ЧЫТАЛЬНЯ

Чытацкі клуб бібліятэкі беларускай кнігі ў Вільні “Чытальня” запрашае на сустрэчу пра нізку твораў Васіля Быкава, якія мусіць прачытаць любы адукаваны чалавек.

Абмеркаванне адбудзецца з удзелам паэта і літаратуразнаўцы Андрэя Хадановіча.

Мы прапануем пагутарыць пра тую частку “сапраўдных скарбаў беларускай літаратуры” (так прозу Быкава характарызуе наш госць-эксперт), якая складаецца з апавяданняў ды прыпавесцяў, створаных у апошнія гады жыцця майстра слова.

Што чытаем:
"Жоўты пясочак"
"Сьцяна"
"Бутэльчына, альбо Прэзідэнт на дрэве"
"Вуціны статак"
"Кошка і мышка"
"Тры слова нямых"
"Пахаджане"
"Насарогі ідуць"
"Байкі жыцця"(трыпціх)
"Інтэграцыя".

На сустрэчы бузем дзяліцца сваімі уражаннямі-думкамі, а таксама пагутарым пра “складаную, але вельмі карысную” (паводле спадара Андрэя) кнігу ўспамінаў "Доўгая дарога дадому" (2002).

Нагадаем, што ў Вільні кнігі Быкава можно забраніраваць у анлайн-каталозе “Чытальні” https://cytalnia.com і забраць на рукі для чытання. Усе творы, вядома, можна знайсці і на інтэрнет-рэсурсах у друкаваным і (ці) аўдыяфармаце. А “Доўгая дарога дадому” даступная ў выкананні самога аўтара на сайце "Радыё Свабода"

Шчыра запрашаем усіх на Zoom-сустрэчу ў пятніцу!

🗓 Пятніца 26 ліпеня
🕘 18:30 (па Вільні)
📍 Анлайн-сустрэча (Zoom)
Спасылка на сустрэчу будзе апублікаваная ў чытацкім чаце ў Тэлеграм, прапануем да яго далучацца!

#быкаў #проза #чытальняўвільні #cytalniavilniuje #чытацкіклуб #хадановіч

🗓 6 ліпеня ў Літве адзначаецца Дзень Дзяржавы (Каранацыі караля Міндоўга).

💫 Гэта дзяржаўны святочны дзень, таму на гэтых выходных "Чытальня" працуе толькі ў нядзелю 7 ліпеня з 14 да 20 гадзін.

🫶 Добрага летняга ўікенда, спадарства!

🗓 Блізіцца паўгода з моманту, калі бібліятэка ў віленскім Цэнтры беларускай супольнасці і культуры займела назву "Чытальня" і новы сайт-каталог https://cytalnia.com, пачала набываць новыя кнігі і ладзіць сустрэчы чытацкага клубу на сродкі ад беларусаў_к па праекце па самакіраванні на платформе "Новая Беларусь".

Пра тое,
🔹 як і што адбывалася і атрымалася за гэтыя месяцы,
🔹што пра бібліятэку кажуць наведвальнікі,
🔹на што звярнуць увагу тым, хто плануе аналагічныя праекты-бібліятэкі для беларусаў_к,
🔹 якія планы далей і якія рэсурсы і дапамога патрэбныя,
а таксама
🔹 як пачаткоўцам знайсці "сваю" кнігу, з якой было б цікава "зайсці" ў родную літаратуру 😉,
аўтарка ідэі-пераможцы пра бібліятэку беларускай кнігі Вільні ў леташнім конкурсе ад "Новай Беларусі" распавядае ў інтэрв'ю выданню "Салідарнасць".

🤗 "Чытальня" ж са свайго боку шчыра дзячыць Ірыне за рэгулярныя падарункі ў выглядзе кніг-навінак з прэзентацый і кніжных крамаў у бібліятэчны фонд, валантэрскую дапамогу па рэгістрацыі кніг у каталог, інфармацыйную падтрымку для сацыяльных сетак, адданы ўдзел у абмеркаваннях па дзейнасці бібліятэкі, наладкоўванні працэсаў, імпрэзах чытацкага клубу і асобна — за душэўную ўсмешку!

#чытальняўвільні #cytalniavilniuje #салідарнасць

🔥 У чэрвені да стагоддзя cусветна вядомага пісьменніка Васіля Быкава мы знаёмілі адно аднаго з яго творамі ў бібліятэцы.

🗓 А ў ліпені прапануем абмяняцца ўражаннямі і думкамі пра прозу Быкава з паэтам і літаратуразнаўцам Андрэем Хадановічам!

✍🏻 Паводле рэкамендацыі эксперта, да сустрэчы чытаем апавяданні
"Жоўты пясочак",
"Сьцяна",
"Бутэльчына, альбо Прэзідэнт на дрэве"
і прыпавесці
"Вуціны статак",
"Кошка і мышка",
"Тры слова нямых",
"Пахаджане",
"Насарогі ідуць",
"Байкі жыцця"(трыпціх)
"Інтэграцыя".

📚 Гэтую нізку іранічна-сумных твораў, створаных у часы станаўлення лукашызму і дагэтуль надзвычай надзённых, і абмяркуем падчас ліпеньскай сустрэчы чытацкага клубу.

🚩А выдатнікам чытання прапануем у дадатак кнігу ўспамінаў "Доўгая дарога дадому" (2002). У ёй Васіль Уладзіміравіч дзеліцца асабіста перажытым амаль за 70 гадоў свайго багатага на падзеі жыцця і развагамі пра існае. Дарэчы, гэтую кнігу можна паслухаць у выкананні самога аўтара на сайце "Радыё Свабода"

🤗 Будзем рады пазычыць вам кнігі з апавяданнямі і прыпавесцямі Быкава ў "Чытальні" і чакаем вас на сустрэчы!

🗓 Пятніца 26 ліпеня
🕘 18:30
📍 Анлайн-сустрэча

#быкаў #проза #чытальняўвільні #cytalniavilniuje #чытацкіклуб

😔 Сёння, 22 чэрвеня — гадавіна пачатку паўнамасштабнага распаўсюду жахлівай вайны на ўсю беларускую зямлю 80 год таму.

😔 Таксама сёння, 22 чэрвеня — гадавіна сыходу з жыцця ў 2003 годзе Васіля Быкава, аднаго з адметнейшых і знакавых творцаў беларускай літаратуры, які апісваў і даследаваў тую вайну ў сваіх творах.

📚 Падчас чытанняў Быкава да стагоддзя пісьменніка, якія адбыліся 19 чэрвеня 2024 у віленскай "Чытальні", гучалі ўрыўкі з яго кніг пра тую вайну і яго развагі пра праўду, якую беларуская нацыя можа і мусіць здабыць з уласнай гісторыі.

🕯 На светлую памяць усім ахвярам тае вайны і асобе Васіля Быкава вашай увазе тэкст і відэафрагмент чытання слова аўтара да зборніку "Сцяна".

📹 Больш відэа з вытрымкамі з твораў "Жоўты пясочак", "Ружовы туман", "Альпійская балада", прадмовы да артыкула "Курапаты — дарога смерці" Зянона Пазняка і Яўгена Шмыгалёва (1988), эсэ "Вайна і перамога", прыпавесці "Насарогі ідуць" можна пабачыць і паслухаць у чытацкім чаце ў Telegram.

🤝 Дзякуем усім, хто далучыўся да чытанняў!

#быкаў #проза #чытальняўвільні #cytalniavilniuje #чытанніўслых #чытацкіклуб

🫶 Вольга Шпарага ў сваім Facebook дзеліцца сваімі чаканнамі пра анлайн-абмеркаванне кнігі "У рэвалюцыі жаночае аблічча", якое ладзіцца з чытачамі 22 чэрвеня:

💫 "Рада, што ў гэтую суботу будзе вось такая сустрэча. Пачынаючы з 2020 года, чэрвень для мяне — гэта месяц #Евалюцыі. 18 чэрвеня 2024 года — 4 гады як арыштавалі Віктар Бабарыка. Для мяне той чэрвень стаў ужо шмат у чым гісторыяй, але гэта пульсуючая і надзвычай Жывая гісторыя, са сваімі тварамі, адкрыццямі, надзеямі і — болем. Спадзяюся, пра гэта ўсе мы пагаворым. Буду гэтаму вельмі рада!"

А мы прапануем вам шэраг матэрыялаў, у якіх аўтарка раскрывае свой погляд на падзеі 20-га году і ўдзел жанчын у пратэстах

🔹Падкаст CoMeta на LRT (2020) . Artima revoliucija/CoMeta. Близкая революция

🔹Інтэрв'ю Deutsche Welle (2021) "Общество узнало само себя в образе женщины"

🔹Падкаст «Фанайлова: Вавилон Москва» (2021) Женское лицо революции в Беларуси

🔹Сустрэча-гутарка з Ірынай Славінскай з Радыё Культура (2021) Видиме і невидиме в протесті: рівні взаємопідтримки

🔹Дыскусія на канале Laisvai ir kritiškai/Свободно и критически (2021) У революции женское лицо: случай Беларуси

🔹Інтэрв'ю на канале жизнь-малина (2024) ФИЛОСОФКА – про насилие Лукашенко и как противостоять системе

✍🏻 Запрасіць на сустрэчу літоўскіх сяброў_вак можна вось гэтым тэкстам: https://t.me/cytalnia/118.

‼️ Нагадваем, што спасылка на Zoom будзе прапанаваная ў чытацкім чаце ў Telegram, далучайцеся!

🚩 На сустрэчы будзем размаўляць па-беларуску і па-руску.

🗓 Субота 22 чэрвеня
🕘 18:30 - 20:30
📍 Анлайн-сустрэча

#чытацкіклуб #чытальняўвільні #cytalniavilniuje

📚 Да 100-гадовага юбілею сумлення нацыі і нацыянальнага прарока Васіля Быкава ў "Чытальні" ладзіцца выстава кніг класіка і пра класіка.

💫 А 19 чэрвеня з 17 да 20 гадзіны адбудуцца вольныя чытанні фрагментаў з кніг аўтара, чыё сэрца жыло Беларуссю.

🤗 Запрашаем усіх ахвочых прачытаць свае ўлюбёныя старонкі з яго твораў услых і (ці) паслухаць іх у выкананні іншых чытачоў і чытачак.

💚 І, вядома ж, з радасцю прапануем вам пазычыць кнігу вялікага беларускага пісьменніка на добрае чытанне дома!

🗓 Серада 19 чэрвеня
🕘 17:00 - 20:00
📍 Vilniaus g. 20

#быкаў #проза #чытальняўвільні #cytalniavilniuje #чытанніўслых #чытацкіклуб

Вітаю, сябры! З вамі на сувязі Ірынка, і гэтым разам я хацела паразмаўляць з вамі пра салідарнасць 🙃

Пачну з расповеду пра мерапрыемства, на якім я была ў пятніцу — сустрэчу з беларускім журналістам, рэдактарам "Нашай Нівы", былым палітвязнем, паэтам і перакладчыкам Андрэем Скурко. Там можна было пабачыць і набыць яго цудоўныя кнігі для дзетак, частка з якіх ужо ёсць у нашай бібліятэцы.

📚 А сёння ў каталог дадаліся яшчэ дзе!

🔹 Навінка ад Андрэя Скурко "Стукі-грукі — што за гукі. Вершы пра інструменты", што выйшла з друку ў Празе каля месяца таму,

🔹Усім вядомая вершаваная казка Карнея Чукоўскага "Добры доктар Будзь-Здароў", якую Андрэй пераклаў на нашу родную мову.

😊 Падчас сустрэчы Андрэй распавядаў пра свае кнігі, чытаў вершы, некаторыя з іх выконваў у выглядзе песень, а таксама адказаў на пытанні пра сабе і сваю творчасць і падпісаў кнігі.

🚩 Дык вось. Мы шмат размаўляем пра тое, каму і як варта падтрымліваць культуру, пісьменнікаў, выдаўцоў, гісторыкаў, ад чаго розным палітыкам патрэбна адмовіцца, каб накіраваць грошы на развіццё гэтага напрамку. Але ж мы самі можам зрабіць ўнёсак у нашу агульную беларускую справу. Мы ўжо даказалі і сабе, і свету, наколькі моцная можа быць наша салідарнасць і як шмат яна можа зрабіць.

🔥 Таму прыходзьце на літаратурныя і кніжныя мерапрыемствы! Вашы час і прысутнасць — гэта самая моцная падтрымка беларускіх аўтараў і выдаўцоў. Калі б вы толькі бачылі іх позіркі ўдзячнасці і радасці ад атачэння зацікаўленых удзельнікаў і падчас падпісання кніг чытачам!

🙏 Калі маеце магчымасць, набывайце кнігі для сабе, сваіх сваякоў, сяброў і знаёмых — грашовая падтрымка аўтараў і выдавецтваў дазволіць ім пісаць і выдаваць больш якаснай беларускай літаратуры.

🫶 Мы можам вярнуць кнізе статус лепшага падарунка, улічваючы разнастайнасць выбару, якасць зместу і афармлення выданняў на беларускай мове і кніг беларускіх пісьменнікаў. Такім чынам мы не толькі падтрымліваем аўтараў і выдаўцоў, але і робім унёсак у развіццё беларусаў як нацыі, якая будзе чытаць больш якаснай літаратуры. А калі кнігі падпісвае аўтар, перакладчык ці ілюстратар, каштоўнасць такога падарунка робіцца яшчэ вышэй, бо для гэтага патрэбна, каб сыйшліся зоркі і ў адным месцы сустрэліся ўсё гэтыя людзі і той, хто рыхтуе падарунак сваім дарагім людзям.

🙂 Давайце зробім усё залежнае ад нас саміх, каб адчуваць, што мы не стаялі ў баку і актыўна ўкладваліся ў развіццё нашай літаратурнай спадчыны, у вырашэнне актуальных і балючых пытанняў для Беларусі, у падтрымку і стварэнне літаратурнага і культурнага асяроддзя.

🤗 Шчыры дзякуй, што дачыталі да канца, моцна ўсіх вас абдымаю, і прыходзьце ў "Чытальню" за беларускімі кнігамі, ваша Ірынка 🙃

ЗЫ. Кнігі Андрэя Скурко можна набыць у сувенірнай краме А2.Print

📕 На старонках кнігі, што маем у позве чытацкага клубу ў гэтым месяцы, аўтарка назірае за спалучэннем фемінізму і патрыярхату ў канве беларускага грамадства на момант узнікнення пратэстаў 2020 году. У прыватнасці, Вольга разважае, чаму і як беларусы ўспрынялі і падтрымалі постаці трох лідарак аб'яднанага штабу.

🪞"...станаўленне як палітычнага суб'екта Святланы Ціханоўскай мела, на мой погляд, і болей істотныя наступствы — яно зрабілася нібыта люстэркам для ўсяго беларускага грамадства. Значная частка людей пачала гаварыць пра сябе ў тэрмінах грамадзянскага і палітычнага абуджэння — заклік лідарак і штаба да сумесных, салідарных дзеянняў, на неабходнасці грамадзянскага ўдзелу кожнага і кожнай быў пачуты, людзі на яго адгукнуліся. Лідаркі дэманстравал, што палітыкамі не нараджаюцца, а робяцца; што гэта можа быць не так проста, але магчыма; што палітыка — гэта не толькі пра прыняцце рашэнняў, але і любоў як эмпатыю, пра суперажыванне і адказнасць за лёсы іншых людзей і грамадства агулам".

✊ У той жа час Марыя Калеснікава разглядала "прасоўванне і падтрымку жанчын і як непасрэдную частку сваёй дзейнасці ў галіне культуры", лічачы, што "жанчынам даводзіцца ў значна большай ступені займацца самавызначэннем і дасягаць таго, што ты любіш рабіць і чаго хочаш, праз свае страхі і няўпэўненасць: у параўнанні з імі ў мужчын значна больш падтрымкі на узроўні супольнасці".

👭 Пра кнігу, якая, вяртаючы нас у 2020, не толькі апісвае ролю і месца жанчын у самым масавым гістарычным беларускім грамадзянскім пратэсце, але і дае магчымасць аналізаваць і тагачаснае, і сённяшняе, здабываць урокі і рабіць высновы, вызначыць кропку, на якой мы апынуліся цяпер, у 2024-м, і лепей зразумець, як рухацца далей, будзем гаварыць на анлайн-сустрэчы чытацкага клубу ўжо ў наступную суботу.

Выданне даступнае
🔻для пазыкі ў "Чытальні" на рускай і літоўскай мовах
🔻для праслухоўвання ў аўдыёфармаце.

✍🏻 Запрасіць на абмеркаванне літоўскіх сяброў_вак можна вось гэтым тэкстам.

⚡️ Цягам тыдня перад сустрэчай у чытацкім чаце падзелімся звесткамі пра выступленні Вольгі ў публічнай прасторы. У чаце таксама апублікуем спасылку на анлайн-сустрэчу ў Zoom. Запрашаем далучацца!

🗓 Субота 22 чэрвеня
🕘 18:30
📍 Анлайн-сустрэча

#чытацкіклуб #чытальняўвільні #cytalniavilniuje