"Беларуская мова і літаратура"

​​Чытайце ў снежаньскім нумары!

▫Два ўрокі на адну тэму ▫

VІІ клас

Мікола Шабовіч. «Хоць не бачыў чужых я краін…»
Н. Л. Цвірко

Верш М. Шабовіча «Хоць не бачыў чужых я краін...»
Т. М. Раманенка

Верш Міколы Шабовіча «Хоць не бачыў чужых я краін...» — адзін з твораў, якія з нядаўняга часу фігуруюць у вучэбнай праграме па беларускай літаратуры для ўстаноў агульнай сярэдняй адукацыі.

Сцэнарыі ўрокаў па гэтым творы падрыхтавалі Н.Л.Цвірко, настаўніца ДУА «Навучальна-педагагічны комплекс Скрыбаўскі дзіцячы сад — сярэдняя школа Шчучынскага раёна», Т.М.Раманенка, настаўніца вышэйшай катэгорыі ДУА «Пянчынская сярэдняя школа Буда-Кашалёўскага раёна». Мэта распрацовак — дапамагчы асэнсаваць ідэйны змест і мастацкія асаблівасці верша «Хоць не бачыў чужых я краін…».

У наступным годзе часопіс плануе надрукаваць распрацоўкі ўрокаў па творах М.Пазнякова, У.Саламахі, А.Зэкава, У.Мазго і інш. Творы гэтых аўтараў нядаўна прапанаваны для вывучэння ў VІІІ класе.

〰️〰️〰️〰️〰️〰️〰️〰️〰️〰️
❗️ Падпісацца:
🔷 на снежаньскі нумар часопіса (праз Белпошту — да 25 лістапада)
🔷 на І паўгоддзе 2025 года (праз Белпошту — да 25 снежня, праз сайт выдавецтва — да 18 снежня)
Белпошта
Выдавецтва «Адукацыя і выхаванне»

​​📚 Выдавецтва «Адукацыя і выхаванне» прапануе 📚

Я зноў перажыў вайну
М. Шыманскі

У кнізе змешчаны ўспаміны вядомага беларускага публіцыста, журналіста і пісьменніка Міхаіла Шыманскага пра дзяцінства, цяжкія выпрабаванні яго сям’і і землякоў у гады Вялікай Айчыннай вайны.

Выданне адрасавана найперш дзецям сярэдняга школьнага ўзросту, моладзі, а таксама ўсім, хто цікавіцца гісторыяй Вялікай Айчыннай вайны.

📕 Набыць кнігу

​​Чытайце ў лістападаўскім нумары!

Аповесць Уладзіміра Караткевіча «Лісце каштанаў»: крыжаванка
Л.М.Балуева

❓ Дзе знаходзіўся інтэрнат, куды трапіў галоўны герой — апавядальнік аповесці У.Караткевіча «Лісце каштанаў»?

❓ Якое слова прапушчана ў сказе з твора: «І ў гэты … час наша апаленае, спаленае, наша забітае вайной, наша знявечанае юнацтва заўсёды, заўсёды ўспамінаецца мне»?

❓ Якое прозвішча дзяўчынкі, што пакахаў галоўны герой аповесці?

Гэтыя і іншыя пытанні прапануюцца ў крыжаванцы па аповесці У.Караткевіча «Лісце каштанаў», якую склала настаўніца вышэйшай катэгорыі Л.М.Балуева (г.Магілёў).

Выяву сеткі да крыжаванкі ў вялікім памеры і прыдатную да раздрукоўкі можна атрымаць па спасылцы.

➡ Спампаваць

〰️〰️〰️〰️〰️〰️〰️〰️〰️〰️
❗️ Падпісацца на І паўгоддзе 2025 года:
Белпошта (да 25 снежня)
Выдавецтва «Адукацыя і выхаванне» (да 18 снежня)

​​Глядзіце ў лістападаўскім нумары!

✴️ Каляровы партрэт Язэпа Семяжона
Аўтар А.Прынькова

Язэп Семяжон (Семяжонаў Іосіф Ігнатавіч) — выдатны беларускі перакладчык, пісьменнік, крытык, педагог, заслужаны работнік культуры Беларусі, лаўрэат Дзяржаўнай прэміі Беларусі імя Янкі Купалы, удзельнік Вялікай Айчыннай вайны.

Нарадзіўся 16 лістапада 1914 года ў вёсцы Пятровічы Ігуменскага павета (цяпер Смалявіцкі раён Мінскай вобласці). Пасля заканчэння сярэдняй школы працаваў рахункаводам у калгасе. У 1931 годзе паступіў на драматургічныя курсы ў Мінску, і праз некаторы час учарашні вясковы юнак стаў акцёрам Трэцяга беларускага дзяржаўнага тэатра (вядомы таксама як вандроўны тэатр ці трупа Галубка). У 1934—1938 гадах вучыўся ў Мінскім дзяржаўным педагагічным інстытуце. У студэнцкі час надрукаваў на старонках газеты «Літаратура і мастацтва» свой першы паэтычны пераклад (з паэзіі Джорджа Байрана).

Служыў у Чырвонай Арміі: быў курсантам афіцэрскай школы ў Маскве, камандзірам узвода разведвальнага палка. Удзельнічаў у паходзе ў Заходнюю Беларусь, савецка-фінскай вайне, дзе атрымаў раненне. Да сакавіка 1942 года знаходзіўся на Заходнім фронце, у 1942—1945 гадах быў ваенным перакладчыкам. Узнагароджаны двума ордэнамі Чырвонай Зоркі, двума медалямі «За баявыя заслугі», медалямі «За абарону Масквы», «За ўзяцце Кёнігсберга» і інш.

Пасля вайны — перакладчык, рэферэнт разведаддзела штаба Беларускай ваеннай акругі. З 1953 года быў на выкладчыцкай працы ў Мінскім сувораўскім ваенным вучылішчы (да 1960 г.), потым выкладаў замежныя мовы ў БДУ (1961—1975), адначасова працаваў у рэдакцыі часопіса «Беларусь».

Пайшоў з жыцця 16 жніўня 1990 года.

Язэп Семяжон — паліглот (ведаў больш за 25 замежных моў). Майстар, класік беларускага мастацкага перакладу. Перакладаў больш чым з трыццаці моў. Большую частку з літаратурнай спадчыны складаюць пераклады з заходнееўрапейскіх моў — творы Роберта Бёрнса, Уільяма Шэкспіра, Бертольда Брэхта, Генрыха Гейнэ, Дантэ Аліг'еры, Джорджа Байрана, Джані Радары, Уолта Уітмена, Джона Кітса і інш. Шмат увагі аддаў Язэп Семяжон перакладам твораў славянскіх паэтаў. Так, па-беларуску ён пераўвасобіў вершы і санеты, паэму «Пан Тадэвуш» Адама Міцкевіча.

Сапраўднай падзеяй культурнага жыцця Беларусі стаў пераклад лацінамоўнай паэмы Міколы Гусоўскага «Песня пра зубра (гэты пераклад прапануецца ў школьным курсе беларускай літаратуры ў ІХ класе).

✴️ Фотаздымак помніка Яну Скрыгану (1905—1992) побліз вёскі Гарадзішча Слуцкага раёна (каля былога фальварка Хваявіца Слуцкага павета). Адкрыты 19 лістапада 2023 года. Фота Т.І.Корзун.

〰️〰️〰️〰️〰️〰️〰️〰️〰️〰️
✅ Падпісацца на І паўгоддзе 2025 года:
Белпошта (да 25 снежня)
Выдавецтва «Адукацыя і выхаванне» (да 18 снежня)

​​Чытайце ў лістападаўскім нумары!

Лірыка Янкі Купалы:
песеннасць і музыка паэтычнага слова
А. І. Бельскі

У артыкуле доктара філалагічных навук, прафесара (Беларускі дзяржаўны ўніверсітэт) А.І.Бельскага вылучаюцца такія мастацка-стылёвыя асаблівасці лірычнай творчасці Янкі Купалы, як песеннасць, музычнасць, эўфанічная выразнасць і інш. Аўтар на багатым тэкставым матэрыяле паказвае, што песня — метакод у паэтычнай свядомасці беларускага класіка.

Матэрыял артыкула можна выкарыстаць пры вывучэнні паэзіі Янкі Купалы ў ІХ, Х класах устаноў агульнай сярэдняй адукацыі, у самастойнай навукова-даследчай працы, пры падрыхтоўцы літаратурна-музычных мерапрыемстваў.

Выява: гравюра В.Шаранговіча на вокладцы выдання «Адвечная песня» Янкі Купалы (1981).

〰️〰️〰️〰️〰️〰️〰️〰️〰️〰️
❗️ Замовіць часопіс можна па тэл.:
(+375 17) 322-93-25.

✅ Падпісацца на І паўгоддзе 2025 года:
Белпошта (да 25 снежня)
Выдавецтва «Адукацыя і выхаванне» (да 18 снежня)

​​✅ Чытайце ў часопісе № 11
〰️〰️〰️〰️〰️〰️〰️〰️〰️〰️

Запрашаем на ўрок
▫️ Навумчык М. І. Генадзь Аўласенка. Казка «Чаму Дукоры такую назву маюць» (урок дадатковага чытання ў VІ класе)
▫️ Графутка В. Д. Еўдакія Лось. «Дзяўчаты мінулай вайны» (урок у VІІ класе)
▫️ Маліноўская Н. І. Францішак Багушэвіч. Прадмова да зборніка «Дудка беларуская» (урок у ІХ класе)
▫️ Казакевіч-Альшанец Н. Г. Рабочыя аркушы да ўрокаў беларускай літаратуры (Н. Гілевіч, ХІ клас)
▫️ Арцюшэнка Н. П. Сказы са звароткамі, знакі прыпынку (першы ўрок па тэме, V клас)
▫️ Балышэва В. В. Сказы са звароткамі, знакі прыпынку (першы ўрок па тэме, V клас)

Методыка і вопыт
▫️ Якімовіч А. М. Вывучаем часціны мовы: практыкум

Рыхтуемся да алімпіяды
▫️ Зубко А. С. «Прырода — найцікавейшая кніга…» (тэматычны дыдактычны матэрыял да ўрокаў беларускай мовы)
▫️ Троцкая Т. А. Алімпіядныя заданні па беларускай літаратуры: практычны матэрыял для падрыхтоўкі
(VІІ клас)

Рыхтуемся да тэсціравання
▫️ Васілевіч С. Л. Падрыхтоўка да цэнтралізаванага экзамену па беларускай мове: практычныя заданні з адказамі: комплексы №№ 30—31

Навуковыя публікацыі
▫️ Бельскі А. І. Лірыка Янкі Купалы: песеннасць і музыка паэтычнага слова

Пазакласная работа
▫️ Рыпінская Н. Б., Бекіш Ж. В. «Калядкі — добрыя святкі!» (гульнёва-пазнавальная праграма з элементамі тэатралізацыі для вучняў VІІІ—Х класаў)

Займальны матэрыял
▫️ Аповесць Уладзіміра Караткевіча «Лісце каштанаў»: крыжаванка. Склала Л. М. Балуева

〰️〰️〰️〰️〰️〰️〰️〰️〰️〰️
❗️ Замовіць часопіс можна па тэл.:
(+375 17) 322-93-25.

✅ Падпісацца на І паўгоддзе 2025 года:
Белпошта (да 25 снежня)
Выдавецтва «Адукацыя і выхаванне» (да 18 снежня)

​​Чытайце ў лістападаўскім нумары!

«Прырода — найцікавейшая кніга…»
(тэматычны дыдактычны матэрыял да ўрокаў беларускай мовы)
А. С. Зубко

Багаты дыдактычны матэрыял, падабраны настаўніцай вышэйшай катэгорыі ДУА «Пліская сярэдняя школа Глыбоцкага раёна» А.С.Зубко, прыдасца пры вывучэнні пэўных тэм і раздзелаў школьнага курса беларускай мовы, пры падрыхтоўцы навучэнцаў V—IX класаў да прадметнай алімпіяды.

Прапануюцца заданні па фанетыцы, арфаграфіі, пунктуацыі, лексіцы і фразеалогіі. У якасці лінгвістычнага матэрыялу выкарыстаны творы Якуба Коласа, Максіма Багдановіча, Цішкі Гартнага, Леаніда Дайнекі, Вячаслава Стомы, Анатоля Бутэвіча і інш.

Да ўсіх заданняў даюцца адказы.

〰️〰️〰️〰️〰️〰️〰️〰️〰️〰️
❗️ Замовіць часопіс можна па тэл.:
(+375 17) 322-93-25.

✅ Падпісацца на І паўгоддзе 2025 года:
Белпошта (да 25 снежня)
Выдавецтва «Адукацыя і выхаванне» (да 18 снежня)

​​Чытайце ў лістападаўскім нумары!

Рабочыя аркушы да ўрокаў
беларускай літаратуры
(Н. Гілевіч, ХІ клас)
Н. Г. Казакевіч-Альшанец

Рыхтуецца да друку працяг серыі рабочых аркушаў, якія распрацавала Н.Г.Казакевіч-Альшанец, настаўніца вышэйшай катэгорыі ДУА «Сярэдняя школа №5 г.Пружаны». Чарговы дыдактычны матэрыял дапаможа адзінаццацікласнікам пры вывучэнні творчасці Ніла Гілевіча. У дапамогу настаўніку прапанаваны аркушы: «Лірыка Ніла Гілевіча», «Ніл Гілевіч. Раман у вершах “Родныя дзеці”», «Ніл Гілевіч. Раман у вершах “Родныя дзеці”: вобразная сістэма»

Заданні падаюцца ў разнастайных формах: падабраць тры цікавыя факты пра Ніла Гілевіча, разгадаць кросэнс, узнавіць паэтычныя радкі; зрабіць пастрофны малюнак верша; запоўніць гексы, пазл, кластар, вызначыць праблематыку рамана ў вершах «Родныя дзеці» паводле сімвалічных малюнкаў, скласці калейдаскоп, пазнаць герояў твора па іх характарыстыках і інш. Апрача гэтага прадугледжаны творчыя заданні, дзе вучням прапануецца паразважаць над тым ці іншым пытаннем.

Распрацоўка суправаджаецца выбарачнымі адказамі.

〰️〰️〰️〰️〰️〰️〰️〰️〰️〰️
❗️ Замовіць часопіс можна па тэл.:
(+375 17) 322-93-25.

✅ Падпісацца на І паўгоддзе 2025 года:
Белпошта (да 25 лістапада)
Выдавецтва «Адукацыя і выхаванне» (да 18 лістапада)

​​Чытайце ў лістападаўскім нумары!

Алімпіядныя заданні
па беларускай літаратуры:
практычны матэрыял для падрыхтоўкі (VІI клас)
Т. А. Троцкая

Прапанаваны комплекс заданняў працягвае цыкл публікацый настаўніцы вышэйшай катэгорыі Т.А.Троцкай па падрыхтоўцы да прадметнай алімпіяды для навучэнцаў V—VIII класаў, які пачаў друкавацца на старонках часопіса «Беларуская мова і літаратура» ў №№9, 10 у 2024 годзе.

З дапамогай гэтага матэрыялу можна не толькі праверыць тэарэтычныя і літаратурныя веды, але і замацаваць іх. Пры выкананні заданняў сямікласнікі супастаўляюць факты, знаходзяць тое, што аб’ядноўвае факты, вызначаюць «лішняе» і тлумачаць свой выбар, згадваючы інфармацыю, якой не хапае. Не так проста разгадаць крыжаванкі з літаратуразнаўчымі тэрмінамі, а таксама назваць творы паводле цытат ці падказак, даць тлумачэнне лексічнага значэння слоў з мастацкіх твораў і інш.

На ўсе прапанаваныя заданні даюцца адказы.

Алімпіядныя заданні будуць карысныя на ўроках, а таксама пры правядзенні літаратурных конкурсаў, турніраў, віктарын, інтэлектуальных гульняў.

〰️〰️〰️〰️〰️〰️〰️〰️〰️〰️
❗️ Замовіць часопіс можна па тэл.:
(+375 17) 322-93-25.

✅ Падпісацца на І паўгоддзе 2025 года:
Белпошта
Выдавецтва «Адукацыя і выхаванне»

​​Чытайце ў лістападаўскім нумары!

Сказы са звароткамі, знакі прыпынку
(першы ўрок па тэме, V клас)
В. В. Балышэва

Вучэбна-метадычны матэрыял у рубрыцы «Два ўрокі на адну тэму», падрыхтаваны настаўніцай вышэйшай катэгорыі ДУА «Сярэдняя школа №6 г.Пінска» В.В.Балышэвай, дапаможа настаўніку даць вучням уяўленне пра зваротак, пра ўжыванне яго ў маўленні, спосабы выражэння зваротка і яго месца ў сказе. Частку матэрыялу настаўнік скарыстае пры арганізацыі практычнай дзейнасці пяцікласнікаў па прымяненні ведаў: яны будуць вучыцца знаходзіць звароткі ў сказах, адрозніваць назоўнікі ў назоўным склоне ў ролі дзейніка і зваротка, ужываць звароткі ў разнастайных маўленчых сітуацыях, а таксама ў іх будуць выпрацоўвацца навыкі пастаноўкі знакаў прыпынку ў сказах са звароткамі.

Апрача заданняў па тэме распрацоўка ўрока змяшчае заданні на веданне азначэнняў пэўных моўных паняццяў (дзеяслоў, канчатак, займеннік і інш.), правапісу літары я.


〰️〰️〰️〰️〰️〰️〰️〰️〰️〰️
❗️ Замовіць часопіс можна па тэл.:
(+375 17) 322-93-25.

​​Чытайце ў лістападаўскім нумары!

Генадзь Аўласенка. Казка «Чаму Дукоры такую назву маюць»
(урок дадатковага чытання ў VІ класе)
М. І. Навумчык

Матэрыял, падрыхтаваны намеснікам дырэктара па вучэбна-метадычнай рабоце Маларыцкай раённай гімназіі М.І.Навумчыкам, дапаможа настаўніку правесці зацікаўленую гутарку з вучнямі пра казку Г.Аўласенкі «Чаму Дукоры такую назву маюць», асэнсаваць яе змест.

Матэрыял урока дае магчымасць пазнаёміць з казачнай версіяй паходжання назвы мясцовасці, будзе садзейнічаць развіццю навыкаў выразнага чытання і вуснага маўлення вучняў, папаўненню іх лексічнага запасу. Метадычная распрацоўка скіравана на тое, каб падтрымліваць цікавасць да кнігі і чытання, выхоўваць павагу да гістарычнага мінулага беларускага краю, пачуццё любові да родных мясцін.

Казка Г.Аўласенкі «Чаму Дукоры такую назву маюць» уключана ў спіс дадатковага чытання ў VІ класе.

Выява: вокладка кнігі «Таямніцы назваў» (2022), у якой змешчана казка «Чаму Дукоры такую назву маюць».

〰️〰️〰️〰️〰️〰️〰️〰️〰️〰️
❗️ Замовіць часопіс можна па тэл.:
(+375 17) 322-93-25.

​​Да юбілею.

Максім Лужанін — вядомы беларускі паэт, празаік, перакладчык, кінасцэнарыст. Заслужаны дзеяч мастацтваў Беларускай ССР, лаўрэат Літаратурнай прэміі БССР імя Якуба Коласа.

Нарадзіўся будучы паэт (сапраўднае яго імя — Аляксандр Амвросьевіч Каратай) 2 лістапада 1909 года ў вёсцы Прусы Cлyцкaгa пaвeта Miнcкaй гyбepнi (цяпep Caлiгopcкi paён Miнcкaй вoблacцi) у сялянскай сям’і.

Скончыў Мінскі беларускі педагагічны тэхнікум (1928), вучыўся на літаратурна-лінгвістычным аддзяленні педагагічнага факультэта БДУ (1928—1930). Уваходзіў у літаратурныя аб’яднанні «Маладняк», «Узвышша». Працаваў у рэдакцыі часопіса «Узвышша» (1930—1931), на Беларускім радыё. Быў рэпрэсіраваны ў 1933 г. і высланы ў Сіблаг (рэабілітаваны ў 1956 годзе). У 1935—1941 гг. знаходзіўся на выдавецкай працы ў Маскве.

На пачатку Вялікай Айчыннай вайны прызваны ў Чырвоную Армію. Пасля заканчэння Падольскага пяхотнага вучылішча (1942) удзельнічаў у баях пад Масквой і Сталінградам. Пасля дэмабілізацыі з арміі (1944) вярнуўся ў Мінск. Працаваў у рэдакцыях газеты «Звязда», часопіса «Вожык», быў рэферэнтам Акадэміі навук БССР (асабісты сакратар Якуба Коласа). З 1959 года — член сцэнарнай калегіі, у 1957—1971 гг. — галоўны рэдактар кінастудыі «Беларусьфільм».

Памёр 13 кастрычніка 2001 года.

Упершыню выступіў у друку ў 1925 годзе. Аўтар шматлікіх паэтычных кніг. Выйшлі яго «Выбраныя творы» ў двух тамах (1960), «Збор твораў» у трох тамах (1968—1970), «Збор твораў» у чатырох тамах (1979).
Працаваў таксама ў галіне прозы, крытыкі, публіцыстыкі. Цікавасць і сёння выклікае кніга М.Лужаніна «Колас расказвае пра сябе», якая вытрымала некалькі выданняў.

Аповесць Максіма Лужаніна «Добры хлопец Дзік» вывучаецца на ўроках беларускай літаратуры ў V класе.

Выява: каляровы партрэт Максіма Лужаніна, змешчаны ў №11 нашага часопіса за 2019 год. Аўтар А.Прынькова.

​​Чытайце ў лістападаўскім нумары!

Сказы са звароткамі, знакі прыпынку
(першы ўрок па тэме, V клас)
Н. П. Арцюшэнка

Галоўная мэта ўрока камбінаванай будовы, падрыхтаванага настаўніцай вышэйшай катэгорыі ДУА «Сярэдняя школа №14 г.Мазыра» Н.П.Арцюшэнка, — знаёмства са звароткам і пастаноўкай знакаў прыпынку пры ім (на прыкладах з твораў М.Багдановіча).

Значная ўвага надаецца працы з тэкстамі, якая спрыяе развіццю ў вучняў пісьменнасці, агульнакультурнай і чытацкай кампетэнтнасці, а таксама садзейнічае маральна-эстэтычнаму выхаванню, сацыяльнай адаптацыі навучэнцаў.

〰️〰️〰️〰️〰️〰️〰️〰️〰️〰️
❗️ Замовіць часопіс можна па тэл.:
(+375 17) 322-93-25.

​​Чытайце ў лістападаўскім нумары!

Еўдакія Лось. «Дзяўчаты мінулай вайны»
(урок у VІІ класе)
В. Д. Графутка

Матэрыял урока, падрыхтаваны настаўніцай ДУА «Сярэдняя школа №11 г.Оршы» В.Д.Графутка, дапаможа вучням даведацца пра асобу Еўдакіі Лось (сцісла пададзены біяграфічныя звесткі пра паэтку), асэнсаваць разам з настаўнікам тэму і ідэю верша «Дзяўчаты мінулай вайны».

Прапанаваныя пытанні даюць магчымасць засяродзіць увагу на змесце твора, вызначыць ролю сродкаў выразнасці ў ім. Змешчана кароткае паведамленне пра ролю жанчын у час Вялікай Айчыннай вайны. Распрацоўка спрыяе таму, каб выклікаць пачуццё ўдзячнасці ўдзельнікам вайны за перамогу над фашызмам і мір на зямлі.

На ўсе пытанні ў распрацоўцы ўрока даюцца адказы.

Выява: Р.Кудрэвіч. Вясна. 1945. Ілюстрацыя ў вучэбным дапаможніку па беларускай літаратуры для 7-га кл. (2017).

〰️〰️〰️〰️〰️〰️〰️〰️〰️〰️
❗️ Замовіць часопіс можна па тэл.:
(+375 17) 322-93-25.

​​📚 Выдавецтва «Адукацыя і выхаванне» прапануе 📚

Пухавіччына: Літаратурнае гняздо Беларусі
А. Карлюкевіч

На прыкладзе аднаго рэгіёна Беларусі — Пухавіччыны — разглядаецца характар узаемасувязяў мясцовасці, культурных гнёздаў з творчасцю пісьменнікаў і літаратуразнаўцаў.

Якуб Колас, Янка Купала, Кандрат Крапіва, Сымон Баранавых, Пятро Глебка, Міхась Лынькоў, Міхась Чарот, Пятро Рунец, Алесь Бачыла, Таіса Бондар, Генадзь Кляўко — гэтых і іншых знакавых асоб роднай літаратуры вы сустрэнеце на старонках сапраўднай літаратурна-краязнаўчай энцыклапедыі, даведаецеся, як і ў сувязі з якімі падзеямі нараджаліся тыя ці іншыя мастацкія творы.

Выданне адрасавана настаўнікам устаноў агульнай сярэдняй адукацыі і выкладчыкам устаноў вышэйшай адукацыі, вучням і студэнтам, а таксама ўсім аматарам айчыннага прыгожага пісьменства.

📕 Набыць кнігу

​​Актуальна і сёння!

✴ Да 115-годдзя з дня нараджэння Максіма Лужаніна.

Апавяданне Максіма Лужаніна «Добры хлопец Дзік»
(Займальны матэрыял для вучняў V класа)
Т. В. Лойша

Распрацоўка, падрыхтаваная настаўніцай сярэдняй школы №41 г.Гродна Т.В.Лойша, дапаможа настаўніку ў займальнай форме праверыць веды вучняў па тэксце твора Максіма Лужаніна «Добры хлопец Дзік». Прапануюцца рэбусы, крыжаванка, крыптаграма і інш.

Матэрыял надрукаваны ў №11 нашага часопіса за 2019 год.

Прапануем распрацоўку нашым падпісчыкам і чытачам. Выявы ў вялікім памеры і прыдатныя для раздрукоўкі.

➡ Спампаваць

#наша_скарбонка

​​Чытайце ў кастрычніцкім нумары!

✍🏻 «Міхась Лынькоў: жыццё і творчасць». Крыжаванка
Т. А. Троцкая

❓ Якая прафесія была ў бацькі Міхася Лынькова?
❓ Як называлася літаратурная арганізацыя, дзе кіраўніком бабруйскай філіі быў Міхась Лынькоў?
❓ Як звалі знакамітага беларускага пісьменніка, якому бацька ў дзяцінстве прачытаў апавяданне Міхася Лынькова «Гой»?

✍🏻 «Пісьменнікі на вайне і пра вайну». Літаратурная крыжаванка для VІІ—VІІІ класаў
Т. В. Міхно

❓ Празаік, удзельнік вайны з першых яе дзён, аўтар рамана «Мінскі напрамак», трылогіі «Палеская хроніка».
❓ Аўтар верша-балады «У стоптаным жыце» (месца і час напісання: Заходні фронт, 1941).
❓ У гады Вялікай Айчыннай вайны — баец партызанскага атрада імя Кірава Мінскага злучэння, аўтар твораў «Партызаны», «Хатынская аповесць», «Карнікі» і інш.

Гэтыя і іншыя пытанні прапануюцца ў дзвюх крыжаванках, якія склалі адпаведна настаўніца вышэйшай катэгорыі ДУА «Арэхаўская сярэдняя школа імя Ю.В.Смірнова Аршанскага раёна» Т.А.Троцкая і настаўніца ДУА «Гімназія імя І.М.Ерашова г.Лепеля» Т.В.Міхно.

А мы прапануем нашым падпісчыкам і чытачам сеткі да гэтых крыжаванак. Выявы ў вялікім памеры і прыдатныя для раздрукоўкі.

➡ Спампаваць

#крыжаванкі