Ну што.

Хто пра што, а я проста раблю сваю справу.

Ўсе экспертызы па праекце рэканструкцыі Палацу ў Нароўлі пройдзены.

Нараўлянскі райвыканкам толькі што выдаў дазвол на будаўнічыя працы. Папяровая версія яшчэ толькі будзе адасланая, але электронная ўжо прыйшла праз Вайбер.

Гэта было няпроста, вельмі ня проста. Не валодаю дакладнымі лічбамі, але есьць ўраджаньне, што пераважная большасьць падобных пачынаньняў, дзе за справу бяруцца энтузіясты і гэтыя энтузіясты - не дзяржава, сканчваюцца менавіта на этапе праектаваньня.

Мы ж гэта зрабілі і пойдзем далей.

Да будаўніцтва кроўлі мы гатовыя. Каб проста зараз на Палацы пачалі працаваць будаўнікі, засталося вырашыць 4 даволі тэхнічных пытаньні. Гэта будуць мае задачы на бліжэйшыя 5-10 дзен. Але ўжо на гэтым тыдні там пачнуць працаваць спецыялісты з ацэнкамі, разметкамі і вось гэта ўсе. Вяртацца з навінамі буду па меры іх зьяўленьня. Гэта можа быць ня часта, бо будоўля - гэта не навіны, гэта праца.

Галоўная навіна ў тым, што ніхто нічога ня кінуў і не зьбіраецца.