 450 стыпэндый для студэнтаў, 500 прафэсійных абменаў, дае дадатковыя адукацыйныя магчымасьці.

Пасьля выбараў 2020 году ЭЗ падтрымаў народ Беларусі ўжо больш як на 100 мільёнаў эўра:

https://rferl.link/bJnl


Асобай году, паводле амэрыканскага часопісу Time, стаў Уладзімір Зяленскі і Дух Украіны.

Раней брытанскі часопіс The Financial Times таксама абраў прэзыдэнта Ўкраіны Чалавекам году.

20 ta oxirgi post ko‘rsatilgan.