«Мы заўсёды разумелі, што Расія з'яўляецца ворагам незалежнасці Беларусі. Але падчас пратэстаў 2020 года мы былі вельмі дыпламатычнымі, асцярожнымі з заявамі супраць Расіі, таму што ў нас не было жадання ваяваць яшчэ і з Расіяй. Нам трэба было хаця б з Лукашэнкам даць рады. Але калі мы ўбачылі Бучу, Ірпень, Марыупаль, гэтую вайну – то, вядома, тут ужо не засталося месца для дыпламатыі».

«Перамога – гэта калі расійскія войскі выйдуць з усёй тэрыторыі Украіны і больш не будуць пагражаць вашаму суверэнітэту і вашай тэрытарыяльнай цэласці. Цяпер Украіну пхаюць да варыянта, што зброя замоўкне, але Украіна не будзе мець кантролю над усёй тэрыторыяй. Гэта будзе замарожаная вайна. Гэта будзе азначаць працяг канфлікту і не прынясе перавагі ні Украіне, ні дэмакратычнаму свету. Гэта не выйсце з сітуацыі».

«Беларусы робяць для перамогі, што могуць – хоць у нас няма складоў зброі і няма мільярдаў. Беларускія салдаты ваююць ва Украіне побач з украінцамі. Беларусы, якія з-за рэпрэсіяў змушана пакінулі краіну, дапамагаюць украінцам, якія выехалі з-за вайны.

А я са свайго боку заўсёды выступаю за Украіну на міжнароднай арэне. Патрабую, каб Украіне далі ўсю магчымую зброю, каб не дазволілі Расіі спыніць вайну там, дзе яна цяпер ёсць, а прымусілі вывесці ўсе войскі з Украіны і з Беларусі».