dissidentby

#dissidentby
Палітзняволенага з польскім грамадзянствам Роберта Тампала дэпартавалі пасля вызвалення і забаранілі ўезд у Беларусь на 8 гадоў.

Мужчына пражываў у Беларусі з 90-х гадоў, быў затрыманы ў 2022 годзе і асуджаны на 3 гады пазбаўлення волі за каментары ў сацыяльных сетках.

Дэпартацыя адбылася адразу пасля вызвалення - яго даставілі да мяжы пад канвоем. Вядома, што ў мужчыны есць сын. Хутчэй за ўсе, сям’я Роберта засталася ў Беларусі.

Збор сродкаў да Міжнароднага дня абароны правоў людзей з інваліднасцю

Разам з калегамі мы запускаем новы збор, што будзе дзейнічаць да канца траўня.

Мы хочам падтрымаць людзей з інваліднасцю, якія апынуліся ў складанай сітуацыі праз палітычныя рэпрэсіі.

Хто мае патрэбу ў падтрымцы? Мы збіраем сродкі для дзвюх груп:

🔺палітзняволеныя з інваліднасцю — сюды ўваходзяць тыя, хто знаходзіцца ў зняволенні, і тыя, хто ўжо на волі, але пакутуе праз інваліднасць;

🔺сем'і палітзняволеных (цяперашніх і былых), дзе ёсць дзеці з інваліднасцю;

Куды пойдуць сродкі?

🔸медыкаменты і медыцынскія сродкі (напрыклад, вазкі, бандажы, прылады для рэабілітацыя і інш.);
🔸аплата медыцынскіх маніпуляцый, умяшанняў і кансультацый медыкаў;
🔸аплата сацыяльных таксі і іншых транспартных паслуг, што неабходныя для атрымання медыцынскай дапамогі.

Мы плануем сабраць 10 000 еўра. Памер выплат для кожнай сям'і будзе залежаць ад іх патрэб. Максімальная сума выплат — 300 еўра.

Чаму трэба падтрымаць ініцыятыву?

Гэтая група людзей вельмі часта знаходзяцца ў такой цяжкай сітуацыі, калі доступ да медыцынскіх паслуг і рэабілітацыі вельмі абмежаваны. Мы можам змяніць гэта! Праз удзел у акцыі мы акажам рэальную дапамогу тым, хто ў ёй мае вострую патрэбу.

Як дапамагчы?

Зрабіць данат: www.stranafund.org/kampanii/international-day-of-dersons-with-disabilities. Калі не можаце зрабіць данат - зрабіце рэпост ❤️

Ніхто, а тым больш прадстаўнікі гэтай уразлівай групы, не маюць заставацца сам-насам са сваімі праблемамі. Давайце зробім гэты свет больш справядлівым праз наш клопат да людзей з інваліднасцю!

Збор арганізуе служба «Хуткай гуманітарнай дапамогі», куды ўваходзяць Дабрачынны фонд «Краіна для Жыцця», праваабарончая ініцыятыва Dissidentby, Фонд беларускай салідарнасці BYSOL, грамадзянская ініцыятыва ByHelp.

#dissidentby

🍀 Усё яшчэ шукаем рэспандэнтаў для запаўнення анкеты:

⭐️ Былыя палітзняволеныя у Польшчы і Літве
🌸 Людзі, якія пакінулі Беларусь без крымінальнага пераследу (па эканамічных прычыных, адукацыйных, сямейных або прывентыўных, бо баяліся затрымання і іншыя прычыны)

✏️ Калі гэта пра вас і вы зможаце прыняць удзел у нашым даследванні, напішыце калі ласка на акаўнт @dahary_nahami (у межах бяспекі мы робім індывідуальныя спасылкі на запаўненне). У анкеце мы не пытаем імя і асабістыя дадзеныя.

Навошта мы гэта робім? Наша мэта - сабраць рэальную фактуру тых наступстваў (псіхалагічных, фізічных, адаптацыйных і іншых), з якімі вы сутыкаецеся. Мы вельмі шмат камунікуем з вамі (сваякамі палітзняволеных і былымі палітзняволенымі) і разумеем, што патрэбаў шмат і мы ўсе павінны намагацца выпрацаваць максімальна комплексную падтрымку нават у такіх складаных умовах. Ніхто ніколі раней не сутыкаўся з такімі масавымі рэпрэсіямі ў нашай краіне, таму дасканалых і доўгатэрміновых механізмаў на сёняшні дзень няма. А мы жадаем іх зрабіць, каб вы маглі на іх разлічваць!

#dissidentby
🎁 Павіншуй вязняў з днём нараджэння!

⏩ Спіс вязняў, хто святкуе народзіны ў красавіку.

👇Як можна павіншаваць?
- даслаць ліст або тэлеграму. Даслаць ліст можна праз сайт dissidentby;
- правесці акцыю салідарнасці ў любым фармаце;
- зрабіць данат на карысць палітвязняў (❌не з беларускай карткі).

✔️ Калі ласка, правярайце месцазнаходжанне вязня перад адпраўкай лістоў - яно можа змяніцца.
❗️ Не дасылайце грашовыя пералікі ад свайго імя.

▪️ Наш бот: @dissidentby_bot
❤️ Канструктар перадач ТУТ

#dissidentby

9 красавіка - гадавіна смерці Аляксандра Кулініча.

Мужчына памёр у брэсцкім СІЗА. Яго абвінавачвалі паводле арт. 368 КК (абраза Лукашэнкі). Аляксандра затрымалі 29 лютага 2024 года ў Брэсце, з таго часу ён знаходзіўся ў зняволенні. Суд над ім меўся адбыцца 16 красавіка. У выснове аб смерці пазначана, што Кулініч памёр праз ішэмічную хваробу сэрца.

#dissidentby

⭐️ Сяргей Вайцюк выступіў супраць вайны і хацеў далучыцца да беларускіх ваяроў, але быў затрыманы і асуджаны на 2,5 гады зняволення. Зараз ён у Польшчы і шукае дапамогі.

Зона – гэта проста асобны свет. Пастаянны псіхалагічны ціск з боку супрацоўнікаў, сукамернікаў, іншых зняволеных. Ты не ведаеш, што цябе чакае праз пару гадзін, заўтра і так далей.

Калі выйшаў, зразумеў, што не адчуваю сябе ў бяспецы. Не было жадання паўтарыць сваю «прыгоду». І ўвосені 2024 года я пераехаў у Польшчу. Першы час мне вельмі дапамагалі, але на жаль, тут пакуль не атрымліваецца паставіць сваё жыццё на патрэбныя рэйкі.

Дапамагчы Сяргею можна па спасылцы (не рабіце данатаў з беларускіх і расейскіх картак): https://bysol.org/be/private/sergey_voytyuk/

Веру ў тое, што змагу знайсці сваё месца ў Польшчы. Праўда, з кожным днём захоўваць гэтую веру ўсё больш складана, але рукі пакуль не апускаюцца. Буду вельмі ўдзячны ўсім, хто адгукнецца на маю просьбу аб дапамозе.

#dissidentby

🔥 Цудоўная навіна і магчымасць для тых, хто быў рэпрэсаваны! Еўрапейскі саюз у рамках праграмы EU4Belarus – SALT абвяшчае запуск праграмы падтрымкі для тых, хто пацярпеў ад палітычных пераследаў і страціў крыніцу даходу і магчымасць атрымання адукацыі.

☕️ Для каго?
🔘 былых палітзняволеных
🔘 беларусы і беларускі, якія падвергліся адміністрацыйнаму або крымінальнаму палітычнаму пераследу

Памер падтрымкі: да 10 000 еўра!

💪 На гэту суму ў межах праграмы адна асоба можа атрымаць падтрымку на:

- навучанне і зборы (прафесійная адукацыя, курсы павышэння кваліфікацыі, моўныя курсы, курсы ваджэння, сертыфікацыя, настрыфікацыя і экзамены);
- выдаткі на пераклад дакументаў;
- пражыванне ў інтэрнаце (для прафесійнай адукацыі да 12 месяцаў);
- грамадскі транспарт (для вочнага навучання працягласцю не менш за 1 месяц);
- падпіскі на праграмнае забеспячэнне і лічбавыя платформы, неабходныя для навучання і перападрыхтоўкі.

👍 Вось тут спасылка на праграму і анкета для запаўнення: https://eu4belarus.info/grants02-ex-politicalprisoners-by/

✔️ Даведнік па працаўладкаванні для былых палітзняволеных, якія былі вымушаны пакінуць краіну:
Беларускамоўны варыянт
Расейскамоўны варыянт

🤌 Таксама нагадваем, што вы можаце пералічыць на карысць Dissidentby 1,5% падатку - інструкцыя тут і падпісацца на 📱 Патрэон для падтрымкі нашай дзейнасці

#dissidentby

💔 Вікторыю Кульшу ў пачатку гэтага тыдня перавялі ў СІЗА-3 Гомеля. Яна павінна была выйсці на волю 6 красавіка. Але на яе ў чацвёрты раз завялі крымінальную справу па арт. 411 – гэта пятая крымінальная справа супраць яе і чацвёртая менавіта па гэтым артыкуле.

⭐️ Вікторыя Кульша была адміністратаркай чата "Кіроўцы 97%", за што была затрыманая 4 лістапада 2020. У выніку яе асудзілі на 2,5 года пазбаўлення волі. У чэрвені 2022 Вікторыю Кульшу ўпершыню асудзілі па арт. 411 (злоснае непадпарадкаванне законным патрабаванням адміністрацыі папраўчай установы). На той момант у яе было ўжо 34 спагнанні.

🎉 Чарговы суд над жанчынай распачаўся ў красавіку 2023 года, дзе ёй зноў прысудзілі яшчэ адзін год зняволення. А ў кастрычніку 2023 года Вікторыю Кульшу асудзілі трэці раз і зноў дадалі 1 год па 411 артыкуле. Да гэтага часу жанчына правяла 7 месяцаў у СІЗА і павінна была выйсці на волю 6 красавіка 2025 года. Але супраць Вікторыі ўзбудзілі чацвёртую крымінальную справу. Зараз блізкія да ейнай сям'і паведамляюць, што яна знаходзіцца ў СІЗА-3.

💧 Агулам Вікторыя ўжо адбыла ў зняволенні 70 сутак ШІЗА і 6 месяцаў у ПКТ. Таксама вядома, што супрацоўнікі жаночай калоніі № 24 у Зарэччы ўжывалі супраць жанчыны псіхалагічны і фізічны ціск. Паведамляецца, што адзін з наглядчыкаў душыў Вікторыю локцем, стоячы ззаду, а таксама цягнуў яе па камеры. Апроч гэтага, яе часта абражалі і прыніжалі перад іншымі наглядчыкамі.

У сваіх інтэрв'ю былая палітзняволеная Паліна Шарэнда-Панасюк згадвала пра Вікторыю:

У Вікторыі Кульшы, напэўна, ужо адмовілі ныркі. Яна трымала галадоўкі месяцамі, адмаўлялася ад вады і ежы. Яна ўскрывала сабе вены. Яе кідалі за гэта ў ШІЗА – і там яна зноў ускрывала сабе вены. Яна трымала галадоўкі ў ПКТ. Яна адмаўлялася ад дапамогі лекараў.

Незалежныя эксперты па правах чалавека 26 сакавіка заклікалі беларускія ўлады зрабіць захады ў сувязі з паведамленнямі аб жорсткім абыходжанні з жанчынамі, што ўтрымліваюцца ў папраўчых калоніях. У тым ліку, яны выказалі трывогу з нагоды небяспечнага для жыцця стану палітзняволенай Вікторыі Кульшы:

Г-жа Кульша ў цяперашні час утрымліваецца ў Зарэчанскай выпраўчай калоніі №24, і, згодна з атрыманымі паведамленнямі, яе фізічнае і псіхічнае здароўе сур'ёзна пагоршылася. Тым не менш, ёй адмаўляюць у неабходнай медыцынскай і псіхалагічнай дапамозе, і яна працягвае падвяргацца жорсткаму абыходжанню.

Артыкул 411 Крымінальнага кодэкса дазваляе бясконца падаўжаць тэрміны зняволення на падставе абвінавачанняў у «непадпарадкаванні», якія выстаўляюцца тымі самымі супрацоўнікамі калоній, што адказныя за жорсткае абыходжанне з вязнямі.

#dissidentby

🥲 З 4 сакавіка не працуе сайт з раскладам судовых паседжанняў.
🥲 З 1 красавіка знікла магчымасць праверыць на сайце МУС абмежаванне на выезд з Беларусі.

Галоўны прынцып служкаў дыктатуры - схаваць свае злачынствы. Бо якраз злачынныя, антычалавечыя дзеянні і патрабуюць той цемры, у якой адбываецца падаўленне свабоды і правоў чалавека ў Беларусі. Калі ласка, паведамляйце любую інфармацыю пра пераслед нам па асабістых кантактах у апісанні каналу або праз наш сайт stayrebel.fun (даступны без VPN).

💜 Нашы вынікі ў сакавіку:

👉 22 чалавекі атрымалі фінансавую падтрымку на перадачы (з іх 4 былых палітвязня атрымалі індывідуальную фінансавую падтрымку);
👉 10 чалавек атрымалі рэгулярную падтрымку ад Германіі RAZAM e.V. у калабарацыі з намі;
👉 4 чалавекі пакінулі свае заяўкі на праграму рэсацыялізацыі і атрымліваюць персанальныя кансультацыі;
👉 58 лістоў вы пацвердзілі праз наш сайт, 37 лістоў мы атрымалі на сайт і даслалі;
229 лістоў мы апрацавалі і захавалі ў Банк Лістоў;
👉 79 запытаў мы атрымалі ў Тэлеграм-бот;
🆘 81 чалавека мы дадалі на сайт за месяц;
👉 у дачыненні да 87 (мінімум) чалавек адбыліся судовыя паседжанні па крымінальных справах.

Як дапамагчы з перадачамі палітвязням?
▪️ Стаць Вартаўніком/ніцай і падтрымліваць канкрэтнага вязня/вязынку рэгулярна;
▪️ Зрабіць разавы данат ад 15$, 30$ або 50$ і атрымаць унікальны мерч;
▪️ Падпісацца на Patreon (гэта важна! грошы ідуць на перадачкі);
❗️ Дапамагчы сабраць пасылку ў калонію;
▪️ Наш бот: @dissidentby_bot

🤌 Пералічыць на карысць Dissidentby 1,5% падатку - інструкцыя тут.

🛡 Не рабіце данаты з беларускіх картак! Выкарыстоўвайце VPN | Чысціце кэш | Не пакідайце сваіх асабістых дадзеных

🖤 Дзякуй!

#dissidentby

🔴З паўночы 27 сакавіка ўступіла ў сілу падпісанае прэзідэнтам Польшчы Анджэем Дудам пастанаўленне Савета Міністраў аб часовым абмежаванні права падачы хадайніцтва аб прадастаўленні міжнароднай абароны на дзяржаўнай мяжы з Беларуссю.

Падобныя працэсы не адбываюцца ў вакууме: літаральна днямі ў сетцы з’явілася інфармацыя, што за апошнія два месяцы з Польшчы было дэпартавана 1 300 замежных грамадзян, што на 85 % больш, чым год таму.

Сотні, тысячы людзей зараз пазбаўляюцца сваіх фундаментальных правоў — і застаюцца незаўважанымі большасцю. Іх не дапускаюць у суд, спасылаючыся на «сакрэтныя дадзеныя», якія спецслужбы маркіруюць як «пагрозу нацыянальнай бяспецы». Увесь свет разумее відавочную пагрозу вайны. Але вось іншая атака — на самі каштоўнасці прагрэсіўнага грамадства — можа застацца незаўважанай. Маніпулюючы тысячамі лёсаў, ствараючы атмасферу страху і гвалту на межах, эскалюючы канфлікты, аўтакраты б’юць па самым важным: па нашай веры ў правы чалавека.

Праваабарончая ініцыятыва Dissidentby катэгарычна асуджае масавыя дэпартацыі, якія парушаюць фундаментальныя правы чалавека.

Калі вы сутыкнуліся з падобнай сітуацыяй або ведаеце пра такія выпадкі — звяртайцеся ў мясцовыя праваабарончыя арганізацыі, супольнасці і да юрыстаў. Дапамога ёсць.

➡️➡️ чытаць артыкул цалкам: https://stayrebel.fun/by/articles/prava-cheloveka-pod-udarom-massovye-deportacii-i-krizis-spravedlivosti

#dissidentby

🌼 25 гадоў спаўняецца Мікіту Емяльянаву — палітвязню, які знаходзіцца за кратамі даўжэй за ўсіх. 3 лютага 2025 года яму дадалі яшчэ 1 год зняволення паводле арт. 411 КК РБ. Апеляцыя адбудзецца 3 красавіка.

🔻 Мікіта Емяльянаў - анархіст, быў затрыманы ў кастрычніку 2019 года за акцыі салідарнасці з палітвязнямі таго часу: ён кінуў кактэйль Молатава ў дзверы СІЗА-1 (Валадарскага), а таксама абліў фарбай будынак суда, дзе на той момант праходзіў суд над палітвязнем Дзмітрыем Паліенка. У 2020 годзе Мікіту асудзілі на 7 гадоў зняволення, але пасля разгляду апеляцыйнай скаргі тэрмін скарацілі да 4 гадоў. У 2022 годзе яму дадалі яшчэ 2 гады зняволення паводле таго ж арт. 411 КК РБ, а ў 2025-м — яшчэ 1 год. За час адбывання пакарання яго двойчы пераводзілі на турэмны рэжым.

💧Мікіта знаходзіцца за кратамі ўжо 1982 дні. З іх ён правёў у ШІЗА 568 дзён (на момант снежня 2024). Найбольш доўгі тэрмін знаходжання ў ШІЗА для яго склаў амаль 2 месяцы.

❤️‍🩹 Падтрымайце мужнага і нязломнага палітзняволенага добрым словам салідарнасці - вы можаце гэта зрабіць праз наш сайт - НАПІСАЦЬ ЛІСТ

Акрамя гэтага, вы можаце напісаць пра яго ў сваіх сацыяльных сетках або зрабіць акцыю салідарнасці ў любым фармаце і даслаць нам для публікацыі!

#dissidentby

🍀 Усё яшчэ шукаем рэспандэнтаў для запаўнення анкеты:

⭐️ Былыя палітзняволеныя у Польшчы і Літве
🌸 Людзі, якія пакінулі Беларусь без крымінальнага пераследу (па эканамічных прычыных, адукацыйных, сямейных або прывентыўных, бо баяліся затрымання і іншыя прычыны)

✏️ Калі гэта пра вас і вы зможаце прыняць удзел у нашым даследванні, напішыце калі ласка на акаўнт @dahary_nahami (у межах бяспекі мы робім індывідуальныя спасылкі на запаўненне). У анкеце мы не пытаем імя і асабістыя дадзеныя.

Навошта мы гэта робім? Наша мэта - сабраць рэальную фактуру тых наступстваў (псіхалагічных, фізічных, адаптацыйных і іншых), з якімі вы сутыкаецеся. Мы вельмі шмат камунікуем з вамі (сваякамі палітзняволеных і былымі палітзняволенымі) і разумеем, што патрэбаў шмат і мы ўсе павінны намагацца выпрацаваць максімальна комплексную падтрымку нават у такіх складаных умовах. Ніхто ніколі раней не сутыкаўся з такімі масавымі рэпрэсіямі ў нашай краіне, таму дасканалых і доўгатэрміновых механізмаў на сёняшні дзень няма. А мы жадаем іх зрабіць, каб вы маглі на іх разлічваць!

#dissidentby

❤️‍🩹 Ужо сабрана амаль 80% ад усей сумы! Дапамажыце сям'і былога палітзняволенага Яўгена Харашкевіча справіцца з цяжкасцямі вымушанай эміграцыі:

За сваю грамадзянскую пазіцыю я быў арыштаваны, потым асуджаны і адпраўлены ў турму на 4 гады, пакінуўшы цяжарную жонку адну ў самых складаных абставінах. У жніўні 2024 года, пасля поўнага адбыцця тэрміна, я выйшаў на волю. Але пераслед нашай сям'і не спыніўся. Увосень 2024 года ў нашу кватэру зноў прыйшлі сілавікі з ператрусам.

Тры месяцы мы хаваліся ў Грузіі, жывучы ў пастаянным страху. А калі, нарэшце, змаглі пераехаць у Польшчу, нас чакаў яшчэ адзін удар: грошы, якія мае бацькі перадалі нам на першы час у эміграцыі, былі скрадзеныя.

Мы звярнуліся ў паліцыю Польшчы і рыхтуем заяву ў паліцыю Грузіі, але шанцы вярнуць скрадзенае малыя. Цяпер мы засталіся без сродкаў да існавання і без той фінансавай падушкі, якая дазволіла б нам пачаць новае жыццё.

💢 Падтрымаць: pomagam.pl/36mwn9

#dissidentby
Памілаванне без памілавання. Як жывуць людзі пасля памілавання ў Беларусі?

🌸У інтэрв'ю Антаніны Канавалавай [былая палітзняволеная, якая была за кратамі больш за 4 гады, выйшла па памілаванні ў снежні 2024], якое яна дала Альянсу расследавальнікаў Беларусі, мы пачулі шэраг вызначальных момантаў, што фарміруюць новую рэальнасць для былых палітвязняў.

Антаніна падрабязна апісвае ўсе этапы паслядоўнай і поўнай дэсацыялізацыі, якой дыктатура падвяргае чалавека:

Я выйшла і думала, што ўсё скончылася, што я выйшла свабодным чалавекам, але не. Цябе не існуе ў Рэспубліцы Беларусь, калі ты знаходзішся ў "экстрэмісцкім" і "тэрарыстычным" спісах. Ты не можаш аформіць банкаўскую картку, не можаш зрабіць сабе зарплатную картку, пры гэтым з цябе патрабуюць, каб ты ўладкаваўся на працу. Ты не можаш аплачваць камунальныя паслугі, ты не можаш даслаць пасылку або атрымаць пасылку ці бандэроль. То бок цябе няма. Ты быццам ёсць, але цябе няма.

Потым я вярнулася ў Мінск, мне трэба было на працягу трох сутак стаць на ўлік. Я паехала ў РАУС і спыталася, ці магу я пераехаць у вёску. Мне адказалі, што так, магчыма. Яшчэ яны не патрабавалі, каб я знайшла працу, але казалі, што гэта неабходна. Потым мне патэлефанаваў інспектар з майго РАУС і паведаміў, што са мной хочуць сустрэцца людзі. Першую сустрэчу прызначылі літаральна на чацвёрты дзень пасля вызвалення. Такіх сустрэч у мяне было пяць. На першай мяне выклікалі на Рэвалюцыйную, 3. Шчыра кажучы, я тады не ведала, што гэта за будынак. Потым я даведалася ў інтэрнэце, што гэта ГУБАЗіК. Са мной размаўляў начальнік, намеснік начальніка па Мінску і Мінскай вобласці, а таксама аператыўныя супрацоўнікі, якія змяняліся.

Аднак самым жахлівым сведчаннем антыправавой шызафрэніі рэжыму Лукашэнкі з’яўляецца практыка вярбоўкі былых палітвязняў. Пасля ўсіх пакут, якія чалавек перажыў у зняволенні, пасля спроб дзяржавы цалкам сацыяльна ізаляваць яго, яму прапануюць працаваць даносчыкам.

Яны пыталіся, ці змяніліся мае погляды. Вядома, я ім казала, што змяніліся. Мне трэба было зрабіць усё, каб яны мне паверылі. Я казала ім, што мае дзеці вернуцца ў Беларусь, хаця ведала, што яны не вернуцца і я не прывязу іх у краіну, якая пасадзіла мяне ні за што. Яны пыталіся пра калонію, як там пры новым начальніку. Магу сказаць, што яны не давяраюць нікому. Мне не прапаноўвалі падпісваць дакументы, але намякалі: маўляў, мы можам уладкаваць вас на працу. Я адмаўлялася. Мне адказвалі: вы ж разумееце, што гэта не будзе выглядаць так, што вас ГУБАЗіК прывёў на працу, вас проста аформяць і ўсё. Але я ўжо ведала, што гэта значыць: цябе ўладкоўваюць на завод, ты там працуеш, а гэты чалавек [з ГУБАЗіКа] сочыць за настроямі супрацоўнікаў. Мне казалі, што калі я не магу прывезці дзяцей сама, то яны прывязуць іх мне і што мае дзеці фактычна ў закладніках.

Апісанае Антанінай дазваляе зразумець, што рэжым Лукашэнкі ўсё глыбей пагружае беларускае грамадства ў атмасферу татальнага кантролю, рэпрэсій, ціску і даносніцтва, што нагадвае масавы тэрор у СССР або палітыку Трэцяга рэйха.

Спасылка на поўнае інтэрв'ю: https://www.youtube.com/watch?v=z-CXimespJY

#dissidentby

🌼 Ініцыятыва "Вольныя Паштоўкі" выпусціла новы мерч, данаты з якога на 100% ідуць на палітзняволеных у Беларусі 💕

Вясна – час абуджэння і надзеі. Мы выпускаем новы мерч, які натхняе рухацца наперад і падтрымліваць сябе і іншых.

Мы верым, што сімвалы маюць сілу, а словы змяняюць рэальнасць. Таму мы выкарысталі словы, што будуць нагадваць вам пра святло навокал і даваць надзею. Няхай гэты мерч матывуе вас дзейнічаць, дасягаць сваіх мэтаў і падтрымліваць адно аднаго.

І асабліва тых, каму так важная наша салідарнасць, – палітвязняў.

У лімітаванай серыі – нататнікі, бірулькі-абвесы, шоперы, паштоўкі і стыкерпакі. Як атрымаць? Цяпер і праз наш сайт:
🎉 dissidentby.com/products 🎉

#dissidentby

🕯 Стала вядома, што пасля вызвалення абарвалася жыццё былога палітзняволенага Валянціна Іваноўскага.

🔻Валянцін Іваноўскі - жыхар Ліды, затрыманы ў ліпені 2022 года па арт. 368 ч. 1 («Абраза прэзідэнта»). Па выніках судовага працэсу яго прысудзілі да двух гадоў пазбаўлення волі. Пакаранне Валянцін адбываў у Наваполацку (ПК-1).

У траўні 2024 года Валянцін Іваноўскі выйшаў на волю, але праз некалькі месяцаў яго не стала — мужчына памёр у жніўні. Прычына смерці невядомая. Яму было 48 гадоў.

#dissidentby

⭐️ Сябры, мы рады паведаміць, што вядзем вялікую і важную працу - даследванне па доўгатэрміновых наступствах палітычнага зняволення і эміграцыі.

❤️‍🩹Наша мэта - сабраць рэальную фактуру тых наступстваў (псіхалагічных, фізічных, адаптацыйных і іншых), з якімі вы сутыкаецеся. Мы вельмі шмат камунікуем з вамі (сваякамі палітзняволеных і былымі палітзняволенымі) і разумеем, што патрэбаў шмат і мы ўсе павінны намагацца выпрацаваць максімальна комплексную падтрымку нават у такіх складаных умовах. Ніхто ніколі раней не сутыкаўся з такімі масавымі рэпрэсіямі ў нашай краіне, таму дасканалых і доўгатэрміновых механізмаў на сёняшні дзень няма. А мы жадаем іх зрабіць, каб вы маглі на іх разлічваць!

Больш за 50 чалавек ужо адгукнуліся і мы вельмі ўдзячны за гэта. Працягваем шукаць:
🌼 Былых палітзняволеных у Польшчы і Літве
🌼 Людзей, якія пакінулі Беларусь без крымінальнага пераследу (па эканамічных прычыных, адукацыйных, сямейных або прывентыўных, бо баяліся затрымання)

⭐️ Калі гэта пра вас і вы зможаце прыняць удзел у нашым даследванні, напішыце калі ласка на акаўнт @dahary_nahami (у межах бяспекі мы робім індывідуальныя спасылкі на запаўненне). У анкеце мы не пытаем імя і асабістыя дадзеныя.

У першую чаргу вынікі будуць прэзентаваны былым палітзняволеным, якія запаўнялі анкету 🐈

Для рэалізацыі працы мы маем падтрымку ад BYSOL Foundation і EVZ Foundation, а гэта значыць, што мы можам прыцягнуць добрых спецыялістаў для працы над даследваннем і ягонымі вынікамі.

#dissidentby

⭐️ Калі вы працуеце ў Польшчы, у вас ёсць магчымасць падтрымаць dissidentby і палітзняволеных у Беларусі!

Да 30 красавіка вы можаце запоўніць падаткавую дэкларацыю і накіраваць 1,5% ад сваіх падаткаў для нас ❤️

✏️ Мы стварылі памятку, дзе па кроках напісалі, як вы можаце падтрымаць нас! Калі ласка, рабіце рэпосты і дзяліцеся з сябрамі і знаёмымі - гэта цудоўная магчымасць падтрымаць рэпрэсаваных, бо мы накіроўваем сродкі на патрэбы палітзняволеных у турме.

На нашым сайце таксама даступна інструкцыя ў тэкставым варыянце:
- на расейскай мове
- на беларуская мове
- на польскай мове

Дзякуй! 🌸

👑 8 сакавіка - дзень барацьбы за правы жанчын

Беларускія жанчыны - прыклад стойкасці і адданасці. Яны - наймацнейшыя. Больш за 1795 жанчын прайшлі крымінальны пераслед у Беларусі, 167 за кратамі наўпрост зараз. Мы працягваем падтрымліваць вас усімі сіламі і будзем гэта рабіць заўседы 🫰🌷

Падтрымаць жанчын вы можаце наўпрост даслаўшы ліст праз наш сайт. Акрамя таго, рабіце акцыі з іх патрэтамі, пішыце пасты, распавядайце ўсім сваім знаёмым пра сітуацыю ў Беларусі і дапамагайце жанчынам вакол вас 👍