У пачатку жніўня хочацца распавесці, як ідуць нашы фінансавыя справы. Ідуць яны добра. Бо за ліпень мы назбіралі 510 еўра данатаў, з якіх выдаткавалі толькі 90. Мы вельмі эканомныя, таму на жнівень у нас засталося 420 еўра.

Сябры, гэта наша апошняя фінансавая справаздача ў агульным канале. Мы вырашылі зрабіць спецыяльны канал для тых, хто нас падтрымлівае, там і будзем кожны месяц распавядаць пра такія справы. Акрамя гэтага, мы вырашылі, што ў спецыяльным канале будзем публікаваць некаторыя запісы прамых трансляцый. Звычайна такія трансляцыі раствараюцца ў эфіры, але ў спецыяльным канале можна будзе пачуць іх яшчэ раз.

Таму калі вам цікава далучыцца да невялікай супольнасці, якая падтрымлівае Літрадыё, зрабіце данат. Першапачаткова планавалася, што сабраныя грошы пойдуць на тэкставыя публікацыі на сайце, але мы зараз бачым вялікі патэнцыял у прамых эфірах, таму сродкі спатрэбяцца і на іх.

Асобна просім тых, хто падтрымаў Літрадыё данатам, але не атрымаў запрашэнне ў спецыяльны тэлеграм-канал: звяжыцеся з намі любым спосабам (напрыклад, праз hello@litradio.link) — вырашым гэтую праблему.

Заставайцеся на нашай хвалі.