Рэсурсны цэнтр Беларускай Рады культуры

🔥Сабралі гарачыя #магчымасці для беларускіх дзеячаў культуры.

Больш абвестак пра навучальныя праграмы, арт-рэзідэнцыі і адкрытыя колы – на партнёрскім канале @sekktor. sekktor цяпер мае ўласны сайт, з яго дапамогай стала яшчэ прасцей арыентавацца ў свеце магчымасцяў.

▫️ Грант European Cooperation Projects Small Scale для арганізацый у сферы культуры і крэатыўных індустрый, якія хочуць рэалізаваць міжнародны праект.
Фінансаванне: да 200 000 EUR (пакрывае да 80% бюджэту).
Дэдлайн для падачы заяўкі: 13 траўня.
Даведацца больш

▫️ Incubator 2025 — трэнінг-інкубатар у Стамбуле для культменеджараў, куратараў і лідараў праектаў, якія хочуць працаваць з грантавымі праграмамі ЕС (Creative Europe, Erasmus+, Interreg, Erasmus for Young Entrepreneurs, CERV) і знайсці партнёраў.
Калі: 7–10 кастрычніка 2025.
Дэдлайн для падачы заяўкі: 4 красавіка.
Даведацца больш

▫️9-месячная ментарская праграма DO ART TOGETHER для фатографаў і мастакоў, у тым ліку з досведам міграцыі. Падыходзіць як для тых, хто ўжо мае досвед працы з візуальнымі праектамі, так і для тых, хто толькі пачынае і шукае прафесійную падтрымку.
Час праграмы: красавік — снежань 2025.
Дэдлайн для падачы заяўкі: 26 сакавіка.
Даведацца больш

Працягваем расказваць пра вынікі першай эдыцыі #ArtPowerBelarus і знаёміць вас з самымі яскравымі праектамі беларускіх творцаў, падтрыманымі грантамі і мабільнасцямі.

Наступны прыпынак — міждысцыплінарныя праекты, задуманыя і створаныя на памежжы мастацтваў, плыняў, сфераў.

Усяго за 2023-2024 год у межах ArtPower Belarus атрымалі падтрымку 15 праектаў з гэтай катэгорыі. Гэта 8 праектаў і 7 мабільнасцяў. Давайце прыгадаем некаторыя з іх.

“Слуцкі пояс для Вільні” — серыя навукова-папулярных лекцый і майстар-класаў пра гісторыю і традыцыі стварэння аднаго з сімвалаў беларускай культуры — Слуцкіх паясоў. У якасці спікераў у праекце бралі ўдзел беларускія, літоўскія, польскія і турэцкія навукоўцы. Глядзець на YouTube

Аўдыягід на беларускай мове для Музея гісторыі польскіх яўрэяў POLIN — знакавы праект для ўсёй беларускай прасторы. Аўтар і выканаўца — перакладчык і рэдактар Сяргей Шупа. POLIN — адзін з найбуйнейшых музеяў у свеце, прысвечаных гісторыі яўрэяў, і Беларусь займае ў гэтай гісторыі важнае месца.

“Птушкі па-за палітыкай?” — цыкл выставаў, што прайшлі ў Польшчы, Літве і Германіі. Калажы з птушкамі ў галоўнай ролі расказваюць, як цесна ў Беларусі тэма абароны навакольнага асяроддзя пераплеценая з палітыкай. Экасістэмы ў Беларусі пад пагрозай з-за неадукаванасці і недальнабачнасці прадстаўнікоў улады, старажытная Белавежская пушча як дэкарацыі для мігранцкага крызісу, пераслед экаактывістаў.

Праграмай мабільнасці ў гэтай катэгорыі была падтрыманая паблік-арт суполка Art Yard Community і яе ўдзел у фестывалі Freedom Tour 2024 у горадзе Аса (Åsa) і вёсцы Фаргарыд (Färgaryd), Швецыя. Падчас міжнароднай імпрэзы Art Yard Community стварыла два муралы, якія дапоўняць прастору мясцовасці і будуць служыць напамінам пра падзею.

ArtPower Belarus рэалізуецца Беларускай Радай культуры і Дацкім інстытутам культуры пры фінансавай падтрымцы Еўразвязу. Цягам першай яе эдыцыі (2023-2024) падтрыманыя 83 праекты і 57 мабільнасцяў.

Вынікі праграмы

Вясна — час абуджэння, адраджэння і цудаў. Менавіта так адчувае гэтую пару года мастачка Аксана Гатальская — фрагмент яе работы “Вясна ідзе” будзе ўпрыгожваць наш лагатып.

Зараз мастачка жыве ў вёсцы ў Польшчы, дзе працуе над рэалізацыяй праекта «Старая школа» — прасторы для творцаў у асяроддзі прыроды. Тут можна будзе знайсці натхненне і атрымаць падтрымку для сваіх ідэй.

Аксана не толькі стварае карціны і ілюстрацыі для кніг (у тым ліку дзіцячых), але і працуе ў галіне камп’ютарнай графікі, займаецца мастацкім афармленнем і дэкорам. Яе работы можна паглядзець і набыць праз сацсеткі. Атрыманыя сродкі мастачка скіроўвае на падтрымку “Старой школы”.

📌 Калі вы — мастак і хочаце, каб на нашым лога з’явілася ваша карціна, — пішыце на resource@byculture.org.

❗️ Памятайце, што Рэсурсны цэнтр Беларускай Рады культуры — частка экстрэмісцкага фармавання. Беражыце сябе і клапаціцеся пра бяспеку ў сеціве.

Першая эдыцыя ArtPower Belarus завершаная. Шырокая праграма спрыяння беларускай культуры, якую Беларуская Рада культуры рэалізоўвала сумесна з Дацкім інстытутам культуры пры фінансавай падтрымцы Еўразвязу, больш як два гады дапамагала беларускім творцам рэалізоўваць уласныя ідэі, падарожнічаць, вучыцца і пашыраць культурніцкую прастору.

ArtPower Belarus у лічбах:

▪️Вылучаныя 140 грантаў на праекты і мабільнасці, якія ахапілі розныя сферы – ад літаратуры і музыкі да візуальных мастацтваў і кіно. Удзельнікі праграмы не толькі атрымлівалі рэсурсы для рэалізацыі праектаў, але і мелі шанец пашыраць сетку прафесійных кантактаў, ладзіць сумесныя праекты і заяўляць пра сябе на міжнародным узроўні.

▪️Дзякуючы праграме беларуская культура стала багацейшая на 83 творчыя праекты, 231 асоба атрымала магчымасць падарожнічаць па Еўропе дзеля прафесійнага развіцця, працы ў архівах, удзелу ў рэзідэнцыях і прэзентацыі сваіх праектаў. Для паловы ўдзельнікаў гэта была першая міжнародная творчая вандроўка.

▪️Усяго каманда праграмы атрымала 707 заявак на агульную суму амаль 13 мільёнаў еўра – у 6 разоў больш за магчымасці ўсёй праграмы. Гэта сведчанне вялікага запыту на падтрымку незалежнай беларускай культуры, але і адзнака неверагоднага творчага патэнцыялу беларусаў, які, мы ўпэўненыя, застаецца і сёння настолькі ж высокім

▪️Падтрыманыя праекты былі рэалізаваныя не толькі за мяжой – каманды 56 праектаў і мабільнасцяў ахоплівалі творцаў унутры Беларусі. Такім чынам, ArtPower Belarus садзейнічала захаванню і развіццю незалежнай культуры нават у неспрыяльных умовах.

Але галоўнае: ArtPower Belarus дала творчы штуршок сотням артыстаў, даследчыкаў і дзясяткам арганізацый, дапамагала беларусам заставацца часткай агульнага культурнага поля і пашыраць нацыянальныі кантэкст. Гэта быў няпросты шлях, але моцная і свабодная грамадзянская супольнасць абапіраецца на свабодную культуру – таму мы працягваем!

Што далей?

Сачыце за навінамі – другая эдыцыя ArtPower Belarus стартуе неўзабаве. А пакуль можна паглядзець, якія праекты былі ўжо падтрыманыя.

Даведацца больш пра вынікі ArtPower Belarus.

🔥 Падводзім вынікі першай эдыцыі #ArtPowerBelarus і працягваем вас знаёміць з самымі яскравымі праектамі беларускіх творцаў, падтрыманымі грантамі і мабільнасцямі.
Сёння гаворка пойдзе пра медыя.

Усяго за 2023-2024 год у межах ArtPower Belarus атрымалі падтрымку 12 медыяпраектаў. Гэта падкасты, тэлеграм-каналы, профілі ў сацсетках, серыі відэа на YouTube і асобныя медыі. Давайце прыгадаем некаторыя з іх.

“Гутаркі маленькага геданіста” — серыя відэаінтэрв’ю з беларускім мастакамі пра іх творчыя пошукі, задумкі, выставы і планы. Аўтарка праекта — куратарка, арт-менеджарка Вольга Мжэльская. У роліках, якія публікуюцца ў профілі Вольгі ў Instagram, гаворка ідзе таксама пра міжнародныя выставачныя праекты, у якіх удзельнічаюць беларускія артысты.

“Нашы ў Польшчы” — YouTube-праект шоумена, музыканта, мастака і калумніста Лявона Вольскага пра вуліцы ў польскіх гарадах, названыя ў гонар знакамітых беларусаў. Так, вы даведаецеся, што самыя беларускія гарады (паводле назваў вуліц) – на Беласточчыне, там ёсьць вуліцы, названыя імёнамі беларусаў, якія ўсведамлялі сябе менавіта беларусамі — Тарашкевіча, Каліноўскага, Коласа. Але, калі адштурхоўвацца ад колькасці, дык самы беларускі горад Польшчы — Варшава. Тут ёсць вуліцы Манюшкі, Касцюшкі, Плятэр, Міцкевіча, Кандратовіча (і Сыракомлі), Чачота, удзельнікаў антырасейскіх паўстанняў беларускага паходжання.

“Ты — Сад” — міждысцыплінарны медыяпраект Марыі Алены Банэт. Надзвычай эстэтычнае відэадаследаванне тэмы трансфармацыі асобы праз метафару саду. Праект сабраў зорную каманду. над музыкай працавала вядомая кампазітарка Вольга Падгайская, выкананне – гітарыстка з Беларусі з сусветным іменем Наталля Ліпніцкая, аператар — Андрэй Васкрасенскі.

✔️Праграма ArtPower Belarus рэалізуецца Беларускай Радай культуры і Дацкім інстытутам культуры пры фінансавай падтрымцы Еўразвязу. Цягам першай яе эдыцыі (2023-2024) падтрыманыя 83 праекты і 57 мабільнасцяў.

💥 Падводзім вынікі першай эдыцыі #ArtPowerBelarus і знаёмім вас з самымі яскравымі праектамі беларускіх творцаў, падтрыманымі грантамі і мабільнасцямі.

🎼 Сёння гаворка пойдзе пра музыку.

Усяго за 2023-2024 год у межах ArtPower Belarus атрымалі падтрымку 1️⃣8️⃣ праектаў з гэтай сферы. Гэта 9️⃣ праектаў і 9️⃣ мабільнасцяў. Мы ўпэўненыя: вы чулі песні нашых непублічных гранці, бывалі на іх выступленнях у розных краінах свету. Давайце прыгадаем некаторыя з праектаў, для якіх згадка нашай падтрымкі з'яўляецца бяспечнай.

🎧 “Пазначаныя жоўтым” — міждысцыплінарны праект Крысціны Дробыш, рэпера Angst і праваабарончага цэнтра “Вясна”. Музычны альбом пра шлях палітвязня. Яшчэ адна сумная грань сучаснай беларускай паўсядзённасці. Разуменне, што за кратамі ў роднай краіне пакутуюць тысячы нявінна асуджаных людзей.

🧳 Альбом Emihranty гурта Volski. Музычная п’еса пра новую ідэнтычнасць, з якой знаёмяцца і спрабуюць пасябраваць многія беларусы.

🚌 Праграмаю мабільнасці ArtPower Belarus падтрыманыя гастролі баяніста-віртуоза Алеся Ясінскага па Польшчы, Германіі і Чэхіі.

Хор вольных беларусаў улетку зладзіў спеўную вечарыну ў Гасцёўні Беларускай Рады культуры ў Вільні

🎹 Кацярына Льдокава з гурта Mova Dreva (Партугалія) выступіла з беларускімі музыкамі ў Варшаве, а Піт Паўлаў зайграў свае хіты на канцэрце ў Вене.

💃 Была зладжаная серыя майстар-класаў па гукавой імправізацыі ад опернай спявачкі і выкладчыцы вакалу Дар’і Новік у Вільні, Беластоку, Гданьску і Познані. Гэтыя сустрэчы сталіся магчымасцю паспяваць, падзяліцца эмоцыямі і проста пабыць разам.

✔️Праграма ArtPower Belarus рэалізуецца Беларускай Радай культуры і Дацкім інстытутам культуры пры фінансавай падтрымцы Еўразвязу. Цягам першай яе эдыцыі (2023-2024) было падтрымана 83 праекты і 57 мабільнасцяў.

🔥 Працягваем расказваць пра вынікі першай эдыцыі #ArtPowerBelarus і знаёміць вас з самымі яскравымі праектамі беларускіх творцаў, падтрыманымі грантамі і мабільнасцямі.

🎞 Наступны прыпынак — кіно.

Усяго за 2023-2024 год у межах ArtPower Belarus атрымалі падтрымку 1️⃣4️⃣ праектаў з гэтай сферы. Гэта 8️⃣ праектаў і 6️⃣ мабільнасцяў. Давайце прыгадаем некаторыя з іх.

📱 YouTube-праект “100 год беларускага кіно” культуролага Максіма Жбанкова і рэжысёра Арцёма Лобача. Аналітычны серыял, у якім аўтары прадстаўляюць суб’ектыўны погляд на аб’ектыўную рэчаіснасць беларускага кіно.

📽 Онлайн-кінатэатр Vodblisk. Платформа, створаная, каб беларусы адкрывалі для сябе новыя імёны, наратывы, фарматы нашага нацыянальнага кіно.

📱 Дакументальны фільм пра Уладзіміра Цэслера. Першая поўнаметражная дакументалка, прысвечаная жыццю і творчасці знанага беларускага дызайнера і мастака.

📱 “Адзін з нас” — дакументальная стужка пра палітвязня Сяргея Ціханоўскага. Напамін пра людзей за кратамі і важнасць клопату пра іх лёсы.

🎧 Запіс гуку да анімацыйнай стужкі “Заяц” паводле верша Валера Маракова. Праз сродкі анімацыі аўтары імкнуцца даць голас сучасным беларускім творцам, якія працягваюць прамаўляць, нягледзячы на цэнзуру, рэпрэсіі і выгнанне.

🎥 Беларускі кінаклуб “Кінакола” у Варшаве — прагляды стужак беларускіх рэжысёраў, абмеркаванні і сустрэчы са стваральнікамі кіно.

✈️ Дзякуючы праграме мабільнасці ArtPower Belarus праект Art Revolution узяў удзел у кінафестывалі FEST у Эшпіньё, Партугалія, а рэжысёр Максім Швед здзейсніў вандроўку ў Швецыю (тут зладзіў паказы сваіх фільмаў для беларускай дыяспары) і Нідэрланды, дзе стаў удзельнікам фэсту дакументальнага кіно IDFA.

✔️Праграма ArtPower Belarus рэалізуецца Беларускай Радай культуры і Дацкім інстытутам культуры пры фінансавай падтрымцы Еўразвязу. Цягам першай яе эдыцыі (2023-2024) падтрыманыя 83 праекты і 57 мабільнасцяў.

🔈 Падводзім вынікі першай эдыцыі #ArtPowerBelarus і працягваем распавядаць пра самыя яскравыя праекты беларускіх творцаў, падтрыманыя грантамі і мабільнасцямі.

🖼 Сёння гаворка пойдзе пра візуальнае мастацтва.

Усяго за 2023-2024 год у межах ArtPower Belarus атрымалі падтрымку 2️⃣0️⃣ арт-праектаў. Гэта 8️⃣ праектаў і 1️⃣2️⃣ мабільнасцяў. Дарэчы, арт з’яўляецца лідарам па колькасці мабільнасцяў, падтрыманых праграмай.

Упэўненыя, што пра многія з гэтых праектаў вы чулі, многія работы бачылі, а выставы – наведвалі. Але давайце прыгадаем іх яшчэ раз.

▫️“Беларускі мартыралог” Ксішы Анёлавай — цыкл партрэтаў беларускіх палітвязняў, намаляваных на шпалерах. Мастацка-місійны праект з багатай гастрольнай гісторыяй.

▫️“Ад краю да краю” — выстава-інсталяцыя мастака Ігара Цішына ў Музеі Вольнай Беларусі. Яшчэ адна балючая метафара Беларусі як тэрыторыі болю, скрыжавання культур і часоў.

▫️I Had a Dream, but I Wasn’t Sleeping… — выстаўка смелых масак і лялек Насты Рыдлеўскай, што прайшла ў межах праекта Art Revolution. Амаль што няёмкая экскурсія ў свет эмоцый мастачкі.

▫️Ales Pushkin. — праект-прысвячэнне Алесю Пушкіну ў Музеі Вольнай Беларусі. Натхненнем сталі акцыі і перформансы Алеся Пушкіна, якія ён ладзіў з 1989 года.

▫️alespushkin.com — яшчэ адзін праект памяці Алеся Пушкіна. Сайт-каталог, створаны прыхільнікамі мастака. Тут ужо сабраныя многія ўнікальныя матэрыялы, фотаздымкі, успаміны і іншыя прыватныя матэрыялы.

✈️ Lazaret — Выстава работ мастачкі Cemra ў Празе. Як сцвярджае сама мастачка, “Lazaret — гэта месца, дзе пануюць суперажыванне і спачуванне, дзе вы можаце прайсці лячэнне і атрымаць нешта сапраўды гаючае".

✈️ “Надзея без страху” — дзякуючы падтрымцы праграмы мабільнасці ArtPower Belarus выставы мастачкі Надзеі Букі былі арганізаваныя ў Пізе і Фларэнцыі (Італія).

✈️ Таксама грантам мабільнасці была падтрыманая вандроўка арт-менеджаркі і куратаркі Вольгі Кліп у Парыж. Тут яна наведала знакаміты кірмаш Art Basel, 3 іншыя мастацкія кірмашы і каля 10 выставаў.

✔️ Праграма ArtPower Belarus рэалізуецца Беларускай Радай культуры і Дацкім інстытутам культуры пры фінансавай падтрымцы Еўразвязу. Цягам першай яе эдыцыі (2023-2024) было падтрымана 83 праекты і 57 мабільнасцяў.

🔈 Працягваем падводзіць вынікі першай эдыцыі #ArtPowerBelarus. Распавядаем пра самыя яскравыя праекты беларускіх творцаў, падтрыманыя грантамі і мабільнасцямі.

📚 Hаступны прыпынак — літаратура, лідар праграмы па колькасці падтрыманых заявак.

Усяго за 2023-2024 год у межах ArtPower Belarus атрымалі падтрымку 2️⃣0️⃣ літаратурных праектаў. Гэта 1️⃣4️⃣ праектаў і 6️⃣ мабільнасцяў.

Як узбагацілася беларуская літаратурная прастора, дзякуючы ArtPower? Мяркуйце самі:

▫️Пабачылі свет 7️⃣ новых кніг. У іх ліку — выданне беларускага перакладу рамана “Зэлмэняне” Мойшэ Кульбака (пераклаў з ідышу – Сяргей Шупа).

🎧 Камандай audiobooks.by запісаныя 5️⃣ новых аўдыякніг беларускай класікі.

🚌 Прайшлі 5️⃣ турнэ пісьменнікаў, выдаўцоў і мастакоў. У іх ліку — вандроўка паэткі Насты Кудасавай і мастачкі Святланы Дземідовіч у Прагу, Капенгаген і Рыгу і літаратурнае турнэ Андрэя Янушкевіча, Альгерда Бахарэвіча, Юлі Цімафеевай і Сяргея Шупы па гарадах Чэхіі, Літвы, Польшчы і Латвіі.

▫️Наладзіў працу Інстытут беларускай кнігі, чыя мэта — спрыянне шырокай прэзентацыі беларускай літаратуры ў свеце.

▫️Развівалася бібліятэка “Чытальня” ў Вільні. Гэтая пляцоўка паўстала дзякуючы падтрымцы чытачоў “Новай Беларусі”, а ArtPower Belarus дапамагла ёй стаць больш устойлівай.

📱 Выходзілі новыя лекцыі па беларускай і сусветнай літаратуры на YouTube-канале Андрэя Хадановіча.

✈️ Адбылася даследчая вандроўка пісьменніцы і перакладчыцы Ганны Янкуты з мэтай збору матэрыялу для новай кнігі.

🚌 Сталася магчымай прэзентацыя кнігі Вольгі Вялічкі “Мая мама ў турме” ў італьянскай Праце і ў межах імпрэзы — тэрапеўтычны майстар-клас Ірыны Новік.

*Праграма ArtPower Belarus рэалізуецца Беларускай Радай культуры і Дацкім інстутутам культуры пры фінансавай падтрымцы Еўразвязу. Цягам першай яе эдыцыі (2023 - 2024) падтрыманыя 83 праекты і 57 мабільнасцяў.

🔈 Першая эдыцыя #ArtPowerBelarus набліжаецца да завяршэння. Таму самы час падвесці вынікі праграмы і прыгадаць самыя яскравыя праекты беларускіх творцаў, падтрыманыя грантамі і мабільнасцямі.

🎎 Сёння ў аб’ектыве — тэатр.

Усяго за 2023-2024 год у межах ArtPower Belarus атрымалі падтрымку 1️⃣3️⃣ тэатральных праектаў. Гэта 9️⃣ праектаў 4️⃣ мабільнасці. Не пра ўсе з іх мы можам распавядаць публічна (праз засцярогі бяспекі з боку саміх удзельнікаў), але запісы некаторых пастановак вы можаце паглядзець проста цяпер на YouTube.

📱 “Мая мама ў турме” — сумесны праект навучэнцаў акторскай студыі Razam і “Тэатру жніўня”. Пастаноўка на аснове аднайменнай кнігі Вольгі Вялічкі. Глядзець

📱 “Святло ў цемры” — пастаноўка рэжысёра Андрэя Саўчанкі да Ночы расстраляных паэтаў. Сумесны праект “Тутэйшага тэатру” і фундацыі Tutaka. Глядзець

▫️ “Угу — навіны лесу” — спектакль для дзяцей, створаны тэатральнай студыяй “Дзея другая”. Пугач і Вавёрка спрабуюць разабрацца.

▫️“Сумны Суп” — феерычная дзіцячая пастаноўка тэатру Pryehali на аснове аднайменнай кнігі Вольгі Гапеевай. 🚌 Гэты ж калектыў быў падтрыманы таксама грантам мабільнасці і зладзіў гастролі спектаклю па Польшчы (адбыліся паказы ў Кракаве і Уроцлаве).

▫️“Дзікае паляванне караля Стаха” — зорная опера Беларускага Свабоднага тэатру. Над пастаноўкай працавалі: кампазітарка Вольга Падгайская, паэт Андрэй Хадановіч, дырыжор Віталь Алексяёнак, цэлы россып таленавітых беларускіх і ўкраінскіх оперных спевакоў. Намінацыя за выключныя дасягненні на Olivier Award.

▫️“Зэкамерон” — спектакль “Вольных Купалаўцаў” на аснове аднайменнай кнігі прозы палітвязня Максіма Знака. Сумны гумар з-за кратаў, турэмныя песні і шмат балючай шчырасці.

✈️ Грантамі мабільнасці ў ліку іншых былі падтрыманыя: удзел саўндрамы Coma Паліны Дабравольскай у міжнародным фэсце ў Берліне , а таксама паказ батлейкі “Купала. Пачатак” у Вільні.

✔️ Праграма ArtPower Belarus рэалізуецца Беларускай Радай культуры і Дацкім інстытутам культуры пры фінансавай падтрымцы Еўразвязу. Цягам першай яе эдыцыі (2023-2024) былі падтрыманыя 83 праекты і 57 мабільнасцяў.

🔥 Сабралі для вас гарачыя #магчымасці для беларускіх дзеячаў культуры.

Больш абвестак пра навучальныя праграмы, арт-рэзідэнцыі і адкрытыя колы — на патнёрскім канале @sekktor.
sekktor цяпер мае ўласны сайт, з яго дапамогай стала яшчэ прасцей шукаць і знаходзіць стажыроўкі, стыпендыі і праграмы падтрымання.

🔔 Вакансія куратара/-кі праекта памяці Алеся Пушкіна.
Абавязкі:
- Арганізаваць выставу памяці Алеся Пушкіна;
- Правесці конкурс даследчыцкай стыпендыі імя Алеся Пушкіна;
- Удзельнічаць у стварэнні кантэнту пра творчасць мастака;
- Далучыцца да падрыхтоўкі мастацкага альбома.

Даведацца больш

Дэдлайн для рэзюмэ: 28 лютага.
Падаць заяўку можна праз email: alespushkin@proton.me. Трэба даслаць CV і матывацыйнае эсэ на тэму “Як прыцягнуць увагу да творчасці Алеся Пушкіна”.

❕ Даследчыя і навучальныя стыпендыі ў Польшчы ад праграм Lane Kirkland Scholarships і Kirkland Research.
Для кандыдытаў/-ак з вышэйшай адукацыяй (навучальная) і досведам даследчай працы не менш як 4 гады (даследчая).

Дэдлайн: 1 сакавіка
Даведацца больш

📱 Міні-курс "Партфоліа-менеджмент для творцаў" ад куратаркі Вольгі Кліп і sekktor. Серыя відэалекцый, што дапамогуць самастойна распрацаваць базавы пакет дакументаў для прафесійнай самапрамоцыі творцы.
Глядзець

❓ Каго мы падтрымалі грантам #ArtPowerBelarus: арт-відэа да мультыдысцыплінарнага праекта Марыі Алены Банэт Tu Sei Il Giardino (“Ты — Сад”).

“У гэтай працы я даследую тэму трансфармацыі праз метафару саду, дзе чалавек сам уплывае на правяву самога сябе, — тлумачыць аўтарка. — У праекце распавядаю, як ператварыць свой жыццёвы досвед ва ўрадлівую глебу для росту і стварэння ўнутранага дому. Праект набывае фізічную форму, увасабляючы гэты ўнутраны рост з дапамогай розных мастацкіх сродкаў, такіх як скульптура, відэа-арт, гукавая інсталяцыя, аналагавая фатаграфія і графіка”.

Цэнтральным візуальным матывам відэа з'яўляецца серыя скульптур. Гэта коканы матылькоў — сімвал індывідуальнай метамарфозы і пераходу з аднаго стану ў іншы.

Для напісання музыкі Марыя Алена запрасіла вядомую беларускую кампазітарку Вольгу Падгайскую, для выканання – гітарыстку з Беларусі з сусветным іменем Наталлю Ліпніцкую, аператар — Андрэй Васкрасенскі.

Дарэчы, адна са скульптур, створаных у межах праекта, стала фіналістам міжнароднага італьянскага конкурсу COMEL Arte Contemporanea Award і атрымала адмысловую прэмію журы.

🔗 Даведацца больш пра конкурс і прачытаць інтэрв’ю з Марыяй Аленай

Tu Sei Il Giardino будзе неўзабаве прэзентаваны ў Кракаўскай Віле Дэц’юша.

Сачыць за навінамі пра праект:
на сайце аўтаркі і 📱 @maria_elena_bonet

✔️ Больш прыкладаў праектаў, падтрыманых ArtPower Belarus, знойдзеце ў адмысловай галерэі (дапаўняецца)

Да 31 студзеня ў шатландскім Эдынбургу праходзіць выстава Ксішы Анёлавай “Беларускі мартыралог”.

Партрэты беларускіх палітвязняў, намаляваныя на шпалерах. Празрыстыя твары зняволеных, якія з турэмнай камеры шчырымі вачыма глядзяць наўпрост у душу. Праект атрымаў падтрымку #ArtPowerBelarus (у межах праграмы прайшло 4 выставы).

Маштаб вандровак гэтых сціплых партрэтаў уражвае. Выставу двойчы дэманстравалі ў Страсбургу, ладзілі ў Вільні, Варшаве, Ольштыне, Любліне, Капенгагене, Брно і Бруселі, наступнымі прыпынкамі сталіся Рым, Турын, Балонья і Лондан. Пасля завяршэння выстаўкі ў Эдынбургу работы скіруюцца ў Глазга, ёсць планы па арганізацыі выставаў у Ірландыі.

Праект сабраў дзясяткі захопленых водгукаў у еўрапейскай прэсе, а не так даўно працы Ксішы Анёлавай прысвяціла артыкул брытанскае выданне The Times.

Сапраўдная гісторыя поспеху! Калі б не той боль, пакуты і слёзы, што стаяць за кожным з партрэтаў.

“Паспяховым праект станецца, калі ўсе героі маіх работ выйдуць на волю, — кажа Ксіша Анёлава. — Цяжка несці гэты боль у свет, але з кожнай новай выставай, кожным прыпынкам у новым горадзе “Беларусі мартыралог” пашырае кола прыхольнікаў. Нам у профіль прыходзіць шмат паведамленняў, а наведвальнікі часта адзначаюць, што партрэты працуюць так, як і мусіць працаваць арт — праз мову мастацтва расказваюць гісторыю беларусаў усяму свету”.

📱 Сачыць за праектам у Instagram

🔥 Сабралі для вас гарачыя #магчымасці для беларускіх дзеячаў культуры.

Больш абвестак пра навучальныя праграмы, арт-рэзідэнцыі і адкрытыя колы — на патнёрскім канале @sekktor. sekktor цяпер мае ўласны сайт, з яго дапамогай стала яшчэ прасцей шукаць і знаходзіць стажыроўкі, стыпендыі і праграмы падтрымання.

🔝 Шанс для творцаў трапіць у дайжэст @sekktor і тым самым пашырыць уласную аўдыторыю, паскорыць пошук працы, новых каманд, замоўцаў ці партнёраў
Даведацца больш

▫️ Cтыпендыі на побыт у рэзідэнцыі для пісьменнікаў з Беларусі, Літвы і Украіны ад урочышча "Грушкі" і Таварыства для дыялогу Tropinka.
Час рэзідэнцыі: з 7 па 21 сакавіка 2025.
Дэдлайн падачы заяўкі: 31 студзеня.
Даведацца больш

▫️ Побыт і творчасць у Мастацкай рэзідэнцыі ў Варшаве ад “Дома Творцаў” для беларускіх мастакоў.
Час рэзідэнцыі: сакавік 2025.
Дэдлайн для падачы заяўкі: 1 лютага
Даведацца больш і падаць заяўку

▫️ Адукацыйны курс “Сейбіт прамовы” па майстэрстве публічных выступленняў ад рэжысёра Андрэя Саўчанкі.
Онлайн, 6 сустрэч цягам трох тыдняў, старт: 27 студзеня
Даведацца больш і падаць заўяку
🔥 Сёння (24 студзеня) дэдлайн!

🔥 Сабралі гарачыя #магчымасці для беларускіх дзеячаў культуры.

Больш абвестак пра навучальныя праграмы, арт-рэзідэнцыі і адкрытыя колы — на патнёрскім канале @sekktor. sekktor цяпер мае ўласны сайт, з яго дапамогай стала яшчэ прасцей шукаць і знаходзіць стажыроўкі, стыпендыі і праграмы падтрымання.

▫️ Конкурс праектных прапаноў Belarus Beehive 2.0. Запрашаюць да ўдзелу зарэгістраваныя арганізацыі і нефармальныя групы. Можна падаваць праекты (з бюджэтам да €60 тыс.), скіраваныя на дэмакратычныя змены, умацаванне салідарнасці і актывізацыю грамадскай дзейнасці.
Даведацца больш

▫️ Адукацыйны курс “Журфак па суботах” БАЖ і Press Club Belarus. Запрашаюць ахвотных стаць журналістам (пачаткоўцы), паглыбіць свае веды (дзейныя прафесіяналы) ці атрымаць спецыялізацыю (паглыблены ўзровень). Заняткі будуць праходзіць офлайн у Варшаве і Вільні.
Даведацца больш

▫️ Лекцыя “Стратэгіі сучаснага крытычнага тэатра Заходняй Еўропы” ў межах праекта culture makes. Запрашаюць усіх, хто цікавіцца сучасным крытычным тэатрам. Пра тэатр як мастацтва крытычнае распавядзе даследчыца і выкладчыца Вікторыя Табак.
Даведацца больш і зарэгістравацца

🎥 Каго мы падтрымалі грантам #ArtPowerBelarus: каманда стваральнікаў дакументальнага фільма пра палітвязня Сяргея Ціханоўскага.

Прэм’ера стужкі "Адзін з нас" адбылася на YouTube-канале “Настоящее время. Док”.

“Мы ўпэўненыя, што роля Сяргея Ціханоўскага ў абуджэнні грамадскай актыўнасці беларусаў дагэтуль недаацэненая. Менавіта пра гэта мы хацелі паразважаць у сваёй працы і — адпаведна — прапанаваць гэтыя развагі гледачам. Таксама імкнуліся паказаць рашучасць Сяргея, яго цвёрдасць і ўпэўненасць, падаецца, што менавіта гэтых якасцяў нам часам не хапае, — кажуць стваральнікі стужкі. — Нашая работа — гэта і доказ, што людзі за кратамі не забытыя. Што іх ахвярнасць не была дарэмнай. Што мы ўдзячныя ім. Што іх прыклад для нас вельмі важны”.

Разам з тым каманда праекта мае надзею, што “Адзін з нас” дапаможа яшчэ раз звярнуць увагу міжнароднай супольнасці на пытанні беларускіх вязняў.

“Праца, якая вядзецца на дыпламатычным узроўні, вельмі важная, але не заўсёды яе сутнасць і мэты сягаюць свядомасці ўсяго грамадства. Магчыма, пры дапамозе фільма у нас атрымаецца зрабіць тэму палітычных вязняў у Беларусі больш вядомай у грамадскіх колах розных краін”, — мяркуюць удзельнікі творчай групы.

📱 Глядзець дакументальны фільм на YouTube

✔️ Больш прыкладаў праектаў, падтрыманых ArtPower Belarus, знойдзеце ў адмысловай галерэі (дапаўняецца)

📱 Увага! Тызер!

🐇 Каго мы падтрымалі грантам #ArtPowerBelarus: стваральнікі анімацыйнай стужкі “Заяц” паводле верша Валера Маракова. Дзякуючы нашай праграме быў запісаны гук да гэтай кароткаметражкі.

9-хвілінны анімацыйны фільм задуманы як позірк у мінуўшчыну і разам з тым — яскравая паралель з сучаснымі беларускімі падзеямі. “Заяц”, натхнёны вершам беларускага паэта, расстралянага ў Чорную ноч, асвятляе сістэматычныя рэпрэсіі супраць беларускай літаратурнай эліты. На жаль, гэтая тэма застаецца актуальнай і сёння.

Праз сродкі анімацыі аўтары (з прычынаў бяспекі застаюцца ананімнымі) імкнуцца даць голас сучасным беларускім творцам, якія працягваюць прамаўляць, нягледзячы на цэнзуру, рэпрэсіі і выгнанне. Стужка паказвае і нашую супольную неперажытую траўму, актуальную для некалькіх пакаленняў беларусаў.

❕Сачыце за абвесткамі. Хутка “Заяц” распачне фестывальнае жыццё, а пасля — будзе даступны для бясплатнага прагляду.

🔗 Глядзець тызер

✔️ Больш прыкладаў праектаў, падтрыманых ArtPower Belarus, знойдзеце ў адмысловай галерэі (дапаўняецца)

📚 Каго мы падтрымалі грантам #ArtPowerBelarus: гісторык Аляксей Бацюкоў і яго даследчая праца за межамі Беларусі.

Ужо пасля пераезду з краіны спадар Аляксей здолеў працягнуць свае даследаванні дзеля адкрыцця новых старонак беларускай гісторыі.

— Дзе б ні знаходзіліся навукоўцы, кім бы ні былі іх сучасныя чытачы, гэтыя працы вядуцца пра беларусаў і Беларусь, для беларусаў і для Беларусі. Праз пакаленні ўжо ніхто не будзе звяртаць увагі, гісторык фізічна знаходзіўся ў Менску ці ў Фрайбургу. Галоўнае — гэта тое, што ён адкрыў для навукі. — упэўнены Аляксей Бацюкоў. — Гістарычныя даследаванні ў сучасным беларускім грамадстве атрымалі асаблівы экзістэнцыйны статус, у сувязі з пераходным станам самога грамадства. Гісторыя разглядаецца як аўтарытэт, што легітымуе сучасныя практыкі і наратывы. Мяркую, што гісторыя шмат у чым ператварылася ў палітыку. А для таго каб палітыка вялася чыстымі рукамі, неабходна, каб гістарычная перспектыва для яе была сфармуляваная даставерна і навукова. Менавіта па гэтай прычыне, на маю думку, неабходна падтрымліваць працу даследчыкаў, бо яснасць таго шляху, якім мы ідзем, наўпрост залежыць ад яснага разумення ўсяго таго, што мы ўжо прайшлі.

Пры гэтым сваю эміграцыю з Беларусі даследчык успрымае не толькі як выпрабаванне, але і як выклік, адкрыццё магчымасцяў. Ён зазначае:

— Новыя крыніцы, новыя архівы, новае прафесійнае кола калегаў, што можа вывесці даследаванні на новы ўзровень і адкрыць не дасягальныя раней далягляды. І тое, што вядзе даследчыка ўсё яго жыццё, — прага новага, страсць да спасціжэння ісціны і бясконцая пяшчота да герменэўтыкі пазнання і пазнавання — для мяне з’яўляецца стымулам працягваць працу далёка ад Радзімы.

✔️ Больш прыкладаў праектаў, падтрыманых ArtPower Belarus, знойдзеце ў адмысловай галерэі (дапаўняецца)