#practice | Хто вашыя эксперты?

Тэарэтычна, эксперт — гэта амбасадор аб'ектыўнай рэальнасці. Ён бесстаронні і аднолькава аўтарытэтны для ўсіх. На практыцы ж, вядома, усё заблытана і ў кожнай суполкі можа быць свой пул экспертаў, са сваімі фактамі.

Прыклад з прыватнага жыцця: сваяк дасылае відос і піша: «Вось літоўскі палітолаг Айніс Пяткус. Паслухай уважліва, што кажа». Відэа на гадзіну, то спачатку я спраўджваю, ці ёсць у гэтым сэнс. Гуглю. А ён ня гугліцца. Што за такі Айніс Пяткус ажно з цэлым каналам па аналітыцы?.. Гуглю па-літоўску. Адзінае, што пра яго можна даведацца: (увага) ён — старшыня асацыяцыі аўтасэрвісаў Літвы. Публікацый у гэтага палітолага — нуль.

Другі прыклад: шлюць мне лінк на інтэрв'ю ажно з самім Аляксандрам Песке! Вось, кажуць, паслухай☝🏻 Хто гэта? Ніхто. Можаце ў якасці практыкавання высвятліць самі)

Дык вось пытанне: ШТО РОБІЦЬ ЧАЛАВЕКА ЭКСПЕРТАМ? Адкуль у яго такі тытул? Каму і чаму вы давяраеце?

Пост са сваімі адказамі на гэтыя пытанні я зраблю пазней.