Вітаю, сябры! З 13-га снежня ўласнікам беларускіх youtube-каналаў адключаць манетызацыю. Дакладней адключаць Google AdSense, праз які блогеры і іншыя маглі атрымліваць узнагароды. Доўга цягнулі, вядома.

То-бок скасуюцца спонсарствы канала “Рудзі” і магчымасць пакідаць платныя каментарыі пад відэа "Рудзі" і "Відзік". І да таго хоць невялікія, але ж грошы за прагляды таксама знікнуць.

Непрыемна? Безумоўна. Шкодна для і без таго слабага белютуба? Вельмі. Дзякуй Вам усім, што працягваеце глядзець канал, пісаць каментарыі і ставіць лайкі. Калі з'яўляецеся спонсарам на YouTube, ці жадаеце падтрымаць каналы "Рудзі" і "Відзік", запрашаю на Patreon.

Нагадаю, што Patreon хоць і не прапускаецца некаторымі беларускімі правайдарамі (не ўсімі) без ВПН, не з’яўляецца забароненым у Беларусі.

Спасылка тут: https://www.patreon.com/c/rudzi_game

Дзякуй усім вялікі!