ДАЙ ПАСЛУХАЦЬ

ГЛЫБОКІ АЛЬБОМ БЕЗ СЛОВАЎ.
МЕДЫТАЦЫЯ АД ВАЙЦЮШКЕВІЧА.

Пачынаем 2025 год з новых рэлізаў.

Альбом Зміцера Вайцюшкевіча "Кропкі на мапе" — гэта ўнікальны музычны праект, у якім кожны трэк прысвечаны пэўным мясцінам Беларусі. У ім няма словаў — толькі інструментальная музыка, якая перадае атмасферу і настрой гарадоў, пушчаў, рэк і іншых знакавых мясцін краіны.
Гэта своеасаблівая гукавое падарожжа па Беларусі, дзе праз мелодыі можна адчуць подых Налібоцкай пушчы, цішыню ў палескіх балотах, гістарычны дух Наваградка, веліч Свіцязя, мінскія і барысаўскія матывы. Кожны трэк — гэта гукавы партрэт, які раскрывае сутнасць і характар канкрэтнага месца.

Зміцер Вайцюшкевіч стварае музыку, якая дакранаецца да душы і выклікае моцныя асацыяцыі з роднымі краявідамі.

Гэты альбом ідэальна падыходзіць для тых, хто любіць Беларусь, для тых, хто сумуе па яе прыродзе і гісторыі, і для тых, хто шукае натхнення ў гуках роднай зямлі.

"Кропкі на мапе" — гэта не проста альбом, а сапраўдная эмацыйная мапа, якая спалучае ў сабе мінулае і сучаснасць нашай краіны. Ён стане спадарожнікам у паездках, шпацырах або ціхіх вечарах, калі хочацца адчуць сувязь з беларускім краем.

СЛУХАЦЬ АЛЬБОМ: https://open.spotify.com/album/5ElKrWETZSSxW3d8lc98YP

Гурт 12: ПЯТЛЯ ПРЫХІЛЬНАСЦІ
1 красавіка ў твітары мы пажартавалі пра тое, што новы альбом Пятлі беларускамоўны і мае назву “Цноту”. З назвай мы прагадалі, але “цноту” музыкі і праўда страцілі. Новы альбом складаецца з 8 беларускамоўных трэкаў. Мы паспелі яго паслухаць і радыя падзяліцца тым, што нам спадалася, каб ранкам вам было лягчэй.

Квант – ужо знаёмая многім песня, з якой і распачынаецца альбом.
Алоха – такая лірычная песня, якую можна слухаць на ноч, каб рэлаксаваць.
Катлаван – у чарговы раз можна пераканацца, што вакал стаў больш мілагучным, аж плыве Ілля па трэку. І мы за ім.
Дэдлайн – адчуваецца сучасны пост-панк, ставім на хітовасць гэтай песні. Ну і не дарма каля песні стаіць літарка Е -- яна азначае, што ў песні можа быць грубасць. Знайдзіце яе ў песні і напішыце нам у каменты.
Хавай – націск у песні на другое А. Песня не перагружана тэкстам, але прыпеў запамінальны і высокі.
Катастрофа – адчуваецца Касіяпея, не інакш. І адначасова песня нагадвае гурт Luty sakavik “Vostraja”.
Жах – песня атрымала новае гучанне, больш меланхалічнае. На гэты раз тэкст добра чуецца. І якія ж прыгожыя гітарныя партыі.
Штосьці добрае – песня, з якой добра скончыць не толькі альбом, але і канцэрты.

Агулам можам заўважыць, што Пятлі пасуе беларуская мова, але з іншага боку з беларускай мовай Пятля не так “грузіць” сэнсамі і балючымі тэкстамі, як раней.

Наш топ-3 складаецца з: Алоха, Дэдлайн, Жах.

СЛУХАЦЬ: https://band.link/Superpazicyia