📢 Арыштаваў лепшы сябар дзяцінства: гісторыя Мікалая Ляпешкі

Мікалая выпусцілі да наступнага судовага паседжання, бо ён шматдзетны бацька. Гэтыя пару дзён на свабодзе дазволілі яму эвакуавацца з Беларусі ў Польшчу.

У Ваўкавыску 11 студзеня 2024 года распачаўся суд паводле ч. 1 арт. 342 Крымінальнага кодэксу (актыўны ўдзел у дзеяннях, якія груба парушаюць грамадскі парадак) адразу над 10 мужчынамі. У якасці абвінавачанага па масавай справе выступаў і наш герой.

– Ад турмы мяне выратавалі дзеці, – распавядае, – а арыштоўваў найлепшы сябар дзяцінства. Я прасіў дапамогу ў літоўскіх памежнікаў, а мая жонка з дзецьмі ў польскіх. Ні ў каго з нас не было візаў. Сцэнары маглі быць розныя. Не перадаць словамі гэтае пачуццё жаху і адчаю!

🙏Каманда Беларускага Дома цешыцца тым, што Мікалай разам са сваёй сям’ёй знаходзяцца ў бяспецы

Гэтая падтрымка стала магчымай дзякуючы Міністэрству замежных спраў Чэхіі🇨🇿 і Амбасадзе Чэхіі ў Польшчы. Далучайся да дапамогі для сем’яў былых беларускіх палітвязняў з дзецьмі