Нагадаем, што сёння а 19-ай у прамы эфір Літрадыё выйдзе Дар'я Гардзейчык, каб распавесці, хто такія падляшскія беларусы? На якой мове яны пішуць? Як узнікла літаратурнае аб'яднанне "Белавежа"? Чаму тыднёвік "Ніва" стаў цэнтрам беларускага літаратурнага жыцця ў Польшчы? І чаму творчасць падляшскіх аўтараў вартая ўвагі кожнага, хто цікавіцца беларускай літаратурай?

Штосьці з гэтых пытанняў дакладна будзе закранутае, бо мы пачынаем новую праграму "Па-за межамі метраполіі" — пра беларускую літаратуру, якая ствараецца па-за межамі сучаснай Беларусі.