Паход Карла XII абумоўлены рознымі прычынамі. Адной з іх з’яўляецца імкненне кантраляваць патэнцыйныя гандлёвыя шляхі праз Дзвіну і Дняпро ў Турцыю. Своеасаблівы шлях з варагаў у грэкі. Злучыць наўпрост шведскую Рыгу з турэцкім Станбулам і бязмежнымі рынкамі Усходу. Досыць зразумелымі становяцца дзеянні Карла XII на тэрыторыі Рэчы Паспалітай. Пасланец Турцыі двойчы сустракаўся з каралём у 1703—1708 гг. Турцыя наогул была саюзнікам Карла ў той вайне. Шведы мелі дастаткова сімпатыкаў у ВКЛ, на падмурку якіх узнікла прашведская партыя Сапегаў.
Зразумела і роля Украіны ў гэтым амбітным праекце. На перамовах Карла XII з гетманам Мазэпай Швецыя і Украіна дамовіліся аб стварэнні свабоднага гандлёвага шляху праз Дняпро ў Чорнае мора.

Паводле матэрыялаў Андрэя Катлярчука