cybulinka.

Суадносіны даўжыні ўказальнага і безыменнага пальцаў ніяк не зьвязаныя з узроўнем тэстастэрону ў мужчын. Такія высновы робяць польскія навукоўцы ў новым артыкуле. Яны шукалі карэляцыю паміж пальцавым індэксам і ўзроўнем тэстастэрона ў 93 мужчын - і не знайшлі.
Упершыню метрыку пальцавага індэксу навукоўцы апісалі ў 1930-м годзе, пасьля гэтага зьявілася шмат работ, якія то абвяргалі, то пацьвярджалі мэтазгоднасьць прымяненьня індэкса.

Дасьледнікі з лябараторыі рэактыўнага руху NASA запусьцілі новы праект грамадзянскай навукі. На адмысловым сайце ахвочым прапануецца навучыць алгарытм распазнаваць мясцовасьць на Марсе. Для гэтага трэба толькі адзначаць розныя тыпы рэльефу на прапанаваных фотаздымках. Пасьля навучаньня алгарытм будзе выкарыстоўвацца на марсаходах Perseverance і Curiosity для выяўленьня небясьпечных зон рэльефа і вострых камянёў.

Малекулы арганічных рэчываў знаходзяць ў космасе даволі часта. Сустракаюцца яны ў газавых скопішчах вакол маладых зорак, у ядрах камэт і на спадарожніках плянэт сонечнай сыстэмы. Аднак дакладна невядома, якім чынам яны ўтварыліся. Меркавалася, што арганічныя малекулы ўзьнікаюць на пакрытых ільдом часьцінках касьмічнай пылі пад уплывам ультрафіялетавага выпраменьваньня ад протазорак. Новы артыкул у ApJ можа прымусіць пераглядзець гіпотэзу ўтварэньня арганікі ў космасе.
Аўтары вывучылі згусткі газу ў сузор'і Цяльца, зь якіх у будучыні могуць сфармавацца зоркі, падобныя на Сонца, і знайшлі там прыкметы метанола і ацэтальдэгіда.

З дапамогай кампутарнай тамаграфіі ў трох шымпанзэ з фіброзам міякарда знайшлі косткі ў сэрцы. Усе тры косткі маюць памер некалькі мілімэтраў, дзьве зь іх губчастыя па структуры. Хутчэй за ўсё прычынай утварэньня костак стаў фіброз, але навукоўцы не выключаюць, што гэта частка нармальнай анатоміі шымпанзэ. Падобныя косткі апісаныя для пустарогіх парнакапытных Bovidae і выдраў Lutra lutra.

Італьянскія і амэрыканскія навукоўцы праверылі магчымасьць паўплываць на ўзровень пазяханьня непрамым ахалоджваньнем мазгоў. Для гэтага адмыслоўцы прапанавалі 92 студэнтам паглядзець хвіліннае відэа з пазяханьнямі, аднак перад гэтым ім трэба было 5 хвілін трымаць каля соннай артэрыі халодны, цёплы ці нейтральны (хатняй тэмпературы) тэрмапакет. Падчас прагляду дасьледнікі фіксавалі колькасьць пазяханьняў і тэмпературу, а пасьля студэнты запаўнялі адмысловую апытанку. Такім чынам высьветілася, што цёплы пакет (42 С) за 5 хв. павышаў тэмпературу мазгоў на 0,26 градусаў, а халодны (4 С) — паніжаў на тую ж велічыню. Пазяхаць мацней хацелася тым, хто да прагляду відэа трымаў цёплы пакет (85%), таксама ў гэтай групе была і вышэйшая частата позехаў.
Вынікі работы даюць яшчэ адзін доказ таго, што пазяханьне — механізм тэрмарэгуляцыі мазгоў, аднак аўтары зьвяртаюць увагу на тое, што яны не вымяралі тэмпературу ўнутры чэрапа, таму не маюць прамых доказаў эфэктыўнасьці тэрмапакетаў.

Дасьледнікам з Вялікабрытаніі і Польшчы ўдалося сынтэзаваць нуклеазіды ДНК і РНК з адных і тых жа кампанентаў. Гэта сьведчыць пра тое, што нуклеінавыя кіслоты абодвух тыпаў маглі ўтварыцца адначасова, а не пасьлядоўна: спачатку РНК, а потым ДНК (РНК-сьвет).
Тая ж група навукоўцаў ужо ладзіла падобны досьлед у 2009 годзе: тады яны спрабавалі стварыць нуклеазіды з простых малекул (HCN і інш.) пад уплывам ультрафіялета. У выніку была паказана магчымасьць зборкі «цаглінак» нуклеінавых кіслот не толькі з вуглявода і азоцістай асновы. Аўтары у тым досьледзе атрымалі адразу злучэньні з рыбозай і пірымідынам, а вось у новай рабоце было вырашана прааналізаваць прамежныя прадукты рэакцыі 2009 года. Такім чынам высьветлілася, што прадукты апісаных рэакцый утрымліваюць усе неабходныя для пабудовы малекул РНК і ДНК нуклеазіды.

Амэрыканскія навукоўцы вырасьцілі кавалак чалавечай скуры з эмбрыянальных клетак in vitro. Вывучэньне арганоіда паказала, што ў ім сфармаваліся не толькі асноўныя часткі скуры - дэрма і эпідэрміс, але і валасяныя фалікулы. Пасьля перасадкі гэтага кавалка скуры пацуку на ім пачалі расьці валасы.
Аднак такім мэтадам немагчыма будзе скарыстацца для тэрміновага лекаваньня апёкаў праз нізкую хуткасьць разьвіцьця ўзораў. Самі аўтары жартуюць, што зрабілі чарговы крок наперад у барацьбе з пацучыным аблысеньнем.

Учора адбыўся запуск Crew Dragon, пры гэтым ракета-носьбіт Falcon 9 пасьпяхова вярнулася на плятформу. Сёньня мусіць адбыцца стыкоўка касьмічнага карабля з МКС у 17:27. Глядзець можна ужо зараз.
Таксама Ілан Маск, у камэнтары NASA TV, нагадаў, што яшчэ трэба бясьпечна вярнуць астранаўнаў на Зямлю. Калі адбудзецца вяртаньне — пакуль невядома.
UPD. Стыкоўка адбылася раней меркаванага часу.

У 2018-м годзе аўстралійскія дызайнеры разам з дасьледнікамі тэхналягічнага ўнівэрсытэта ў Мэльбурне распрацавалі адмысловы шрыфт для запамінаньня інфармацыі - Sans Forgetica (SF). Меркавалася, што праз складанасьць новага шрыфту людзі будуць прыкладаць больш намаганьняў, каб зразумець напісанае, у выніку чаго інфармацыю будзе лягчэй запомніць.
Навукоўцы зладзілі невялікі досьлед з удзелам 303 чалавек: іх падзялілі на дзьве групы і прапанавалі прачытать і запомніць пары слоў, толькі для першай групы выкарыталі шрыфт SF, а для другой звычайны Arial. У выніку ахвочыя з першай групы запомнілі на 7% болей, чым удзельнікі з другой групы. Аднак ужо ў досьледах, дзе людзям трэба было не толькі запамінаць і і ўспамінаць словы, а яшчэ рашаць прыклады ў перапынку, вынікі былі не на баку Sans Forgetica. У залежнасьці ад таго, колькі часу удзельнікі рашалі прыклады, яны ўспаміналі на 10,26-13,52% меней. Тым не менш, аўтары не выключаюць, што для некаторых людзей Sans Forgetica можа стаць карысным.

Рыбкі Danio rerio хутка множацца, а іх генамі лёгка маніпуляваць, менавіта таму яны сталі адным з ўлюбёных мадэльных арганізмаў у генэтыкаў і не толькі. Дзякуючы гэтым маленькім рыбкам навукоўцы могуць разабрацца ў агульных аспэктах эмбрыягенэза, старэньня і палавых паводзінаў хрыбетных. Зараз стала вядома, што навукоўцы знайшлі ў рыбак новы палавы гармон - сакрэтанэўрын. Як высьветлілася, ён рэгулюе заляцыньне: мутантныя асобіны, арганізм якіх не сынтэзуе названы гармон, не праяўлялі інтарэсу да магчымых партнёраў.
Цікава, што сакрэтанэўрын не характэрны толькі для рыб: падобныя злучэньні можна знайсьці і ў чалавека.

Імунныя клеткі ў ракавай пухліне.
Дасьледнікам удалося паказаць, што наяўнасьць адмысловых генаў ApoE у ДНК чалавека можа ўзмацняць адказ на ракавыя клеткі, у выніку чаго памяншаецца рызыка метастаза мэляномы. Больш інфармацыі пра анкалягічныя захворваньні шукайце ў канале Онко-talk.

Фота: Elizabeth and Vincent Meyer/Laboratory of Systems Cancer Biology at The Rockefeller University

Асноўныя складнікі вадкасьцяў для электронных цыгарэт - прапіленгліколь і гліцарына - правакуюць негатыўныя зьмены мікрабіёты дзёснаў: бактэрыі пачынаюць актыўней утвараць біяплёнку, што выклікае запаленьне. Пра гэта гаворыцца ў апублікаваным у Science Advances дасьледваньні. Аўтары заўважаюць, што апісаны факт ставіць вэйпінг ў адзін рад са "звычайным" курэньнем.