Развітанне з пералётнымі птушкамі. Дапамажы падлічыць птушак 5 і 6 кастрычніка!

🍁 У гэтыя выходныя пройдуць Восеньскія дні назіранняў за птушкамі EuroBirdwatch-2024.

Што трэба рабіць:

✔️ У адзін з гэтых дзён або ў абодва выбірайся на экскурсію адзін ці з сябрамі, падлічы колькі і якіх птушак убачыш. Назіраць за птушкамі можна дзе заўгодна – і ў поле, і ў лесе, і на вадаёме, і ў горадзе.
✔️ Улічвай усе віды птушак, якія трапяцца – асабліва тых, што трымаюцца зараз вялікімі чародамі: шпакоў, гракоў, чаек і галубоў.
✔️ Усе дадзеныя перашлі праз Гугл форму да 16:00 6-га кастрычніка.

✅ Для ўдзельнікаў EuroBirdwatch-2024 кошт удзелу ў восеньскім чэмпіянаце па фотабёрдынгу ў суботу 5 кастрычніка ўсяго 10 рублёў замест 20-ці. Рэгістрацыя на фотабёрдынг тут.

EuroBirdwatch-2024 арганізуе ў Еўропе і Цэнтральнай Азіі глабальная асацыяцыя прыродаахоўных арганізацый Birdlife International. Мерапрыемства праводзіцца ўжо 32 год запар. Яно прысвечана пашырэнню ведаў пра пералётных птушак і іх месцы пражывання.

Далучайся! Правядзі гэтыя выходныя з птушкамі. 🐦

📷 Дзякуем за фота сіняй сініцы Кацярыне Хведанцэвіч.