🎻
17 кастрычніка 1990 года быў створаны Гродзенскі камерны аркестр, які неўзабаве пераўтварыўся ў знакамітую сёння «Гродзенскую капэлу»Выбітную дату ў гісторыі Гродна
падглядзелі ў
@hrodna1127Аркестр заклалі энтузіясты — выкладчыкі музычных школ і музычнай вучэльні на чале з дырыжорам Аронам Гендэльманам. Ён стаў першым дырыжорам аркестра з кастрычніка 1990 года па кастрычнік 1991 года.
Упершыню калектыў выступіў перад слухачамі 15 лютага 1991 года ў Музеі гісторыі рэлігіі (тады ён яшчэ знаходзіўся ў манастыры на Давыда Гарадзенскага).
У лістападзе 1991 года аркестр узначаліў нязменны з таго часу кіраўнік Уладзімір Борматаў. А ў красавіку аркестр стаў дзяржаўным прадпрыемствам і атрымаў назву «Гродзенская капэла» — у гонар Гродзенскай капэлы Тызенгаўза, якая існавала ў 1765-1780 гадах у якасці яго прыдворнага аркестра і распалася пасля яго адстаўкі. Вось так капэла ў пэўным сэнсе вярнулася ў Гродна праз больш чым 200 гадоў.
На відэа — фрагмент праграмы беларускага тэлебачання з цыклу «Край», 1993 год. Капэла яшчэ толькі пачынае свой шлях. І Гродна зусім іншы, чым зараз.
