Матч паміж футбольнымі зборнымі Беларусі і Паўночнай Ірландыі могуць перанесці з Белфаста. Магчымая прычына – праблемы з візамі ў беларускай зборнай праз санкцыі Вялікабрытаніі.

Па інфармацыі Бі-бі-сі, рашэнне аб выдачы віз пакуль не прынятае.

Каманды мусяць згуляць другі матч у рамках Лігі нацый. Першы прайшоў у суботу ў Венгрыі, дзе беларуская зборная праводзіць "хатнія" матчы праз абмежаванні УЕФА. Гульня прайшла без гледачоў і завяршылася ўнічыю.

Матч у Белфасце мусіць адбыцца 15 лістапада.