Геймплэй кітайскага Disco ElysiumЦікавы ролевы дэтэктыў
Kill The Shadow, пра які мы ўжо згадвалі ў Відзіку, абзавёўся яшчэ адным відэа. Студыя Shadowlight Sanctuary паказала геймплэй і візуальны стыль гульні, які спалучае 2D-персанажаў і 3D-лакацыі.
Падзеі Kill The Shadow разгорнуцца ў змрочным пасляваенным горадзе Даркуотэр. Галоўны герой, дэтэктыў А’Гуан, павінен раскрыць разнастайныя злачынствы — знікненне чалавека, раптоўную смерць, з'яўленне канечнасцяў у каналізацыі. З ім разам падарожнічае Цень — істота, што ўмее чытаць памяць.
Гульня прапануе нелінейныя расследаванні - можна ўгаворваць, падкупляць ці проста збіваць падазраваных. Лёс галоўнага злыдня - таксама ў вашых руках. Магчымасці нашага агента залежаць ад трох характарыстык - сілы, духу і прывабнасці.
Апроч усяго іншага, аўтары абяцаюць каларытных персанажаў — энергічную дзяўчынку з камерай, элегантную місіс Руан, балбатлівага падшыванца і іншых. Вам дазволяць палепшыць адносіны з людзьмі, якія вам сімпатычныя.
Kill The Shadow запусціцца на ПК у
канцы 2024 года.
Старонка Steam, як і дэмка даступны ў Беларусі. У наяўнасці англійская і кітайская мовы.