Рэліз адвенчуры Tales of the Shire аб жыцці хобітаў павінен быў адбыцца да канца 2024 года, але Weta Workshop аб'явіла аб пераносе на пачатак 2025-га.

Дату змянілі, каб даўжэй папрацаваць над якасцю гульні і апраўдаць чаканні фанатаў.
Распрацоўшчыкі падзеляцца падрабязнасцямі ўжо 22 верасня і тады ж паведамяць новую дату рэліза.

Гульцы, як можна здагадацца з назвы, будуць жыць у Шыры — краіне ў паўночна-заходняй частцы Міжзем'я, населенай хобітамі. Сярод іншага, будзе магчымасць завесці сяброў, уладкаваць жыллё і займацца рознымі справамі накшталт гатавання і рыбалкі.

Таксама ў Tales of the Shire атрымаецца даследаваць наваколле Хабітаніі. Што менавіта там можна будзе знайсці, распрацоўшчыкі пакуль не расказалі.

Чакаецца на асноўных платформах і Switch. Старонка Steam даступна ў Беларусі.