Рэсурсны цэнтр Беларускай Рады культуры


Гео и язык канала: Беларусь, Белорусский
Категория: Политика


Афіцыйны тэлеграм-канал Рэсурснага цэнтра Беларускай Рады культуры. Пішам пра #магчымасці для творцаў, рэалізоўваем праекты, гуртуем супольнасці.
Для сувязі: instagram.com/resource_byculture
Канал пра дзейнасць Беларускай Рады культуры @radakultury

Связанные каналы

Гео и язык канала
Беларусь, Белорусский
Категория
Политика
Статистика
Фильтр публикаций


📢 Вынікі чарговага колу для заявак на праграму мабільнасці будуць падведзеныя ў другой палове красавіка.

Цягам раунда, які завяршыўся 20 сакавіка, мы атрымалі 24 індывідуальныя і калектыўныя заяўкі на агульную суму 79 270 еўра. У адпаведнасці з пратаколам іх спачатку ацэняць эксперты, затым — адборачная камісія, што збярэцца ў другой палове красавіка. Тады ж стануць вядомыя атрымальнікі грантаў мабільнасці #ArtPowerBelarus, якія здзейсняць вандроўкі з мэтай прафесійнага развіцця ўлетку і ў пачатку восені.

❗️Сродкі, вылучаныя на праграму мабільнасці, вычарпаныя. Таму гэтым турам ArtPower Belarus завяршае працу з такім тыпам падтрымання, але заяўкі на атрыманне міні-грантаў усё яшчэ прымаюцца.

Актуальны дэдлайн для заявак на міні-гранты: 17 красавіка 2024 г.


Хочаце рэалізаваць праект, але не ведаеце, дзе шукаць для яго ідэі? Вось тут ёсць падказкі.

Праграма ArtPower Belarus рэалізуецца @radakultury і Дацкім інстытутам культуры пры фінансавай падтрымцы Еўразвязу.


🕠Не прамініце апошні шанец падаць заяўку на міні-гранты ў межах #ArtPowerBelarus!

Актуальны дэдлайн для бягучага кола — 17 красавіка.

Бюджэт праекта: да 5 000 еўраў.
Максімальны тэрмін завяршэння ўсіх актыўнасцяў: 1 лістапада 2024 года.

🎨Хочаце падаць заяўку, але не ведаеце, як і чым натхніцца на праект?
Даем падказку: зазірніце ў каляндар. Напрыклад, сёлета ў чэрвені спаўняецца 40 гадоў менскаму метро, улетку ўвесь літаратурны свет будзе адзначаць 100-годдзе з Дня нараджэння пачынальніка беларускага экзістэнцыялізму Васіля Быкава, а ў кастрычніку яскравай падзеяй стане 120-годдзе мастачкі Надзеі Хадасевіч – Лежэ, якая сваёй асобай паяднала Беларусь, Польшчу і Францыю.
Натхняльнымі могуць стаць і штогадовыя падзеі — вясёлыя Дні беларускай культуры і трагічная Ноч паэтаў.

Поспехаў! Даведацца больш пра міні-гранты і падаць заяўку


🔥Запускаем новы магістрат – Volat

На гэты раз прапануем беларусам аб’яднацца ў супольнасць, якая цягам 9 месяцаў будзе падтрымліваць спартовы клуб з багатай гісторыяй Volat у Варшаве.

🏆Ён працаваў у 2012–2021 гадах у Мінску, дзе меў 10 філіялаў па ўсім горадзе. За гады дзейнасці клубу падрыхтаваныя больш як 50 пераможцаў чэмпіянатаў, першынстваў і кубкаў Беларусі ў розных відах спорту. Цяпер Volat мае амбітныя планы разгарнуць сетку беларускіх патрыятычна-спартовых клубаў па ўсёй Польшчы. Філіялы адроджанага клубу маюць стацца месцамі фізічнага, інтэлектуальнага ды патрыятычнага выхавання моладзі.

“Мы бачым, што Volat мае досвед і амбіцыі ды закрывае вельмі патрэбную нішу патрыятычнага і фізічнага выхавання беларускіх дзяцей за мяжою, – тлумачыць выбар ініцыятывы кіраўнік праекту “Беларускія магістраты” Цімафей Акудовіч.


Далучыцца да магістрату проста: дастаткова падпісацца на адзін з тарыфаў – 50 злотых (≈ 12€), 100 злотых (≈ 23€) альбо 200 злотых (≈ 46€) на выбар.

✉️bielmahistrat@byculture.org


🔥 Сабралі гарачыя #магчымасці для беларускіх дзеячаў культуры.

Падпішыцеся на @sekktor, тут такія пасты з’яўляюцца штодзень.

🔺Заўтра, 20 сакавіка — дэдлайн для заявак на гранты мабільнасці ад #ArtPowerBelarus. Не прамініце! Верагодна, гэта апошні кол на такі тып падтрымання ў межах праграмы.
Даведацца больш і падаць заяўку.

🔺Заўтра, 20 сакавіка — дэдлайн для заявак на ўдзел у адукацыйнай праграме #ArtPowerBelarus. Навучыцеся кіраваць культурніцкімі праектамі на прафесійным узроўні.
Даведацца больш і падаць заяўку.

🔺Супольнасць “Культурны Код” 23 сакавіка чакае фаўндараў культурніцкіх digital-праектаў на майстармайнд-сустрэчы ў Варшаве. Тэма: “Як зрабіць прарыў у праектах”.
Даведацца больш.

🔺Праект Culture Makes запрашае 20 сакавiка на адкрытую лекцыю Аліны Дзеравянкі “Як сучаснае мастацтва актуалізуе спадчыну? Кейсы ў свеце і Беларусі”.
📍 Вільня офлайн ці zoom
Даведацца больш і зарэгістравацца.


💥 Ужо сёння! Супольнасць “Культурны Код” запрашае на паблік-ток з культурніцкай менеджаркай Оляй Кавальскай "Фандрайзінг: як шукаць грошы для свайго праекта?"

Гаворка пойдзе пра:
🔻 фандрайзінг і яго віды;
🔻 крыніцы, дзе шукаць донараў (і як гэта лепей рабіць).

На прыкладзе асобна ўзятага конкурсу на атрыманне грантаў спікерка патлумачыць, з якіх частак складаецца праектная заяўка і як яе правільна запаўняць.

Калі? 14 сакавіка ў 17:00 (Варшава) / 19:00 (Мінск)
Дзе? Zoom

✔️Оля Кавальская — культурніцкая менеджарка, фем-квір актывістка, заснавальніца Art Yard Community — праекта па стварэнні супольнасці праз мастацтва.

Праект “Культурны Код” фінансуецца Еўразвязам у межах праекта EU4Culture, які рэалізуецца Інстытутам імя Гётэ.


⚡️Застаўся роўна тыдзень да дэдлайну для заявак на гранты мабільнасці ад праграмы ArtPower Belarus!

Калі плануеце сёлета здзейсніць вандроўку з мэтай прафесійнага развіцця, — спяшайцеся падаць заяўку да 20 сакавіка 2024 года (пачатак мабільнасці: травень 2024).

❗️ Сродкі, вылучаныя на падтрыманне праграмы мабільнасці ў межах ArtPower Belarus, ужо амаль вычарпаныя. Таму верагодна, актуальны кол станецца апошнім для такога тыпу заявак.

Нагадваем таксама, што ў нас адрыты кол на міні-гранты. Маеце задумку праекта з бюджэтам да 5 тысяч еўраў — спяшайцеся падаць заяўку да 17 красавіка 2024 года (старт праекта: чэрвень 2024).

Даведацца больш пра міні-гранты, праграму мабільнасці і падаць заяўку можна на сайце Рэсурснага цэнтра Беларускай Рады культуры. Тут жа знойдзеце галерэю праектаў, падтрыманых у 2023 годзе.

#ArtPowerBelarus рэалізуецца Беларускай Радай культуры і Дацкім інстытутам культуры пры фінансавым спрыянні Еўразвязу.


🪻У якасці лога цягам першага вясновага месяца мы выкарыстоўваем фрагмент работы “Спевы птушак” беларускага мастака Антося Радзівонава. На радзіме Антось спазнаў пераслед праз сваю творчасць, ужо каторы год жыве і працуе ў Варшаве.

Вы можаце падтрымаць мастака, замовіўшы ў яго мерч з працай са знакамітай серыі “Птушкі з народам”.

Час ад часу нашае лога будзе мяняцца. Бо нават лагатып Рэсурснага цэнтра — прастора для мастацкага выказвання беларускіх творцаў, а значыць, для вашага выказвання.

📌 Калі вы — мастак і хочаце, каб на нашым лога з’явілася вашая работа, — пішыце на resource@byculture.org.

❗️Памятайце, што Рэсурсны цэнтр Беларускай Рады культуры — частка экстрэмісцкага фармавання. Беражыце сябе, клапаціцеся пра ўласную бяспеку ў сеціве.


🔥 Сабралі гарачыя #магчымасці для беларускіх дзеячаў культуры.

Падпішыцеся на @sekktor, тут такія пасты з’яўляюцца штодзень.

🔺Праект Culture Makes запрашае 7 сакавiка на адкрытую лекцыю “Межы і рысы беларускай нацыянальнай культуры: Канструяванне ўяўнай сапраўднай беларускасці”. Спікер: этнолаг, кандыдат гістарычных навук Сцяпан Захаркевіч.
📍Вільня ці онлайн у zoom
Даведацца больш і зарэгістравацца

🔺#ArtPowerBelarus набірае ўдзельнікаў адукацыйнай праграмы для беларускіх прафесіяналак і прафесіяналаў у сферы культуры. Навучанне бясплатнае, онлайн.
Даведацца больш і падаць заяўку (да 20 сакавіка)

🔺Social Camp прапануе ўдзел у праграме ментарынгу, створанай, каб дапамагчы фаўндарам праектаў з сацыякультурным складнікам ва ўсебаковым развіцці: прафесійным і асабістым.
Даведацца больш і падаць заяўку (да 10 сакавіка)

🔺Супольнасць “Культурны Код” запрашае 7 сакавіка на паблік-ток з музычным менеджарам Мікітам Абрамчыкам “Як выкарыстоўваць Spotify для прасоўвання свайго праекта?”
Даведацца больш


Запрашаем на лекцыю-гутарку з гісторыкам і кінапрагляд.

Падчас імпрэзы гаворка пойдзе пра Беларускі асобны батальён, які дзейнічаў у складзе Літоўскага войска і быў сфармаваны акурат 105 гадоў таму ў Коўне.

⏰ Калі? 3 сакавіка, а 15:00
Дзе? Гасцёўня Беларускай Рады культуры (Šv. Ignoto g. 5)
Уваход: free donation

У праграме вечарыны:

🔺лекцыя-гутарка з вядомым гісторыкам Яўгенам Красуліным. Ён распавядзе, як ствараўся Беларускі батальён у Літоўскім войску, як дзейнічалі іншыя вайсковыя фармаванні з удзелам беларусаў, і шырэй — чым было напоўненае грамадска-палітычные жыццё беларусаў Літвы стагоддзе таму;
🔺прагляд кінафільма;
🔺музычны выступ дудара.

Арганізатары — Віленская філія “РУХу” — абяцаюць памятныя падарункі кожнаму госцю на імпрэзе.

#сустрэнемся_ў_гасцёўні

📷 Жаўнеры Беларускага асобнага батальёна са сцягам, 1919 г. (be.wikipedia.org)


🔥 #ArtPowerBelarus запускае навучальную праграму для беларускіх прафесіяналаў(-к) у сферы культуры і запрашае ўдзельнікаў(-іц).

Мэта праекта — паглыбленне ведаў беларускіх прафесіяналаў ад культуры ў кіраванні і маркетынгу творчай галіны як эканамічнай дзейнасці. Праграма пашырыць магчымасці дзеячаў культуры з гледзішча арганізацыі працэсу кіравання праектамі.

Навучальная праграма ўключае курсы:
▪️Уводзіны ў арт-менеджмент,
▪️Уводзіны ў кіраванне праектамі,
▪️Камунікацыі і маркетынг у сектары культуры,
▪️Фінансавы менеджмент. Фандрэйзінг і кіраванне рэсурсамі,
▪️Капіталізацыя культуры і мастацтва,
▪️Рэгіянальная палітыка, якая ўплывае на культурніцкі менеджмент,
▪️Распрацоўванне праектаў і напісанне праектных заявак.

Пачатак заняткаў: 1 красавіка 2024 года. Працягласць навучання: 10 тыдняў.
Навучанне бясплатнае онлайн.

Дэталі, патрабаванні да ўдзельнікаў і форма заяўкі (дэдлайн: 20 сакавіка).

Увага! Колькасць месцаў абмежаваная.

✔️ Ёсць пытанні? Пішыце на e-mail: education@byculture.org


💥 Супольнасць “Культурны Код” запрашае ўдзельнікаў і гледачоў на чарговы онлайн-пітчынг digital-рашэнняў для беларускай культуры.

Чакаюць як дасведчаныя каманды, так і навічкоў. Можна прэзентаваць гатовы праект ці толькі задумку. Галоўнае, каб ідэя была звязаная з ІТ і працавала на вырашэнне задач культурніцкага ці творчага сектараў.

Калі? 29 лютага ў 17:00 CET / 19:00 Мінск.
Дзе? ZOOM

Рэгістрацыя ўдзельнікаў

Дэдлайн прыёму заявак: 28 лютага (23.59 СЕТ).

Пасля пітчынгу ўдзельнікі чата будуць галасаваць за самы цікавы, на іх думку, праект. Ён і атрымае 🏆прыз — каля 15 працоўных гадзін ад спецыяліста па запыце (дызайнер, праграміст, піяршчык і г.д.).

Праект “Культурны Код” фінансуецца Еўразвязам у межах праекта EU4Culture, які рэалізуецца Інстытутам імя Гётэ.


⚡️У нас вакансіі!

Беларуская Рада культуры абвяшчае набор на вакансіі выкладчыкаў(-ц) адукацыйнай праграмы па арт-менеджменце ў межах міжнароднага праекту #ArtPowerBelarus.

🔺Арыентацыйны пачатак працы: красавік 2024 года.
🔺Тып кантракту: частковая занятасць.
🔺Месца працы: онлайн.

Мы шукаем дынамічных і дасведчаных выкладчыкаў і выкладчыц, якія будуць адказваць за правядзенне онлайн-лекцыяў, семінараў і практыкумаў у красавіку – чэрвені 2024 года.

Падрабязна пра ўмовы і абавязкі

✔️Заяўкі (CV і кароткі суправаджальны ліст) прымаем на электронную пошту: education@byculture.org да 6 сакавіка 2024 года.


🐙 Праект “Васьміног: адукацыя для беларускіх дзяцей сёння і заўтра", які змяняе беларускую школу, дзейнічае ўжо 1️⃣ год.

За гэты час:
🔸Праведзеныя два конкурсы на атрыманне грантаў для беларусацэнтрычных адукацыйных праектаў на суму ў € 430 тысяч. Падтрыманыя "Васьміногам" праекты ахапілі амаль 20 тысяч дзяцей і падлеткаў з Беларусі.
🔸 Зладжанае Базавае даследаванне адукацыі. Праводзяцца канферэнцыі і канцэптуальныя лабараторыі па рэфармаванні беларускай школы, што паспрыяюць трансфармацыі адукацыйнай сістэмы ў будучыні.
🔸 Арганізаваныя анлайн-навучанне для школьнікаў на 11 дыстанцыйных курсах, курсы падвышэння кваліфікацыі настаўнікаў у сферы інавацыйнай інтэрнэт-педагогікі.
🔸 Распачала працу інавацыйная навучальная анлайн-платформа з бібліятэкай і курсамі для дзяцей.

Праект падтрымліваецца Еўразвязам і рэалізуецца ў партнёрстве з Беларускай Радай культуры.

😉 Далучайцеся і сачыце за актыўнасцямі Васьмінога:
Telegram | Facebook | Instagram


⚡️ Вядомыя новыя дэдлайны для заявак на міні-гранты і мабільнасці ў межах ArtPower Belarus.

▪️Плануеце здзейсніць вандроўку з мэтай прафесійнага развіцця? Падавайце заяўку да 20 сакавіка 2024 г.

▪️Маеце задумку праекта з бюджэтам да € 5 тыс.? Спяшайцеся падаць заяўку да 17 красавіка 2024 г.

На сувязі грант-менеджар ArtPower Belarus! Нагадваю, што праграма субгрантаў завяршаецца сёлета, і гэта ваш апошні шанец падаць заяўку на фінансаванне ў памеры да 5 тысячаў еўраў! — кажа Эліна Калнібалоцкая. — Мы імкнемся падтрымліваць значныя праекты, якія спрыяюць пазітыўным зменам у нашай супольнасці. Будзь то інсталяцыя, выданне кнігі ці канцэртны тур, мы хочам пачуць вас і пабачыць вашыя самыя смелыя ідэі!

Даведацца больш пра міні-гранты, праграму мабільнасці і падаць заяўку можна на сайце Рэсурснага цэнтра Беларускай Рады культуры. Тут знойдзеце галерэю праектаў, падтрыманых у 2023 годзе.

#ArtPowerBelarus рэалізуецца @radakultury і Дацкім інстытутам культуры пры фінансавай падтрымцы Еўразвязу.


"Культурнаму Коду" — праекту, які рэалізуецца ў межах Рэсурснага цэнтра Беларускай Рады культуры, споўніўся 1️⃣ год 🎉.

Гэта супольнасць, што яднае ІТ-спецыялістаў і дзеячаў культуры дзеля распрацоўкі digital-прадуктаў з галіны culttech. Чат стаўся лагічным працягам аднайменнага хакатона, што Беларуская Рада культуры ладзіла восенню 2022 года ў Вільні разам з Imaguru Startup Hub.

З невялічкай суполкі выпускнікоў хакатону чат "Культурны Код" вырас у важны рэсурс, дзе акумулююцца ідэі і рэгулярна ладзяцца ўнікальныя івэнты — паблік-токі, пітчынгі і сустрэчы майстармайнд-групы.

У нашай супольнасці штомесяц прэзентуюцца новыя лічбавыя праекты. Гэта паказвае, што сфера актыўна расце і для яе патрэбная інфраструктура. Запрашаем у кам'юніці, у прыязнае асяроддзе фаундараў лібавых культурніцкіх праектаў, — кажа менеджарка Алена Каховіч.

Праект “Культурны Код” фінансуецца Еўразвязам у межах праекта EU4Culture, які рэалізуецца Інстытутам імя Гётэ.

#нашыя_праекты


💥 Атрымальнік гранта #ArtPowerBelarus — “Дом творцаў”.

Дзякуючы падтрыманню праграмы, што рэалізуюць @radakultury і Дацкі інстытут культуры пры фінансавым спрыянні Еўразвязу, улетку 2023 года ў “Доме творцаў” адбыліся дзве арт-рэзідэнцыі.

Вынікам першай — яе ўдзельнікамі былі 15 мастакоў — выстаўкі новых арыгінальных работ, прысвечаныя Алесю Пушкіну. Вынікам другой, што мела назву “Вяртанне Irdorath” і сабрала калектыў з 20 музыкантаў, — новая песня гурта Irdorath Zorami і відэакліп на яе.

Кожная арт-рэзідэнцыя ў “Доме творцаў” дае агромністы штуршок крэатыву, натхнення яе ўдзельнікам, — кажа кіраўнік праекта Сяржук Доўгушаў. — Дзякуючы гэтаму беларуская культура ў эміграцыі працягвае жыць і развівацца, а мы голасна кажам пра сябе ўсяму свету. Творы, што становяцца вынікам побыту мастакоў, музыкаў у нашай рэзідэнцыі, адпавядаюць высокім прафесійным стандартам, а гэта выразней падкрэслівае: беларуская культура з’яўляецца часткай еўрапейскай.

Пабачыць больш падтрыманых праектаў #ArtPowerBelarus


#магчымасці для культурніцкіх дзеячаў:

🔥 гарачы дэдлайн! Заўтра, 7 лютага — адкрытая онлайн- і офлайн-лекцыя Джэфры Тэйлара "Функцыянаванне сусветнага арт-рынку. Як беларускім мастакам заняць на ім прыкметнае месца" ад праекта culture makes.

Рэгістрацыя і дэталі

▪️Стыпендыяльная рэзiдэнцыя ў Партугаліi для беларускіх актывістаў_ак, журналістаў_ак і праваабаронцаў ад Free Belarus Center.

Дэдлайн: 9 лютага.
Дэталі і форма заяўкі

▪️Ментарская праграма ад Беларускага нацыянальнага моладзевага савета “Рада” для актывістаў/_к, якія толькі пачынаюць свой шлях.

Адкрыты дэдлайн
Дэталі і форма заяўкі

▪️Конкурс праектаў на атрыманне міні-грантаў (да 5 тыс. еўраў) і грантаў мабільнасці #ArtPowerBelarus.

Дэдлайны: 17 красавіка (міні-гранты), 20 сакавіка (мабільнасці)
Дэталі і формы заяўкі міні, мабільнасці.

✔️Больш магчымасцяў — на канале @sekktor.


💥 Год таму мы пачалі прыём заявак у межах праграмы #ArtPowerBelarus. Сёння радыя паведаміць: падведзеныя вынікі ўжо чацвёртага туру конкурсу на атрыманне грантаў і мабільнасцяў.

Экспертная і адборачная камісіі вызначылі 16 праектаў – атрымальнікаў мідзі-грантаў на агульную суму 365 тысяч еўраў, 11 праектаў – атрымальнікаў міні-грантаў з супольным бюджэтам каля 47 тысяч еўраў, фінансаванне атрымалі 8 заявак на гранты мабільнасці.

Маё галоўнае ўражанне: крэатыўныя ідэі, якія беларускія творцы прапануюць у сваіх праектах, неабмежаваныя. – адзначае запрошаны эксперт, былы амбасадар Швецыі ў Беларусі Стэфан Эрыксан, – Але мне крыху балюча, бо толькі частка таленавітых і прафесійных заявак можа быць ухваленая. Спадзяюся, што ўдзельнікі конкурсу з разуменнем паставяцца да абмежаванняў праграмы і рашэнне адборачнай камісіі не прывядзе да разладу сярод беларусаў.

Больш дэталяў пра вынікі туру

❗️Калі вы падавалі заяўку і яшчэ не ведаеце лёсу праекта, уважліва праверце ўсе тэчкі свайго паштовага сервісу.


⚡️Запрашаем на сустрэчу з журналістам Інго Пэтцам (Германія), які ў выданні dekoder.org вядзе беларускую тэму і распавядае ў тым ліку пра адметнасці беларускай культуры.

Калі? Сёння, 30 студзеня а 18:00;
📍Дзе? Гасцёўня Беларускай Рады культуры (Vilnius, Šv. Ignoto g.5).

Ці складана трымаць увагу нямецкага СМІ на беларускай тэме? Чаму мы, нашая гісторыя і сучаснасць (не)цікавыя аўдыторыі з Германіі? Што матывуе самога Інго стала цікавіцца Беларуссю і — больш — падтрымліваць беларускіх культурніцкіх дзеячаў? На гэтыя і іншыя пытанні наведвальнікі сустрэчы будуць шукаць адказы разам з шаноўным госцем.

Вам таксама цікава далучыцца? То #сустрэнемся_ў_гасцёўні!

Імпрэзу ладзіць Беларуская асацыяцыя журналістаў.

✔️Дэталі, рэгістрацыя


💥 Як працуе Беларуская Рада культуры? Якія праекты каманда мае ў рэзерве? Ці ёсць будучыня ў беларускай культуры ў эміграцыі?

Задайце сваё пытанне Радзе сёння — і атрымайце адказ падчас онлайн-інфасесіі заўтра.

Кіраўнік Беларускай Рады культуры Сяргей Будкін, унутраная каардынатарка Надзея Гарэцкая, грант-менеджарка праграмы ArtPower Belarus Эліна Калнібалоцкая, а таксама іншыя чальцы каманды Рады культуры раскажуць пра планы і дасягненні арганізацыі, паразважаюць пра перспектывы культурніцкай супольнасці і, вядома, адкажуць на ўсе вашыя пытанні.

Калі? 30 студзеня 2024 а 17:00 СЕТ / 19:00 (Мінск)
📍Дзе? Zoom

✔️Да онлайн-інфасесіі змогуць далучыцца толькі зарэгістраваныя ўдзельнікі, якія прайшлі першасную верыфікацыю.

Рэгістрацыя

😊 Далучайцеся і будзем знаёміцца бліжэй!

Показано 20 последних публикаций.