🌿На Берасцейшчыну прыйшла вясна...

Хоць раніцай лужыны яшчэ кранае лядок, а на траве бялее іней, у палях у перарывах паміж дажджамі ўжо процьма палявых жаўрукоў, якія спяваюць сваю вясновую песню.
Наваколле разрываецца ад крыкаў шэрых жураўлёў. Гэта ўжо не тужлівыя восеньскія гукі падчас адлёту ў вырай, а сапраўдны гімн вясне! У небе час ад часу пралятаюць невялікія чародкі гусей. У Польшчы ўжо назіралі першых белых буслоў!

У лесе чуваць спеў валавокі, вясновыя песні сініц і крыкі дзятлаў. Часам нават сярод дня можна пачуць і пугача, які, калі яшчэ не сеў на гняздо, то ў хуткім часе гэта зробіць.

Мажліва яшчэ будзе мароз, а можа нават і снег, але паволі пачынаецца і набірае абароты адзін з самых цікавых цудаў прыроды - вясенняя міграцыя птушак!

Відэа абавязкова глядзець з гукам.

#прыгодынатураліста