Беларускія аўдыякнігі (audiobooks.by)

@bel_audiobooks

Kanal geosi va tili: Belarus, Beloruscha

Toifa: Kitoblar

Аўдыявыдавецтва
Дыстрыб’ютар
Самы буйны каталог беларускіх аўдыякніг
Слухай сваё ⬇️
https://taplink.cc/audiobooks.by
Пытанні? Прапановы? Пішыце @jawolta альбо contact@audiobooks.by

Связанные каналы | Похожие каналы

Kanal geosi va tili

Belarus, Beloruscha

Toifa

Kitoblar

Statistika

Saralanganlar

Postlar filtri

O‘chirilganlarni yashirish

Repostlarni yashirish

Беларускія аўдыякнігі (audiobooks.by)

11 Mar, 16:23

💥 Слухаем паэму «Родныя дзеці» Ніла Гілевіча ад праекта «Беларуская літаратура»

📖 Новая агучка класічнага твора — вельмі раім паслухаць, нават калі вы добра знаёмыя з тэкстам.

Над старонкамі гэтай паэмы можна і пасмяяцца, і задумацца, і нават калі-некалі расчуліцца да слёз, хаця няма ў ёй ані трагедыі, ані камедыі. Здавалася б, звычайная жыццёвая падзея: сваякі сустракаюцца ў бацькоўскай хаце. І пачынаецца. Водгулле старых спрэчак, з’яўленне былых сяброў, нараджэнне новага кахання, адным словам, жыццё, якое адбываецца навокал кожны дзень з кожным з нас.

🎧 Агучыла каманда праекта «Беларуская літаратура», а знайсці і паслухаць можна проста зараз на YouTube-канале праекта і нашым сайце!

174 0 0 7

Беларускія аўдыякнігі (audiobooks.by)

10 Mar, 15:17

🔥 «Палёт над гняздом зязюлі» Кена Кізі ўжо на пляцоўках!

Культавы раман амерыканскай літаратуры ў агучцы перакладчыка Аляксея Знаткевіча — супольны праект audiobooks.by і кніжнай серыі «Амерыканка».

🐦 Вялікая Сястра Брыдар упэўнена кіруе сваім аддзяленнем у Арэгонскім псіхіятрычным шпіталі, трымаючы пад няспынным кантролем пацыентаў і персанал. Але ўзорны парадак Камбінату дае расколіну, калі з’яўляецца пацыент Макмэрфі – азартны гулец, жартаўнік і валацуга. Мы бачым ягонае змаганне вачыма Правадыра Бромдэна: нібыта глуханямы індзеец-мяшанец назіраеза спробамі Макмэрфі вярнуць насельнікам шпіталю годнасць і надзею.

🔉 Рэдактар аўдыяверсіі: Сяргей Шупа

🎧 Агучыў Аляксей Знаткевіч, а набыць і паслухаць можна па спасылцы на нашым сайце. Першую частку можна паслухаць бясплатна на YouTube.

448 0 4 31

Беларускія аўдыякнігі (audiobooks.by)

8 Mar, 12:32

🦸‍♀️ 8 сакавіка — дзень, калі мы ўзгадваем моц жаночага голасу. У беларускіх паэтак нямала радкоў, якія натхняюць і падтрымліваюць чытача, але і адлюстроўваюць свет ва ўсёй яго шчырасці.

А што, калі мы б мелі магчымасць бачыць гэтыя моцныя словы на вуліцах горада?

768 1 10 48

Беларускія аўдыякнігі (audiobooks.by)

5 Mar, 17:55

👋 Вітанкі, даражэнькія! Надышоў час адкрыць таямніцу нашай аўдыякнігі-неспадзяванкі лютага!

У апошні месяц зімы вы слухалі «Бэйруцкія апавяданьні» Агатангела Крымскага — сапрадную пярліну ўкраінскай літаратуры (дарэчы, аўтар паходзіў з сям’і крымскага татарына з беларускімі каранямі).

як вам?

✨Аўдыякніга-неспадзяванка сакавіка ўжо на нашым ютуб-канале!

Нагадваем умовы: раз на месяц мы выкладаем адну платную аўдыякнігу на ютуб без назвы і аўтара. Вы слухаеце — і тым самым кідаеце выклік самім сабе: ці гатовыя вы прысвяціць некалькі гадзін свайго жыцця невядомаму тэксту? Ці даверыцеся лёсу?

Ніякіх папярэдніх стэрэатыпаў ці чаканняў. Проста аўдыякніга і вы.

🎧 Шукайце спасылку на новую кнігу ў нашых сторыс, а таксама ў тэлеграме і ютубе!

786 0 2 1 28

Беларускія аўдыякнігі (audiobooks.by)

4 Mar, 18:54

💥 Слухаем першую частку вершаў Алеся Дудара ад «Непаслухмяных Дзяцей Кастрычніка»!

📓 «Непаслухмяныя Дзеці Кастрычніка» — новы аўдыякніжны праект, прысвечаны агучцы твораў рэпрэсаваных і расстраляных у 1930-я гады пісьменнікаў і паэтаў.

Гэтыя вершы аўтар напісаў у перыяд з 1924 па 1926 год.
Маладосць, натхненне, вера ў сябе і ў тое, што ўсё лепшае — наперадзе.

Наступныя часткі з’явяцца неўзабаве — падпішыцеся на сацсеткі @nepasluchmianyja, каб не прапусціць.

🎧 Паслухаць бясплатна можна проста зараз па спасылцы на нашым сайце і на пляцоўках праекта.

752 0 0 14

Беларускія аўдыякнігі (audiobooks.by)

3 Mar, 14:07

🤝 Дабрыдзень, даражэнькія!

Вось і скончыўся апошні месяц зімы! А пакуль усё навокал прачынаецца ад зімовай спячкі, распавядаем, што адбылося ў нас і нашых калег у лютым:

📗 На «Кніжным возе» з’явілася казка бразільскай пісьменніцы Аны Марыі Машаду «Жыў-быў Тыран».

📖 Праект «Беларуская літаратура» запісаў «Насцечку» Кузьмы Чорнага — сапраўдны псіхалагічны трылер, які вы дакладна чыталі ў школе.

📚 «Камунікат» выпусціў «Вершалінскі рай» Аляксея Карпюка — неверагодна цікавы раман, заснаваны на рэальных падзеях.

📓 А таксама ў мінулым месяцы з’явілася новая аўдыякніжная ініцыятыва! «Непаслухмяныя Дзеці Кастрычніка» — новы аўдыякніжны праект, прысвечаны агучцы твораў рэпрэсаваных і расстраляных у 1930-я гады пісьменнікаў і паэтаў. Першай агучанай кнігай стала «Мар’я» Міхася Зарэцкага.

❤️ Дзякуем, што застаяцеся з намі, даражэнькія. Сачыце за навінамі — працягваем запісваць, выпускаць і слухаць сваё разам!

Жыў-Быў Тыран

Звесткі пра кнігу «Жыў-быў Тыран» Ана Марыя Машаду: апісанне, спасылкі на розныя крыніцы дзе можна паслухаць кнігу.

663 0 2 1 31

Беларускія аўдыякнігі (audiobooks.by)

28 Feb, 20:24

👋 Вітаем, даражэнькія!

А мы да вас зноў з абвесткай пра новы цудоўны праект! 21 лютага, у Дзень роднай мовы, запрацаваў сайт Lib.bellit.store — бібліятэка новых беларускіх электронных кніг у вольным доступе. Аўтар рэсурсу — пісьменнік і журналіст Валер Гапееў.

🔍 Што можна знайсці па спасылцы ?
✅ Сучасныя беларускія творы,
✅ Кнігі без папяровага выдання,
✅ Наватворы і літаратурныя эксперыменты.

Рэсурс падтрымлівае маладых аўтараў і стварае адзінае месца для пошуку беларускай электроннай прозы. Дарэчы, аўтары могуць прапанаваць свае творы праз мэйл: bellitstore@gmail.com. Працягваем развіваць родную літаратуру разам ❤️

870 0 9 36

Беларускія аўдыякнігі (audiobooks.by)

27 Feb, 17:39

✨ Слухаем казку «Жыў-быў Тыран» у агучцы Маляваныча!

🤝«Кніжны Воз» і выдавецтва «Słowianka» прэзентуюць твор бразільскай аўтаркі Аны Марыі Машаду!

Адныя кажуць, што гэтая гісторыя адбылася шмат гадоў таму ў адной вельмі далёкай краіне. Іншыя сцвярджаюць, што, наадварот, зусім нядаўна й дзесьці побач. Нехта запэўнівае, што яна недзе адбываецца цяпер.

Ну вось. Жыло-было адно каралеўства…

🎧 Агучыў Аляксандр Ждановіч, а паслухаць можна проста зараз на «Кніжным возе»!

901 0 4 24

Беларускія аўдыякнігі (audiobooks.by)

24 Feb, 15:32

👋 Вітанкі, даражэнькія!

Вядома, кожны з нас — не толькі аматар беларускіх аўдыякніг, але і беларускай літаратуры ў цэлым. І, канешне, мы хочам, каб кніг на роднай мове з’яўлялася больш. Менавіта за гэта зараз змагаюцца аўтары петыцыі за беларускую мову ў Amazon KDP.

У чым справа?
Amazon дазваляе выдаваць кнігі на дзясятках моў, але беларускай сярод іх дагэтуль няма. Гэта азначае, што беларускія аўтары не могуць легальна і зручна публікаваць свае кнігі праз Kindle Direct Publishing (KDP).

Аўтары петыцыі просяць Amazon дадаць беларускую мову, каб пісьменнікі маглі друкаваць і прадаваць свае кнігі, а чытачы па ўсім свеце мелі доступ да сучаснай беларускай літаратуры, і, урэшце, каб беларуская мова мела роўныя магчымасці нароўні з іншымі.

📍 Кожны подпіс – гэта крок да роўных магчымасцяў для беларускай кнігі!

✍️ Падпішы петыцыю і распавядзі сябрам!

Подпишите петицию

Add Belarusian Language to Kindle Direct Publishing (Amazon KDP)!

1k 0 10 31

Беларускія аўдыякнігі (audiobooks.by)

21 Feb, 13:06

🤔 Як адзначыць Дзень роднай мовы? Расказваем

Сёння, 21 лютага, адзначаецца Дзень роднай мовы. Гэта выдатная нагода, каб прысвяціць нашай родненькай беларукай мове гэты дзень. Сабралі для вас колькі ідэй, як можна адзначыць свята:

💬 Размаўляйце па-беларуску – нават калі звычайна не карыстаецеся мовай штодня, сёння добры момант пачаць!
Можна перапісвацца з сябрамі сёння па-беларуску, напрыклад.
Калі зусім страшна, выберыце два-тры словы, каторымі карыстаецеся найчасцей, і замяніце іх беларускімі. Няхай сёння пануе, напрыклад, “дзякуй”, “калі ласка”, “анягож” і г.д.

📲 Змяніце мову на дэвайсах. Калі, вядома, маецца такая магчымасць.

📚 Прачытайце што-небудзь на беларускай мове – няхай гэта будзе верш, апавяданне ці раздзел з любімай кнігі. Калі не страшна, то і навіны можна, але асцярожна.

📺 Паглядзіце фільм ці серыял на беларускай мове – гэта можна зрабіць, напрыклад, на Кінакіпе, дзе больш за 1000 фільмаў і серыялаў па-беларуску. А калі хочацца свайго - скарыстацца падборкай ад sojka.io

🎶 Паслухайце беларускую музыку – ад этна да сучаснага інды! Шукаеце натхненне? Naka, Лявон Вольскі, NAVIBAND, РСП і безліч добрай музыкі. Годную падборку слаў, напрыклад, КЛІК

📝 Напішыце допіс ці паведамленне па-беларуску – падзяліцеся любімымі словамі або вершам у сацсетках.

🎧 Паслухайце беларускую аўдыякнігу – заходзьце на audiobooks.by і акуніцеся ў магію жывога беларускага слова! Працягваем слухаць сваё і адзначым гэтае свята разам!

Няхай Дзень роднай мовы будзе кожны дзень ❤️

А як вы адзначаеце Дзень роднай мовы?

806 0 10 4 38

Беларускія аўдыякнігі (audiobooks.by)

20 Feb, 16:27

👋 Вітанні, даражэнькія!

А ў нас добрая навіна для паэтаў-пачаткоўцаў: надоечы быў створаны бот, які падбірае рыфмы да беларускіх слоў!

Бот прапануе 4 тыпы рыфм:
✅ моцныя
✅ асанансы
✅ дысанансы
✅ па асабістым алгарытме

Гэта карысны інструмент для ўсіх, хто піша вершы і развівае беларускую культуру. Калі ў вас ёсць ідэі па паляпшэнні – аўтар адкрыты да прапаноў (кантакты можна знайсці ў апісанні бота).

🔥 Далучайцеся і тэстуйце Arkush Rhyme Bot

Аркуш | Падбор рыфм да беларускіх слоў

Зваротная сувязь👇 @arkush_bot_volunteer Усі грошы ідуць на хостінг і развіццё бота😌 https://buymeacoffee.com/arkush_bot

931 0 12 25

Беларускія аўдыякнігі (audiobooks.by)

19 Feb, 16:50

💥 Слухаем «Мар’ю» Міхася Зарэцкага ад «Непаслухмяных Дзяцей Кастрычніка»!

📓 «Непаслухмяныя Дзеці Кастрычніка» — новы аўдыякніжны праект, прысвечаны агучцы твораў рэпрэсаваных і расстраляных у 1930-я гады пісьменнікаў і паэтаў.

У «Мар’і» вы знойдзеце спагаду, каханне, радасць, боль, ды й шмат чаго іншага. Гэта — мастацкае даследванне фрэйдаўскіх тэзісаў, якімі захапляўся аўтар. А яшчэ там — прыгожае, здольнае дакрануцца да вашага сэрца, беларускае слова.

🎧 Паслухаць бясплатна можна проста зараз па спасылцы на нашым сайце і на пляцоўках праекта. Падтрымайма новы важны праект разам!

881 0 1 26

Беларускія аўдыякнігі (audiobooks.by)

18 Feb, 15:02

Kamunikat.org 25 гадоў з намі

А падаецца, што яны былі заўсёды — любы сучасны чытач беларускай літаратуры не можа ўявіць сабе інтэрнэт-прасторы без «Камуніката». Сардэчна віншуем калег з юбілейным годам, а таксама распавядаем, колькі ўсяго яны паспелі зрабіць за гэты час.

771 0 0 39

Беларускія аўдыякнігі (audiobooks.by)

13 Feb, 18:15

Сёння, 13 лютага, свой дзень народзінаў святкуе Андрэй Хадановіч — паэт, перакладчык, літаратуразнаўца і бард, а апошнім часам яшчэ і відэаблогер.

Вядома, лепшы падарунак для творцы — увага да ягонай творчасці. А паколькі ў спадара Андрэя яна такая разнапланавая — абірайце, што вам больш пасуе:

Напрыклад, паслухайце вершы Андрэя Хадановіча па спасылцы на нашым сайце. Дарэчы, там вы знойдзеце не толькі ўласную паэзію спадара Андрэя, але і аўтарскія агучкі перакладных вершаў.

А калі вы засумаваліся па якасных лекцыях па літаратуры — наведайце YouTube-канал CHADANOVIČ , дзе Андрэй Хадановіч распавядае пра беларускую і сусветную літаратуру ў сваім непаўторным стылі.

Асабіста мы раім выпускі пра «Доўгую дарогу дадому» Васіля Быкава, «Вялікага Гэтсбі» Фрэнсіса Скота Фіцджэралда і «І ўзыходзіць сонца» Эрнэста Хэмінгуэя. Спасылкі на іх вы можаце знайсці ў нашым Тэлеграм-канале, альбо наўпрост на канале Андрэя Хадановіча. А калі пасля праслухоўвання лекцый вы адчуеце востры імпэт паслухаць гэтыя кнігі — памятайце, што знайсці іх можна на audiobooks.by 😉

Андрэй Хадановіч

На гэтай старонцы вы знойдзеце ўсе аўдыякнігі якія напісаў, пераклаў і агучыў Андрэй Хадановіч.

1.5k 1 5 38

Беларускія аўдыякнігі (audiobooks.by)

11 Feb, 14:36

💥 Слухаем «Вершалінскі рай» Аляксея Карпюка ад «Камуніката»!

Маленькая вёска Грыбоўшчына на беларуска-польскім памежжы, на Сакольшчыне. На памежжы вёска апынулася пасля ўсталявання мяжы, а ў часы, апісваемыя аўтарам, гэта была Заходняя Беларусь, населеная, у асноўным, праваслаўнымі з невялікай дамешкай каталікоў. Жыў у вёсцы мужык – Альяш Клімовіч, які, назваўшыся памазанікам Божым, стварыў секту. Праўду сказаўшы, сам Альяш сябе прарокам не лічыў, але навакольны люд, ды чуткі, якія несліся пра ягоныя «здольнасці» па ваколіцы і спарадзілі гэтую з’яву - саматужнага прарока Альяша Клімовіча.

📖 Раман заснаваны на сапраўдных фактах, апісвае здарэнні, якія насамрэч адбываліся на Сакольшчыне. Дагэтуль у Грыбаўшчыне стаіць царква, пабудаваная Альяшам, а сам «прарок», застрэлены немцамі ў час другой сусветнай вайны, пахаваны на вясковых могілках.

🎧 Агучыў Зміцер Бартосік, а паслухаць бясплатна можна проста зараз па спасылцы на нашым сайце і на «Камунікаце».