Адзіны свабодны тэлеканал для беларусаў, запрашае тых, хто займаецца вытворчасцю відэа-кантэнту – праграмаў, мульцікаў, дакументальнага ці мастацкага кіно ды інш., запрапанаваць свой прадукт Белсату!

Не мае значэння, дзе вы цяпер знаходзіцеся, але важна, каб тое, што вы робіце, адпавядала нашай місіі і было па-беларуску. Калі трэба будзе дапамога з перакладам ці агучкай, падказкі ў справе паляпшэння якасці – можаце на нас разлічваць!

Незалежна ад таго, які будзе фармальны статус Белсату ў будучыні, мы перакананыя, што застанемся для беларускіх творцаў месцам, дзе яны змогуць паказваць шырокай публіцы свае праграмы/фільмы/рэпартажы.