💔Мінскі абласны суд прысудзіў ксяндза Генрыха Акалатовіча з Валожына да 11 гадоў калоніі ўзмоцненага рэжыму, абвінаваціўшы яго ў «здрадзе дзяржаве».

Суд адбываўся за зачыненымі дзвярыма, дэталі справы невядомыя. 64-гадовы святар, які мае цяжкія хваробы, быў затрыманы больш за год таму. Ксёндз Генрых вядомы сваёй адданасцю беларускай мове і Каталіцкай Царкве. На судзе ён заяўляў пра сваю невінаватасць і прасіў вернікаў працягваць малітвы.